في العيد ...لازم لبس جديد ..؟؟

[احمد الصباغ]

عندما كنت طفلا صغيرا كنت اصر على ارتداء ملابس جديده كل عيد وكنت انتظر عند الترزى ((عم جابر رحمة الله )) ليلة العيد حتى قرب الفجر لاصرارى على ارتداء الملابس الجديده يوم العيد اما اولادى ففى الحقيقة لايهتمون بملابس جديدة فى العيد لأنهم طوال العام لا يتوقفون عن الشراء بمناسبه وبدون مناسبة حتى اشتكى دولاب الملابس وخرجت احشاءه خارجة واختلطت الملابس الحريمى بالرجالى وياريت عاجب
عموما كل عام وانتم بخير

[ورقه]

كان زمان واحنا صغيرين حاجه اساسيه قبل الخروف و قبل اى حااااجه اللبس الجديد

بس دلوقتى بقى عادى مش فارقه ..

انا حاسه انا الاعياد هى هى .. بس الناس مش هى هى ..

و حاجات كتيرة اتغيرت .. حتى فرحه العيد مابقتش زى زمان ..

ما علينا


انا من رايى ان اللبس الجديد شى مش ضرورى على قد ان اننا نبقى مع ناس بنحبهم و نحس ان العيد عيد


و كل سنه و انتو طيبين

[m.chezoo]

هو فعلا الاطفال باعتبار انها حاجة مميزة ليهم
وبيبقى جو تانى فبيكون مستحب ليهم لبس جديد
اما الكبار عادى اى حاجة خصوصا ان الواحد اصلا بقى مش بيحس ببهجه العيد زى الاول
يعنى مبقتش فارقه عندهم

[sahar]

مثل ما قالوا الاعضاء
بالنسبة للاطفال فهذا شيء جميل لهم حتى ندخل عليهم بهجة العيد
و الكبار فهذا ليس ضروريا لهم
اما الملابس المستعمله التي اصبح الكثير
من الناس يشترونها سواء اغنياء او فقراء
فهذا امر شائع هذه الايام
بكل صراحة لا ادري ما السبب
لكن اعتقد انهم لايهتمون ان كانت الملابس جديده اولا
بقدر اهتمامهم بالتغيير
يعني المهم ان لديهم ملابس غير اللي عندهم
ولا تفرق ان كانت مستعمله او جديده
المهم صالحه للبس
تسلمي طيوفه
وكل عام وانتم بخير

[No TiMe]

السلام عليكم جميعا اولا كل سنه وانتو طيبين البس حاجه فرعيه يعني مش اساسيه والبس بس لتحس انك في العيد بس مش اكتر واللبس للكبار مش ضروري لان انا اصحابي ممكن الاقيهم طالعين بهدوم الي متعود اشوفهم عليها كل مره مش شر اما بالنسبه للصغار تلاقي الواحد بيرمي نفسو علي الأرض ويعيط فمطر انك تشتريلو لبس ومش لازم جديده ممكن تكون مستعمله مش مشكله بس تكون لها القيمه اما بالنسبالي مش فارقه لان فرحت العيد عندي لما الكل يكون مني مبسوط وفرحانين مع بعض واكيد انتو فهمين قصدي والف شكر طيوف علي التوب الجميل دا

[شمس]

حضيف كلمة على كلمتكم
العيد هو العيد ولا اتغير فيه حاجة انما الناس ماشي
محدش ملوش نفس يشتري الجديد ان شلى طول السنة مش بس
في الأعياد لكن كلنا عارفين غلاء المعيشة
حنلاحق على ايه ولا ايه
والاطفال لو اتعودوا من صغرهم يحسوا بالمسؤولية
حيكون مفيد للكل
يعني مثلا لو جه العيد وخصوصا عيد الأضحى
حنفكر نشتري العيد ولا اللبس
طبعا العيد أولا وهنا الأطفال بيتفهموا حالة أباهتم
واللبس أهو يمكن نشتريه من غير مناسبة
يعني في الأول وفي الأخر لازم يكون تناقش وومفهومية اكثر
بين اطراف الأسروخصوصاالأطفااااااااا ااال
تسلمي يا قمر

[طيف عابر]

أنا من رأى

ان عند الأطفال
إذا سمحت الظروف
يشتروا جديد فيشتروا حتى يحسون بفرحه وبهجه العيد

وإن لم يمكنهم
لا يشترون

بينما عند الكبار
عادى مش هتفرق فى حاجه

لأن الكبار على طول بيشتروا

مش فارق معاهم عيد ولا حاجه

وتسلمى طيوفه
وتوبيك رائع

الف الف شكر على المرور الرائع
تسلم الايادي
رأي جميل

[طيف عابر]

انا طبعا مع مودى

الصغيرين لازم يجيبوا جديد علشان دول اطفال والعيد ليهم

اما احنا فما علينا الا نشترى ليهم ومش هتفرق معانا كتير

لان الجل مش بس بكلمته الجل برعيته لبيته واسرته

موضوع جميل

بالتوفيق

كلام صحيح فعلا
تسلم الايادي يا رب
الف شكررررررررررررر

[طيف عابر]

بالنسبالي مش لازم في العيد اجيب لبس جديد منا طول السنه بجيب وطلما عندي كتير لزمتها ايه يعني اني احطه قانون اني اشتري؟
بس لو جت صدفه اني نازله اشتري وفي وقت عيد عادي انما طلما عندي اللي هقضي بيه العيد مش لازم

تسلمي يا طيوف لطرحك الفكره

اكيد رأي جميل
تسلم الايادي يا رب
اسعدني مرورك

[طيف عابر]

والله يا طيف انا بشتريش لبس للعيد

وفي نظري ان ديه حاجه طفوليه

اشتريه بعد العيد ماشي

ولكن

ليس العيد بشراء اللبس الجديد

وإنما العيد لمن أطاع الله

الف شكر احمد على مرورك الرائع
تسلم الايادي يا رب