مسلسل يوميات فى الجامعه2008 (الجزء الثامن)

**~~x×x 7o0odA x×x~~** · 2 - 12 - 2008, 03:07 PM

لو مش متابع خش شوف حصل ايه قبل كده

الجزء الثامن
بعد ما حودا كسر السرير وبعد ما سمعوا شوشو وهو بيتفق مع واحد انه يهرب اثار نشوف ايه الى حصل
اسلام : احنا فى ورطه الراجل ده هيهرب اثار لازم نبلغ البوليس
شيكو : ايه ده كان فيه هنا سرير
حودا : ماهه ياعم ... ايه ده احنا اتثرقنا الثرير اتثرق
اسلام : اتسرق ايه يابنى ما الخشب اهه ... انت كسرته يا حودا
حودا : اه ... لالا ياعم اكثر ايه
شيكو : لا انت الى كسرته لاننا سبناك هنا ومكنش فيه حد معاك
حودا : ما انا كنت بحاول اوثعه
اسلام : حظك انه مش وقته الكلام ده ... لازم نشوف حل للمصيبه الى احنا فيها دى
شيكو : احنا لازم نبلغ البوليس
حودا : ياجماعه الحكايه اصغر من كده بكتير
اسلام : ازاى يعنى
حودا : دى فيها لقمه حلوه لينا
شيكو : ازاى يا اذكى اخوتك
حودا : الراجل شوشو ده بيفكر صح جدااا دماغه حلوه قال بدل ما الثواح يجوا البلد عندنا يتفرجوا على الاثار راح هو موديها هناك يتفرجوا عليها
شيكو : برافوا يا حودا عدت علينا ازاى دى
اسلام : ماشاء الله عليك ذكاء ذكاء يعنى
حودا : المهم دلوقتى احنا لازم نثترك معاه يمكن ينولنا حاجه ولا حاجه
اسلام : انت صدقت نفسك يابنى ولا ايه دى جريمه ولازم يتعاقب عليها
شيكو : سيبك منه دلوقتى يااسلام المهم لازم نعرف مين الى كان بيكلمه وهيهربوا الاثار امته علشان نبلغ البوليس بالوقت علشان يبقى فى حاله تلبس
حودا : يبقى لازم نروح نثمع تانى علثان تحثل حاله تلفح دى
اسلام : تلفح ايه يابنى اسمها تلبس
شيكو : لازم نحاول نسمعه تانى
اسلام : اكيد مش دلوقتى
حودا : بقولكم ايه ماتيجى ننزل تحت نثوف الناث
شيكو : يلا بينا
ونزلوا يتمشوا فى الشارع وكانوا بيتفرجوا على البنات
اسلام : شايفين البنت الى هناك دى
حودا : انا اعرفها
شيكو : مين ؟؟
حودا : اخت ابليث
اسلام : ازاى يعنى ؟؟
حودا :بتغرى الثباب بلبثها ده .... و ابليث يوثوث وهى تثجع على الوثوثه .... مث هى اللى لابثه ملط دى ؟؟!!
اسلام : ايووووه
حودا : طيب انا رايح اكلمها
شيكو : بلاش انت
حودا: اثكت اثكت
وراح حودا يحاول يكلمها
حودا : انتى والدتك نحله؟؟
البنت : ايه!!! نحله ؟؟؟
حودا : اه علثان تجيب العثل ده ..... او بقره علثان تجيب القثطه دى ... والنبى قثطه وكامله الدثم كمان
البنت : ايه ياروح امك .. طيب خد (طرررخ ) وخبطته تحت عينه
حودا : ااااااااااى عينى ...عينى
البنت : وخد دى كمان (طررررخ ) وخبطه تحت عينه التانيه
حودا : ااااااااااى عينى التانيه راحت عينى التانيه راحت الحقنى ياجزار البنت هتعمينى
شيكو واسلام راحوا جرى وهدوا الموضوع وخدوا حودا وراحوا على الكافيتريا
اسلام : قولتلك بلاش انته
شيكو بصوت واطى : احسن يستاهل
حودا : عينى بتوجعنى يا شيكو
اسلام : يابنى فتح انا اسلام
