قول اسمك ايه ...ومتخفش يابيه (سرك فى برميـــل)

[BA7IBAK YA BOY!]

العساسيل والعسولات
اعزائى احبائى اخواتى وكمان اصحابى
النهارده يوم غير عادى..... ومحدش يسال ليه مش عادى اهو كده وخلاص
بعيدا عن المقدمات يا كتاكيت انا جايلكوا بتالت موضوع ليا في الركن العام
الموضوع وبعد قرائه الشروط قارئه دقيقه متفحصه
قولت لازم انزل موضوع يكون ليه هدف
ايون ليه هدف
والهدف بتاع موضوعى بيتلخص فى الايه دى
بسم الله الرحمن الرحيم (وتعاونوا على البر والتقوى ولا تعاونوا على الاثم والعدوان ) صدق الله العظيم
وبغض النظر عن إزاى هنعمل ده
هو ده الهدف الاساسى .
طيب السؤال بقى دلوقتى
إزاى نتعاون على البر واحنا اصلا منعرفش بعض؟
علشان كده انا جايلكم النهارده علشان نتعرف على بعض فى اطار وتعاونوا على البر ولكن فى شكل ظريف خفيف بعيدا عن الجديه المطلقه اللى ماشاء الله بتزخر بها جميع المواضيع الاخرى .
العمليه هتمشي إزاى:
اولا : نختار عضو معين عن طريق الانتخاب ونزق بيه داخل المفعصه ونفعص فيه لحد منعصره ونعرف عنه كل حاجه
ثانيا : مده وجود العضو داخل المفعصه ثلاث ايام من تاريخ تحرير وثيقه القبض عليه .
ثالثا:عدد الاسئله عشر اسئله تكتب على ردين كل رد خمسه اسئله فقط ده بخلاف الاسئله الرئيسيه
اللى هى

1. اختارت ليه اليوزرنيم ده؟
2. اخترت ليه الصوره دى؟
3. لو غيرت اليوزرم نيم هيبقى إيه ؟
4. اتكلم عن التوقيع بتاعك فيما لايزيد عن سطرين.

شروووووووط الموضوووووع

1. مممنوع منعا باتا مايطلق عليه التشات او الدردشه داخل الموضوع .
2. ممنوع منعا باتا كتابه اى اسئله محرجه او شخصيه للعضو اللى فى المصيده؟
3. لا داعى لوجود اى كلمات تسير الشبهات زى مع السلامه ياقمر ووحشتينى وكل مشتقاتهم
4. ممنوع منعا باتا شكلا وموضوعا حوارات الحبيبه ووسنينهم الزرقا اوك
5. ممنوع الاهانات لأى شخص سواء موجود او غير ....
6. ممنوع كتابه ايملات داخل الموضوع او تلميحات الكلام على الخاص (فهمنى طبعا )
7. ممنوع اى اهداءات داخل الموضوع

*******************

يلا يا شباب الاول اسمع رأيكوا فى الموضوع ونبدأ على البركه

[AhMeD El-Za3eEm]

العساسيل والعسولات

همــــا غيروهــا دلوقتي و خلــوها
العثــــاثيل و العثــولات

ونزق بيه داخل المفعصه ونفعص فيه لحد منعصرهثانيا : مده وجود العضو داخل المفعصه ثلاث ايام من تاريخ تحرير وثيقه القبض عليه.

يعني 3 أيـــام من الفعص ... أي عضــو حيخش في الموضوع ده
مش حيقــدر يكمل معانـــا في الكـــافيه .. دا ممكن عضــو روحه تطلع في نص الموضوع

شروووووووط الموضوووووع

1. ممنوع منعا باتا مايطلق عليه التشات او الدردشه داخل الموضوع .
2. ممنوع منعا باتا كتابه اى اسئله محرجه او شخصيه للعضو اللى فى المصيده؟
3. لا داعى لوجود اى كلمات تسير الشبهات زى مع السلامه ياقمر ووحشتينى وكل مشتقاتهم.
4. ممنوع منعا باتا شكلا وموضوعا حوارات الحبيبه ووسنينهم الزرقا اوك.
5. ممنوع الاهانات لأى شخص سواء موجود او غير ....
6. ممنوع كتابه ايملات داخل الموضوع او تلميحات الكلام على الخاص (فهمنى طبعا ).
7. ممنوع اى اهداءات داخل الموضوع.

