خروف العيد..!!!!

[-Nona-]

مش عارف إيه إلي مستنيه!!

و مع زمايله وقفوه..

كل هامه البرسيم يوكلوه

شافوه إلي هيشتروه

كشفوا عليه عشان ياخدوه

و مسكوه و شالوه هو و أخوه

على الربع نقل رفعوه

في الشارع فسحوه

عند بيت إلي شاريه نزلوه

على العمود ربطوه

و عشان يونسوه...وقفوه جنب أخوه

ليل نهاربرسيم بيوكلوه

عايش و مش هامه غير أكله و أخوه



على الصبح بدري شدوه

على السطوح طلعوه

أخدوا أخوه و سابوه

عصبوه...بعد ما حس إن هما هيقتلوه

جبوله برسيم عشان يهدوه

و بدأوا يشدوه عشان يكتفوه

و على الأرض نيموه

عصب و بص على الناس إلي شاروه

نظره أخيره قبل ما ينحروه

و قال في سره : دنيا ما تستاهلش عود برسيم


_________________



دي كانت قصة صاحبنا الخروف..و واقع حياتنا المألوف

حياتنا!!؟؟

أيوه بتعيش زي الخروف...مافيش نظام ...ما فيش تفكير ..كل همنا ناكل و ننام

و كل يوم بيموتلنا زميل مجروح

بحجة إنه كان مشبوه

و إنت قاعد و بتدور على الألوف..ببساطه لأنك خروف

أب و أم...إبنهم بيموت مقتول!!

إنفجار ..قصف..حصار..أو حتى جووع

و إنت قاعد..ماليش دعوة بتقول..ببساطه لأنك خروف

على الفلوس بتدوور

و مش هامك حتى لو جه عليك الدور

زي الخروف إلي واقف في الطابور

في المسلخه عشان يذبحوه...و برضه مش هامه غير إنهم يوكلوه

يغضب شويه و ينطح بالقرون....بالبرسيم يهدوه..و العصاية يمشوه


إمتى هيجي اليوم الموعود...
و نخلع فيه صوف الخروف



____________________


حتى الرئيس إلي خلعوه...

جه العيد فشنقوه..

و إنتم قاعدين و بتابعوه

و في الآخر تقولوا ظلموه!!


بترولكم و جم ياخدوه

نفوذكم و جم يحاصروه


تبيع و تنادي يشتروه...إقتصادك و تقول هيمشوه

و تيجي أزمه و تقول رجعوه..

و يقولك خلاص إنت بعت يا معتوه!!

إنت آخرك ترقص و تقول نقطوه..

و تصرخ و تقول إختصبوه!!



________________



عايشين حياتنا زي الخرفان....


نستنى العصاية تخبطنا...عشان نلم نفسنا

نمشي و نزبل أرضنا...و لا حاجه بتهمنا

المهم نشوف رزقنا...حتى لو هنسرق أمنا!!

و بلاش نتعب نفسنا...

إحنا نستنى اللقمة تيجي في بؤنا

ناكل و نشرب و نشوف شغلنا...و بلاش توجع قلبنا

و إنت كمان نسيت تقولنا...إنك بتكتب عن جرحنا!!


خليك عايش كدا و مستني....
العصاية تخبطك...و لا السكينه تنحرك


__________________

و معلش يا جماعه الموضوع قلب نكد على العيد
جيت على العيد و قلبتها نكد!!
هههههه

و كل سنة و إنتم طيبين
و عيد سعيد عليكم

و دمتم سالمين

[sheren19]

ههههههههههههههههه لا جامدة اخر حاجة

[No TiMe]

انا ضحكت في الاول وكل ما انزل اعيط وانزل واعيط لازم كدا علي الموم كل سسنه وانتي طيبه يا نونا

[-Nona-]

ههههههههههههههههه لا جامدة اخر حاجة

شكرا يا شيرين

نورتى التوبيك

[-Nona-]

انا ضحكت في الاول وكل ما انزل اعيط وانزل واعيط لازم كدا علي الموم كل سسنه وانتي طيبه يا نونا

اسفه انى خلتك تعيط يا مصرى

وكل سنه وانت طيب

ونورت التوبيك

[m.chezoo]

صحيح هو الموضوع قلب كده ليه
طب كل سنة وانتوا طيبيين والعيد فرحه
ماااااااااااااااااااااااا ااااااء

[MR.Mahmoud]

العيد فرحه كل سنه وانت طيبه نونا
عيد سعيد عليكى وعلي الامه الاسلاميه جميعا
ان شاء الله
سلمتى وسلمت يداكى
دمتى بكل خير وود
[IMG]http://www.***********/up/giffiles/Dll84961.gif[/IMG]

[طيف عابر]

تسلمي نونا والف شكر عالمشاركة الجميله المليئة بالنقد الساخر
والوصف المؤلم
وكل عام والجميع بخير

[-Nona-]

صحيح هو الموضوع قلب كده ليه
طب كل سنة وانتوا طيبيين والعيد فرحه
ماااااااااااااااااااااااا ااااااء

معليش يا شيزو الموضوع قلب على العيد معليش

ومااااااااااااااااااااااا ااااااااااااااء وكل سنه وانت طيب

[-Nona-]

العيد فرحه كل سنه وانت طيبه نونا
عيد سعيد عليكى وعلي الامه الاسلاميه جميعا
ان شاء الله
سلمتى وسلمت يداكى
دمتى بكل خير وود
[IMG]http://www.***********/up/giffiles/Dll84961.gif[/IMG]

كل سنه وانت طيب يا محمود
ويارب يكون عيد سعيد عليك وعلى الناس كلها
ونورت الموضوع