حودا : اه معلش .... عينى بتوجعنى يا اسلام
شيكو : يابنى انا شيكو اسلام اهه
حودا : معلش اصل عينى بتوجعنى اوى
شيكو : قول شين كده
حودا : شين !!! شين .. شييييييييييييين ايه ده انا بتكلم بتكلم بتكللللللم
اسلام : ايه يابنى هو انت كنت اخرس ولا ايه ؟؟
حودا : اسكت دا انت متعرفش العذاب الى كنت فيه استنوا كده هقول حرف السين .. سين سين سسسسسسسسسسسسسسسسسسين الله حلو اوووى ياااااااه الحرفين دول وحشونى اوى
اسلام : يابنى هو انت كنت مسافر ولا ايه
حودا : انا عارف انك مضايق علشان الحروف رجعت شسسششسسشسسشش
اسلام : ماشى اسكت بقى سيبنا نفكر
شيكو : خلاص بقى احنا دلوقتى لازم نسمعه وهو بيتكلم مع الراجل
اسلام : مظبوط تعالوا نروح نشوفه بيتكلم ولا لاء
حودا : روحوا انتوا انا هقعد هنا ششششششويه
شيكو : خلاص يلا احنا يا فالكون
وراح اسلام مع شيكو علشان يسمعوا شوشو وفضل حودا لوحده فى الكافيتريا .. شويه وحودا شاف واحده حلوه اوى ماشيه راح رايح ليها
حودا : ايه الحلاوه دى ياخرابى ياناس على الحلاوه
البنت : احترم نفسك
حودا : احترم ايه بس ؟؟؟
البنت : انت قليل الادب
بعد ثوانى وصل زوج البنت الى كان بيكلمها حودا
حودا : يالهوى على الحلاوه ياخرابى على الجمال
البنت : اهو جوزى جالك اهه
زوج البنت : فيه حاجه يا اخ
حودا وهو ينظر ببطئ وراءه ليرى زوج البنت
حودا : احم احم .. حضرتك جوزها
زوج البنت : ااااااااااه فيه حاجه
حودا : يالهوى بسرعه كده ايه الحظ ده ههههههه
زوج البنت : ممكن اعرف بتضحك على ايه
حودا : لا انا بضحك علشان بعد شويه هعيط
زوج البنت : ايه ياحبيبتى حصل حاجه
البنت : اه البنى ادم ده عمال يتحرش بيا
حودا : والمصحف ما اتحمرشت بيها
زوج البنت : طرررررررخ (ده صوت القلم الى نزل على وش حودا)
وفضل زوج البنت بضرب فى حودا وفى اللحظات دى كان اسلام وشيكو وصلوا للغرفه بتاعتهم
شيكو : بقول ايه احنا ممكن نجيبه هنا ونخليه يشرب خمره لحد ما يسكر ويقول على كل حاجه
اسلام : هو طفل صغير هنضحك عليه بكاس خمره
شيكو : خلاص احنا لازم نعرف المعاد الى هيسلم فيه الاثار والمكان ونبلغ البوليس
اسلام : بس ازاى
شيكو : نراقبه
اسلام : وافرض مثلا معاد التسليم بعد ما نخلص الرحله ونروح الجامعه
شيكو بعد تفكير : احنا ممكن نطلب من العميد اننا نفضل شويه هنا
اسلام : ممكن ميوافقش
شيكو : لما نشوف الاول المعاد والمكان امته
وفى اللحظات دى كان حودا لسه بيضرب
حودا : خلاث ياعم انا همووووت فى ايدك ... اااااااااااااى وثى ياعم
وبعد فتره من الضرب سابه الراجل ومراته ومشى
حودا : اااااى يا ضهرى اااااااااااااى يا وثى ... وثى ... ث .... ث .. يالهوى يالهوى الثين راحت تانى .. فجاه كده راحت ... طب اقولهم ايه اقولهم اييييييييييييييه
وراح حودا للغرفه بتاعتهم
حودا : ازيكو
اسلام : ايه ده يابنى مين ضربك تااااااااااانى ؟؟!!!!
