ابوس ايدك لو كنت خاطب ادخل

[Barbie]

حبيبي العـزيـز

حبيبي العـزيـز.. لو ربنا فك عقدتك.. واتخطبة.. فإليكِ نصائحي
حتى تأخذ بخطيبتك من مركب الخطوبة إلِّي محدش عارف
هاترسى على إيه.. إلى مثوااااه الأخير في قفص النسانيس
قصدي قفص الزوجية السعيد ..
أجمل ما في الخطوبة العزومات الرومانسية.. على أحلى محلات
أكل في البلد.. واللي عمرك مانت
شايفاها بعد الجواز.. المهم
نصائحي لك عند أي عزومة مع ختبتك.. قلنله
رقَّه
1

الأول لازم تعرف إن الشوكة والسكينة بيتمسكوا من إيديهم من

الطرف يعني مش من الوسط ولا من البوز زي الخنجر ولا من فوق

2 -

العيش أوع تفضحنا وتقطعه بسنانك.. ولا الرغيف نصين بإيدك

وكل نص لقمة وتحشر.. أوع.. العيش بيتقطع بالسكينة في
الطبق.. وبعدين تاخد لقمة.. لقمة .. بالعافية.. قال يعني نفسك
مسدودة.. اضغط على أعصابك جدااا وبعدين لما تروَّح.. إبقي
حِـفِّ زي ماانتِ عايز

3 -

الشوووربة.. أبوس كعب رجلك.. بند الشوربة ده مهم جدًاااا

الشوربة تتشِرب من غير صوت خالص.. ومن غير ماتقعد تنفخ
فيها.. زي القهوجي اللي بينفخ في الحجر للزبون.. وطبعًاااااا عايزِ
تنسي تمامًا.. السلطانية اللي بتقيميها على بقك في البيت

وتدلدق على روحك ..
بالمعلقة وبدون صوت.. سخنة, ولعة , برضه بدون صوت

وتسيب تلت الطبق ع الأقل.. مش تميلى.. عشان تلهطه لآخر

نقطة

4 -

الرز طبعاً .. بيتّاكل بالشوكة.. أوع إيدك تتمد على المعلقة

وتغرف من طبق الرز وتعبّ.. إوع.. الرز بالشوكة.. وكإنك

بتبوسه مش بتاكله
5 -

المكرونة.. الاسباجتي.. برضه بالشوكة.. تتلف على طرف

الشوكة.. لحد ما تخلص وبعدين تحطها ف بؤك من سكات.. مش

تشفط المكرونة عود عود

6 -

السمك.. مشكلة.. شوف.. بتفصل اللحم عن الشوك

إزاي..؟؟ تقطع اللحم من النص.. بالطول وبعدين تفرد اللحم على
الجانبين ولما تخلص ناحية.. متقلبش السمكة.. بلاش فلح

شيل السلسلة بالشوكة والسكينة وحطها في جنب الطبق

وكمل أكل النص التاني.. وبدل الفيلم الهندي ده.. نصيحة

ماتكلش السمك خالص.. قول مابحبش السمك وخلص نفسك

7 -

الجمبري.. -إذا كنت عارفه-.. أول ماطبق الجمبري ينزل.. بصله

بقرف واحتقار شديد .. آل يعني زهقان من كتر أكل الجمبري

الجامبو ف بيت بابّااااا.. واتنهّد جامد وقول.. برضه..؟؟؟ وتروح

قاطع راس الجمبريّاية.. بالشوكة.. أنا ف عرضك إنسي

المصمصة دلوقتي

8 -

البطاطس سواء مسلوقة أو محمرة.. أوع تهرسها وتدبها على

الرز وتدّ ...لا..لآ...لآ...بالشوكة حتة حتة وإنت زي ما تكون

هاتعيط من كتر ما البطاطس صعبان عليك

9 -

الفاكهة.. لو الفاكهة فيها بذر.. طلعه من بؤك بالراحه وحطه في

إيدك وهي مقفولة.. وبعدين في طفاية السجاير اللي ع الترابيزة

أوع ياحبيبي من نظام التفتفة للبذر.. إنسي

10 -

ولما تخلّص أكل تحط إيدك على بطنك.. -اللي عصافيرها

بتصوصو من العينات اللي كلتها-.. وتقول لها مش ممكن.. أنا

عمري ما اتفجعت كدة.. أنا قدامى أسبوع.. هابطّل أكل فيه

وبعدين تمسك الفوطة اللي دايمًا موجودة على التربيزة من غير

لزمة.. وتبوسها.. آل يعني بتمسح بؤّك

وبعدين تستأذن منها .. وتخشي التواليت

وتطلع من جيبك .. لفة الفول والطعمية اللي جايباها

معاك..
وبالهنا والشفااااااااااااا

[moon_tears]

طيب وعلى أيه كل ده تترزع فى بيت اللى جابها وانا أروح أتغدى معاها واعمل اللى يعجبنى ولو مش عاجبها بالجزمه

[Barbie]

مين الي بالجزمة شكرا علي مرورك