صح جدا جدا و غلط جدا جدا

[m_hilal]

حاجه غلط جدا

هناك سلوكيات خاطئه فى مجتمعنا لذا يجب توضيح الخطا ومحاوله اصلاحه


عندما يصطدم بك احد وانت ماشى وتقع منك كتبك تاخدها وتمشى وكل واحد منكم يقول للتانى انا اسف

المفروض


تمسكه من هدموه (ثيابه) وتخبطه فى الحيط وترفسه فى بطنه ويا سلام لو تنهيها بركبه ولا كوع وتقوله شيل الكتب ومره تانيه فتح عيونك يا لوح




لماتفتح اشاره وتلاقى حد يزمرلك وتطلع فى المرايا وتلقاه بيهاوش ومتعصب وانت بايدك تشاورله وتتاسف


المفروض

تنزل له بمفتاح العجل وتقوله انزل لى واول ما يفتح الباب وينزلك جره من شعره وانزل فيهضرب وقله مره تانيه تشوف الاشاره حمرا خضرا زرقاء تاكا تبن وتسكت فاهم





: تدخل المحاضره متاخر يقولك الدكتور اطلع بره يا مهمل ياللى فيك وما فيك ويقفل الباب فوشك وانتى تخرج مضايق وزعلن من غير ما تعمل حاجه


المفروض

انك تمسكه من كرافتته وبعدين تلفه وتلفه وتلفه وتلفه وتلفه وبعدين تريح شويه وبعدين تلفه وتلفه وتلفه وتضربه بالسبوره وبعدين تقوم وتمسكه من الجاكيت وتمسح فيه السبوره وتقوله هى كانت جامعه ابوك علشان تطرد الطلبه



تحلق عند حلاق وتقعد تفهمه يعمل ايه ويسوى ايه وهو يقولك انا عارف طلبكط وفاهم انت اعايز ايه انت بس ارتاح وتسيبه وتلقايه حالقلك نص شنبك فتتضايق منه وتلومه وتحاسب وتطلعوتقول بنفسك والله ما عمرى احلق عنده تانى


المفروض

تاخد الموس وتعمله فى وشه وراسه خرايط وتبوظله شنبه ولحيته وان حاول يتكلم ممكن تفتح له راسه كمان ومش تحاسبه وتقول بينك وبين نفسك عمرى احلق عنده تانى




راكب عربيتك ومستعجل وكل اشاره تقف حتى الاشارات اللى مفيهاش حد


المفروض

حتى لو مش مستعجل اقطع الاشاره الاشاره حطوها للى ما بيعرفوش يسوقوا وبس




متابع فيلم ومتحمس ويجى واحد يغير القناه من غير ما يشاورك وتقوله ليه يا سيدى انت مش شايفنى متابع


المفروض


احدف فى وشه الصينيه وبعدها الكوبايه والفازه وطفايه السجاير وخد منه الريموت من غير ما تكلمه وحط فيلمك وكمل متابعه


بس خلاص


حاجه سهله جدا مش كده




يا ريت مستر شيزو لو دخل يشرفنى و يشرف الموضوع و يعطينى رد صغير

[m.chezoo]

انا فعلا دخلت ... ومكنتش هرد ...
بس انا رديت عشان اقولك الموضوع منتهى وملوش لزمة كلامك

[m_hilal]

انا فعلا دخلت ... ومكنتش هرد ...
بس انا رديت عشان اقولك الموضوع منتهى وملوش لزمة كلامك

الاول انا بشكرك على دخولك و قرائه الموضوع و ثانيا ليه كل ده هو انا عملت ايه و يعدين حرام عليك ترضى حد يعمل فيك كده لو سمحت قولى ترضى ولا مترضاش

[x×x 7o0odA x×x]

ليه الافترا ده
تسلم ايدك على التوبيك يا رنا

[m_hilal]

ليه الافترا ده
تسلم ايدك على التوبيك يا رنا

شكرا ليك يا حودا و على ردودك اللى بتخلينى فرحانه اوى و بقولها تانى كل سنه و انت طيب

[x×x 7o0odA x×x]

متشكر يا رنا وكل سنه وانتى طيبه
وبقول لشيزو متزعلش منها احنا فى عيد

[m.chezoo]

الاول انا بشكرك على دخولك و قرائه الموضوع و ثانيا ليه كل ده هو انا عملت ايه و يعدين حرام عليك ترضى حد يعمل فيك كده لو سمحت قولى ترضى ولا مترضاش

اولا محدش يقدر يعمل معايا كده ... ثانيا للمرة المليون بقولك اقفلى الموضوع ده خالص
ولو سمحتى غيرى التوقيع بتاعك
لان الموضوع منتهى بالنسبالى .. ومش دخولى مواضيعك اللى هيزودها

[m_hilal]

اولا محدش يقدر يعمل معايا كده ... ثانيا للمرة المليون بقولك اقفلى الموضوع ده خالص
ولو سمحتى غيرى التوقيع بتاعك
لان الموضوع منتهى بالنسبالى .. ومش دخولى مواضيعك اللى هيزودها

اوكى يا شيزو على راحتك

كل سنه و انت طيب

[m.chezoo]

طيـــــــــــب