ذكريات ليها لزمه .. ع الاقل بالنسبالي !!

[انتهينا]

السلام عليكم ورحمة الله وبركاته

يارب تكونوا بخير جميعا

من حوالي 4 او5 سنين انا كنت هنا

كان فيه ناس كتير هنا ليا معاهم مواقف وقعدات وسهرات ورغي لحد الصبح

بعد غيييييييييييبه طويييييييييييله افتكرت ان ليه ذكرى هنا ..

جزء بعتبره الاكبر من حياتي عشته هنا ..

ياااااااااااااااااااااااا ااااااااااااااااااااااااا اااااااه والله العظيم أياااااااااااااااااام

بجد المنتدى ده كان فعلا بيت جوه بيتي .. دنيا كده لوحدها.. اهل واصحاب وحبايب ..

لفيت مخصوص على ناااس كتييييير عاشرتها اشوفها بتدخل ولا لأ

لقيت كلهم معدش ليهم أثر!!!!!!!!!!!!!!!!!!

مهما قعدت احكي واحكي محدش ممكن يتخيل كمية الحنين والمشاعر والحاجات اللي محدش بيفهما دي جوايا

الناس دي مع ان معظمهم مشفتهمش اطلاقا

إلا اني بحبهم جدا .. ووالله وحشوني جدا جدا


حتى لو مش هتوصلهم رسالتي لأنها استحاله-على حد علمي- توصلهم

إلا اني عندي امل اني اقابل حد منهم تاني

او بس اطمن عليهم

مش مهم يكونوا فاكريني

المهم اني اعرف انهم بخير

زمااااااااااااااااااااااا ااااااااااااااااااااااااا اااان كان قسم الالعاب ده مبنخرجش منه خاااالص

كنت ببات فيه والله .. بفرش ع الارض وانام هههههههههـ

والله مكانش مجرد منتدى بنتسلى شويه بتصفحه وخلاص

ده كان حياتنا كلها ..

نفسي بس لو حد ليه معايا ذكرى هنا ولسه موجود يرد عليه

نفسي اقابل حد من حبايبي بتوع زمان

اعرف هما عاملين ايه ؟؟ حياتهم بقت ازاااي؟؟ ياترى اللي كان بيقولي انه مضايق من الدنيا لسه زي ماهو ؟؟

ياترى اللي كانت بتحكيلي عن باباها وماماتها واد ايه هما بيضايقوها لسه بيضايقوها ؟؟

واللي كانت بتحكيلي عن ابنها وانه ماشي مع عيال صيع .. اتظبط ولالسه ؟؟؟ وانتي احوالك عامله ايه ؟؟

اللي كان بيقولي انه هيخلص السنه دي ويسافر ..سافر ولا لسه ؟؟؟

اللي كانت مسافره عشان تعمل عمليه رجعت بالسلامه وعرفت اننا كنا بندعيلها ولا لأ؟؟

اللي كنت بسهر معاهم وحياتي كلها بتفصيلها بتكاتها بحلوها بمررها معاااهم وحياتهم معايا .. ياترى ممكن يجي يوم عليكم وتفتكروني ؟؟

ممكن القدر يوصل درجة الاستحاااااااااااله دي ويوصلنا ببعض تاني !!!!!!!!!!

ممكن الدنيا تلف وترجع تاااني خمس دقايق بس اسلم عليكم !!!!

على مدكور.. اخبارك ايه؟؟ لسه حياتك زي ما هي ولا اتغيرت ؟؟؟ فاااكرني الاول؟؟ انا الواد الرخم اللي كان بيعكنن علي خلق الله كلهم

ريهام .. القطه الرومانسيه .. فييييييينك ؟؟ يارب تكوني بخير.. مامتك اخبارها ايه دلوقتي ..انا كنت مشيت ايام ماكانت بتعمل العمليه يارب تكون كويسه اوي وبأفضل حال ومبسوطه بيكي

اسلااام.. الدنيا غيرتك ولا لسه ؟؟ فاكرني؟؟؟ انا احمد !!!!

موودي .. وحشتني والله..يارب بس تفتكرني

أمنيه ..banotadalo3a وحشتيني والله .. أخبارك ايه ؟؟مصر غيرتك ؟؟؟ !!!

سلاامه .. اخويا الكبير ..نفسي اوصلك والله ..ياريت لو اي حد يعرف طريقه يوصلني ليه وادفع عمري كله

ساره يونج ديفل .. الدنيا عامله معاكي ايييه .. يارب تكوني بخير

الام الغاليه .. منى رشدي.. فاكراني ؟؟؟ انا الواد اللي كان مبيستريحش غير لما يناديكي بـ - ماما- .. وحشتيني اوي والله !!

ساندرا.. يارب تكوني بأفضل حال

ساجده .. يارب تكوني بخير يا امنا

طيف عابر -ساشا احمد - ربنا يرحمك ويغفر لك وتكوني ساكنه في فسيح جناته ..