شيكو وهو ينظر الى وجه حودا: يالهوى ايد مين الى على وشك دى ... واوع يكون الى فى دماغى حصل
حودا : اثكتوا بقى انا خلاث زهقت الظاهر انى هفضل كده على طول
اسلام : ولا تزعل نفسك احنا اخدنا عليك كده
حودا : ها اتفقتوا على ايه
شيكو : اننا نراقبه ونشوف هيكلم مين وهيقابل مين
حودا : لا مث هينفع احنا لازم نقول للعميد وهو يتثرف
اسلام : احنا ممكن نقوله ونقوله كمان يديلنا الفرصه اننا نتصرف
شيكو : لا ياعم دى مسئوليه وممكن نفشل فيها
اسلام : متخافش احنا لازم نراقبه زى ضله
حودا : متضيعوث وقت احنا لازم نقوله
شيكو : وكمان لو معاد التسليم بعد ما الثلاثه ايام يعدوا ممكن يوافق يخلينا هنا
حودا : دا تانى يوم لينا هنا يعنى لسه بكره بس
اسلام : احنا نروح دلوقتى للعميد ونقوله على الحكايه كلها ونخليه يقعدنا هنا كام يوم لحد ما نحل المشكله
شيكو : يلا بينا
وراحوا للعميد علشان يقولوله على الحكايه كلها
العميد كان قاعد مع الدكتور تريكه والدكتوره انجى فى الكافيتريا
اسلام : السلام عليكم جميعا
الجميع : وعليكم السلام
مودى : اهلا ياشباب اتفضلوا
شيكو : احنا كنا عايزين حضرتك فى موضوع مهم
انجى : خدوا راحتكوا ياشباب انا هروح اقعد هناك لما تخلصوا قولولى
تريكه : وانا كمان هروح معاكى يا دكتوره انجى
حودا بصوت واطى: ثيكو ... يا ثيكو
شيكو بصوت واطى: ايه ياعم
حودا بصوت واطى : هما الدكتور تريكه والدكتوره انجى يقربوا لبعض
شيكو : لا لييه
حودا : اصلهم على طول مع بعض
شيكو : وانت مالك ياعم انت ؟
العميد : ايه ياشباب سكتين ليه عايزنى فى ايه
تريكه : دلوقتى احنا اكتشفنا حاجه مهمه جدا
العميد : ايه خير؟؟
شيكو : فيه جمبنا واحد اسمه شوشو رجل اعمال بيهرب اثار بره البلد عن طريق البحر واحنا اكتشفنا كده بالصدفه
العميد : الكلام الى انتوا بتقولوه ده خطير جداا وشوشو رجل اعمال كبير
حودا : هو احنا هننصب عليك ياعم الحج
شيكو : اسكت يا حودا مش وقته
اسلام : حضرتك لو تدينا فرصه نثبت فيها صدق كلامنا
العميد : ماشى بس عرفتوا معاد التسليم ومين الى هيستلم منه والدوله ايه؟؟
اسلام : لا لسه بس هنعرف قريب جداااا ومحتاجين وقت علشان لو معاد التسليم بعد ما الرحله تخلص
العميد : خلاص وانا موافق بس تعرفونى كل حاجه اول باول
شيكو : ان شاء الله بس ياريت محدش يعرف غيرنا احنا بس
العميد : ده اكيد ربنا معاكم ياشباب
اسلام : دلوقتى احنا لازم نمشى وراه ونعرف بيروح فين وبيكلم مين
العميد : خلاص روحوا انتوا دلوقتى ومتنسوش تعرفونى كل حاجه
واسلام وشيكو وحودا سابوا مودى وراحوا على الغرفه بتاعتهم
مودى : يا دكتور تريكه .. يا دكتوره انجى تعالوا
تريكه: ايه خير فيه ايه
مودى : لا ده موضوع هايف اووووى انتوا عارفين الشباب
انجى : انا كنت حاسه .. ها كنا بنقول ايه
وفى الوقت ده كان اسلام وشيكو وحودا وصلوا الغرفه بتاعتهم
شيكو : ها هنعمل ايه
اسلام :حودا روح لغرفه شوشو شوفه بيعمل ايه
وراح حودا يشوف شوشو
شيكو : انت بعته ليه ده ممكن يبوظ الدنيا
اسلام : لا متخافش
وبعد شويه
حودا بصوت عالى جدااا : الحقوا ياثباب شوشو نازل

ودخل حودا الغرفه
شيكو : يالهوى اسكت ياد انت هيسمعك
اسلام : ياااااااااارب ميكونش سمع حاجه
حودا : ثوثو نازل دلوقتى
شيكو : لازم نمشى وراه
حودا : يا ثيكو
شيكو : ايه عايز ايه
حودا هو يضع صابعه تحت عينه : الحته دى باين فيها ضرب
شيكو وهو مضايق جداا : اوعه ياعم حرام عليك دا انت وشك كله بايظ
اسلام : انتوا لسه واقفين يلا ورا شوشو
وبكده يكون خلص الجزء الثامن
انتظروا الجزء التاسع
اتمنى الجزء يعجبكم واسف جدااا على التاخير فى انتظار رايكم