حــــــــــــــــاضر من عينيـــــا و حنغسل رجلينـــا قبل ما ننــــام
و نغسل أسنانـــا .. و حنسمع الكلام و حنبقي شطـــار

ـــــــــــــــــــــــــ ـــــــــــــــــــــــــ ــــ
علي فكـــــرة أنــا كنت بأغلس بــس
الفكـــرة حلــــوة جــدا و أتمني اننــــا نبــدأ في أســـرع وقــت
و أنـــا بأقتـــرح إن أول عضـــــو يتعصــــر
هــــو/هـــي
......
..
..
.
.
.
.
..
.....
انتي
(روللي)
عشــــان نعصـــر صح قبـــل ما تعصــرينـا
هـــا ايه رأيكم يا شبـــاب و يا بنـــــات ؟!!!

صحيح القـــواعد اللي انتي حتطيها .. كلها اتكسرت لما انتي
حتيطي السميلز دي
( )
فـــــاهمة طبــــــــعا

ميرسي يا روللي و حظ موفق في المعصــرة

[Essam Net]

هو فكره الموضوع عموما حلوه

ومفيهاش اى كلام تانى
والشروط تمام اوى

ويلا على بركة الله ابتدى بس وانا معاكوا فيها

[Essam Net]

هو فكره الموضوع عموما حلوه

ومفيهاش اى كلام تانى
والشروط تمام اوى

ويلا على بركة الله ابتدى
وانا معاكوا فيها ..

[العوامى]

الموضوع بجد كويس
أنا من رأيك يازعيم نبتدى بصاحبة الموضوع الأول

[BA7IBAK YA BOY!]

الله الله الله
احنا فينا من الخيانه ولا ايه
احنا متفقناش علي كده احنا لازم نبتدي بالزعيم امال ايه
نعد نفعص فيه لحدد ماينزل برتقال ههه
والله عثاثيل بجد
وميرسي علي مروركم الجميل ده ويمكن تغيرو رايكم وتختارو الزعيم انا مستنيه

[AhMeD El-Za3eEm]

نعــــــــــــم .... لا لا لا لا
انتي الأول و عصـــــــــام موافق أهو علي عصــرك الأول
و ان شــاء الله بـاقي الأعضـــاء يبقوا مواقفين معايا علي عصــرك
لغــاية لمــا تنزلي انتي بقي ( ليمـــون )

قال يعصــروني قال

[احمد التيتى]

موضوع جميل اوى و طبعا طباخ السم بيدوقه و انتى اللى جبتيه لنفسك فلازم نجرب الموضوع عليكى انتى الاول علشان الضحايا ما تبقاش كتير انا يا رجالة و بنات المنتدى بارشح رولى

[BA7IBAK YA BOY!]

ايه ايه انتو كلكو عليا ولا ايه
انا غليانه انا مستحقش كل ده
جري ايه ياواد منك ليه
انا حعمل مظاهره بان الزعيم اللي لازم ينزل برتقال او يوسفي كله بيجزع عادي يعني
هههههههههه ميرسي يا احمد ويا تيتي علي المرور الجميل والمظاهره شغاله

[affaan]

من حفر حفرة لأخيه وقع فيها ..
ولازم تنداس يا عباس ..

أنا مع الزعيم وعصام فى اللى قالوه
نعصر صاحبة الموضوع أولا ..

وشكرا ليكى على فكرتك الجناااان دى ..