ياترى بتدعولها.. فاكرنين طلتها اللي كانت بتنور حياتنا كلها؟؟ ولا معندكوش خبر عنها ؟؟ ولا نسيتوها؟؟

شيري العسوله ونهى بحر الحنان ومصطفى طنطاوي وسندس و احمد حمدي ونور واسراء ومصطفى ابوتركه ..يارب تكونوا بخير جميعا

ويارب تكون حياتكم كلها اتغيرت للأحسن

وياريت اللي نسيت اسمه او نسيته يعذرني ويغفرلي اكيد ذكراه عايشه معايا واكيد هيجي يوم وهفتكره وهاجي احكي عنه .. ولو حتى لنفسي !!!

ربنا يسعدكم جميعا

ولو لينا نصيب نتلاقى تاني .. هنتلاقى ..

لأني عندي أمل ؛..عشان يوم ما مشيت ... قلت :


أستودعكم الله


ومفيش حاجه عند ربنا بتضيع ...

[Ali Pharouq Najar]

الغالي أحمد
صدقا لعلي لم أحادثك من قبل
لكنك الآن نجم تضئ الأرجاء هنا
كنت أحس بالبرودة منذ لحظات
لكن دفء كلماتك عم المكان هنا سيدي
و إطلالة ذات معنى خاص
وتحمل رسائل خاصة
و باحت بمشاعر خاصة
لن يفهمها إلا من قد عهدتهم
سيدي ورسائل من عسجد
لذلك التواجد و تلك الإطلالة
كن عن يقين بإن ما كان قد كان
و ما بين الحين و الآخر
اكتب شيئا يخبرنا عن حالك
و ايامك أنت
لا حرمنا الله سطرك القادم

[انتهينا]

الغالي أحمد
صدقا لعلي لم أحادثك من قبل
لكنك الآن نجم تضئ الأرجاء هنا
كنت أحس بالبرودة منذ لحظات
لكن دفء كلماتك عم المكان هنا سيدي
و إطلالة ذات معنى خاص
وتحمل رسائل خاصة
و باحت بمشاعر خاصة
لن يفهمها إلا من قد عهدتهم
سيدي ورسائل من عسجد
لذلك التواجد و تلك الإطلالة
كن عن يقين بإن ما كان قد كان
و ما بين الحين و الآخر
اكتب شيئا يخبرنا عن حالك
و ايامك أنت
لا حرمنا الله سطرك القادم

ربنا يكرم اصلك

والله انت راجل محترم

وانا ايضا من لحظات بس كنت فاكر نفسي.. شاعر..

مع كل التكريم والحفاوه والاوسمه اللي نلتها في السنين اللي فاتت ..

بعد كلامك .. وبكل تواااضع .. انا ولا حاجه ههههههههــ

لي رجاء عند حضرتك..

لو تعرف عن اي شخص من السالف ذكرهم ..اي خبر

طمنا عليه ..

بما ان تواجدك هنا اكثر من غيرك ..

ولك فائق الاحترام

[salama10]

سلاامه .. اخويا الكبير ..نفسي اوصلك والله ..ياريت لو اي حد يعرف طريقه يوصلني ليه وادفع عمري كله

احمد ياااااااااااااااااااااه ليك وحشة والله يابنى

الحمد لله انى اطمنت عليك

عاوزك تكلمنى ضرورى

[salama10]

حمدا لله على السلمه (آسر القلوب)

[شيري العسولة]

كنت هازعل اوى لو نسيتنى
انا كمان المنتدى وحشنى والناس اللى هنا بقالنا فترة كبيييييييييييرة مانعرفش حاجة عن بعض
انا كمان قولت اجى واسلم وكويس انى لقيت اصحابى بخير
حمدلله على سلامتك

[انتهينا]

احمد ياااااااااااااااااااااه ليك وحشة والله يابنى

الحمد لله انى اطمنت عليك

عاوزك تكلمنى ضرورى

الحمد لله انك بخير

والله العظيم واحشني اوووووووي

مش هنقعد نرغي هنا كتير ابعتلي رقمك

[انتهينا]

كنت هازعل اوى لو نسيتنى
انا كمان المنتدى وحشنى والناس اللى هنا بقالنا فترة كبيييييييييييرة مانعرفش حاجة عن بعض
انا كمان قولت اجى واسلم وكويس انى لقيت اصحابى بخير
حمدلله على سلامتك

انا انساكي ازااااااااااااااي يعني

حد ينسى اخته حبيبته برده

الحمد لله انك بخير

يارب دايما

نفسي بجد نرجع تاني ندخل زي الاول

ابقي طمنيني عليكي

[كابوس الحرامية]

ازيك يا احمد يارب تكون بخير وفي تقدم
دايما
ربنا يوفقك يارب ويكررمك باذن الله ودعواتنا بظهر الغيب لكل الناس اللي غابت عن المنتدى ووحشتنا وربنا يطمنا عليهم يارب قريب

[No TiMe]

هس السلعوه يا احمد انا اقدر انساك واللي متعرفهوش رقمك للوقتي معايا ومش هتصل عليك
لان النداله في دمك هههههههههههههههه حبييب قلبي يا واد الدنيا شالت وحطت فيا
والوقتي احسن وكلها كام يوم وهبقي مسؤل عن عيله يعني لا وقت للهزار ههههههههههههه
واحشني يا بتاع ميت غمر فرحي قربي عاوز اشوفك وهتقولي ضروف هضرفك بقوك اهو