بهرج الحب

[م.هاني كمال]

الحب غريزه فطريه ف الانسان والانسان الخالي من الحب انا بعتبره انسان مش طبيعي لكن يا تري الحب عند كل الناس واحد
وايه هيه انواع الحب؟
وياتري هل الحب الاول هو الحب الحقيقي ثم لا حب بعده؟
كلها اساله صعب ان واحد بس يجاوب عليها عشان كده
انا هقول مجرد رايي الشخصي بس

الحب مش واحد عند كل الناس بالعكس ده درجات بتتفاوت من شخص لتاني اقصي
درجه للحب هيه العشق وده ممكن نعتبره نوع من انواع جنون القلب والعقل اما
عن ان الحب الاول هو بس الحب الحقيقي ؟ لا
فيه حب مراهقه يحصل لاي شاب اوفتاه بس مش بيكون الحب الاول
الحب الاول ده يكون بلقلب بس

يعني انك تحب بقلبك بس ساعتها بتسلم نفسك للي بتحبه من غير ما تحس تحب
اللي يحبه وتكره اللي يكرهه حب اعمي غير مقيد بعرف او مبادئ وهو ده الحب
اللي صعب انه يتنسي لانه مش بيتنسي حب يملك الفؤاد والروح
لنوع التاني من الحب مش بييجي الا بعد الحب الاول يعني اذا فشل الاول ممكن يحصل التاني وهو
الحب بالقلب والعقل

وده اجود انواع الحب لانه حب حقيقي لانه من القلب وعقلاني وحكيم لان المحب
بيحكم عقله ف كل صغيره وكل كبيره وبيحاسب قلبه علي كل حاجه قبل ما يعملها
يعني حب مش اعمي زي الاول وف رايي هو ده الحب الحقيقي او الصح
الحب التالت وده مش بيحصل او مش بييجي الا بعد الحب الاول والحب التاني وده يكون حب العقل بس
حب مجرد من المشاعر الحقيقيه حب استسلام وده اللي يقع فيه معظم الشباب وانا مش بسميه حب
لانه يفتقد الي اهم شئ من عناصر تسميته هو الاحساس
وف النهايه ده مش اكتر من مجرد راي ومن قلبي اتمني ان مفيش حد يوصل للحب التاني او التالت وربنا يسعدكم كلكم بالحب الاول
تحياتي ليكم

[طيف عابر]

الف الف شكر
وفعلا تعريفك للحب كان دقيق وممتاز وكلام انا حسيت انه فعلا صح
تسلم يا رب
اتوقع انت تتمنى النوع التاني ولا انا غلطانة ؟؟
ولكن فعلا صعب في الحب تحكيم العقل والقلب

الحب بالقلب والعقل

وده اجود انواع الحب لانه حب حقيقي لانه من القلب وعقلاني وحكيم لان المحب
بيحكم عقله ف كل صغيره وكل كبيره وبيحاسب قلبه علي كل حاجه قبل ما يعملها
يعني حب مش اعمي زي الاول وف رايي هو ده الحب الحقيقي او الصح

[م.هاني كمال]

شكرا جزيلا لمجرد مرورك وانا فعلا
اتمني الحب الثاني او النوع الثاني من الحب

[Mr.Mo0ody]

وده اجود انواع الحب لانه حب حقيقي لانه من القلب وعقلاني وحكيم لان المحب
بيحكم عقله ف كل صغيره وكل كبيره وبيحاسب قلبه علي كل حاجه قبل ما يعملها
يعني حب مش اعمي زي الاول وف رايي هو ده الحب الحقيقي او الصح

انا معك فعلا ً أقيد هذا النع من أنواع الحب
بس أعتقد انه أصبح قليل جدا
بل أحتمال ان يكون نادر

وبارك الله فيك

[BANOTADALO3A]

كلامك كلة صح و الله

يسلموووووووووووووو الايادى

thanks for you