:::اخر افتكسات البنات والشباب :::

[x×x 7o0odA x×x]

السلام عليكم ورحمة الله وبركاتة
نبدء الموضوع
يبدأ يوم الشباب لما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد

إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها
يعنى لو البنت حلوه يسموها (( أوكشة )) (( فى الزيف )) يعنى فى الجون ولو لابسة جزمة كعب عالى
(( ألآستوك بيتوك ))


أو حتة (( شامبو )) يعنى ريحتها حلوة ومستحمية !!!


ولو البنت صغيرة يقول عليها (( أووزى )) ولو كانت البنت الاجمل فى الشلة يقولو عليها (( النتفة )) أما لو كانت قبيحة الشكل تبقى
(( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى
(( سلعووه ))

ولو كانت لعوباً يقولو عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!

ولو كانــت البنت سمـراء البشرة يسموها (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى
(( بيئة ))....

وولما ترفض البنت المعاكسة وده نادر جدا او مبيحصلش خالص ههههههه تقول للبييعاكسها ( يا خفة .. اية الهزار دة ... روح لمامتك يا بيبى ))

وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ال يعني البت فاهمه لغه هههههه

ولو الولد زهق (( اتخنق )) من البنت أو العكس يقولها (( سمعينى بودعك )) أو (( حوديها المولد)) ....


ولما تكون عايزة توريه لصحابها وتاخد رأيهم فى (( البوى فريند )) بتاعها ((تديله راندفو)) وتطلب من صحابها رأيهم من غير ما ياخد باله طبعا يعني ((بالطريقه ))
(( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى لما تقول لها صحبتها انك
(( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ...
(( شامورتى )) يعنى خنييق


(( توت فروت )) مظهرجى ... (( خفشاوى )) عبيط وهايف ... (( شنيش )) يعنى لامؤخذة هفأ .. !!!

ولو الولد تعبان فى المذاكرة يعنى (( جايب جاز والشراب مدلدل )) ههههههههه !!!



وأكثر مصطلحات متداولة هذة الايام

(( العب باشكا )) يعنى العب على المكشوف !!

(( حطيت إيدى على البلف )) يعنى فهمت الموضوع !!!

(( أدعك الفانوس دلوقتى )) يعنى ممكن تمشى وتخلع !!!

(( أرحلك )) أخرجك من الشلة !!

(( الجوند )) فلوس !!

((هات عمود )) يعني قب بسيجارة !!

(( مكيش القفف )) معاه فلوس كتير !!

(( يا صباح المظلات )) للمتقدمين للكليات العسكرية !!

(( اونفض )) يعنى نفض وكبر الجمجمة !!!

(( أحلق )) طنش !!!

(( انت حتزاولنى )) انت حتشتغلنى !!!

(( مهييس )) عامل دماغ وطاير قووى !!!

(( يا صباح اللى بتغنى )) صباح الخير !!

(( يا مساء الليل )) يعنى يا مساء الخير !!!

(( فوكك )) سيبك من الموضوع دة !!!

(( اشوفك بكرة مسنتيك)) يعنى مش عايز اشوفك تانى !!!

(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!

(( كل معرفتى بيه .. هاى باى )) يعنى مش صاحبى قوى !!!

(( شوليطى . موليطى )) يعنى مش معايا فلووس .. مفلس !!


ومن مصطلحات الاغانى المنتشرة بكثرة الايام ديه :

(( انا رايح ألعب مع روبى )) يعنى انا رايح الجيم !!!

(( تعالوا نحصل ماريا )) تعالوا نلعب شوية !!

(( انت بتقلد روبى ؟ )) يعنى بتخبى وبتدارى !!

(( أنت كدة تعجب بوسى سمير )) يعنى انت حطيت النقط على الحرووف

وكفايا عليكم كده

[No TiMe]

لا يا جامد
انت ميه ميه بعض الحوارات دي بتحصل برضو تسلم

[x×x 7o0odA x×x]

لا يا جامد
انت ميه ميه بعض الحوارات دي بتحصل برضو تسلم

تسلم يا حبيب هارتى
نورت التوبيك يا جامد

[Princess maya]

(( العب باشكا ))

[x×x 7o0odA x×x]

(( العب باشكا ))

ههههههههههههههههههههه
شكرا لمرورك يا مايا
نورتى التوبيك

[-Nona-]

انا ممكن اخد عندك درس فى المصطلحات
ده انا طلعت مش اعرف حاجه خالص
واللهى انا غلبانه كده اوى

وتسلم يا حودا

[Mr.Mo0ody]

حودااااااااااا

بسراحه انا أول مرة أسمع الكلام ده

بث بثراحه

دروس صياعه تماااااااام

[x×x 7o0odA x×x]

انا ممكن اخد عندك درس فى المصطلحات
ده انا طلعت مش اعرف حاجه خالص
واللهى انا غلبانه كده اوى

وتسلم يا حودا

شكرا لمرورك يا نونا
نورتى التوبيك يا قمر

[x×x 7o0odA x×x]

حودااااااااااا

بسراحه انا أول مرة أسمع الكلام ده

بث بثراحه

دروس صياعه تماااااااام

تسلم يا مان ع المرور الجامد
نورت التوبيك يا مودى

[نهاد مجدى]

ايه يا بوب ده كله ده احنا طلعنا ما بنعرفش حاجه ميرسى لوووووز على الدكشينرى