الدرس انتهي لموا الكراريس

[Young DeviL]

كتبها الشاعر صلاح جاهيـن بعد أن

اغارت القوات الإسرائيلية على

مدرسة بحر البقر الابتدائية يوم 8

ابريل 1970 وخلفت ورائها 77 شهيدا

وجريحا من الاطفال
















الدرس انتهى



لموا الكراريس

بالدم اللى على ورقهم سـال

فى قصـر الأمم المتــحدة

مسـابقة لرسـوم الأطـفال

**
**
**
**
**
**
**
**



ايه رأيك فى البقع الحمـرا




يا ضمير العالم يا عزيزى




دي لطفلة مصرية وسمرا




كانت من أشـطر تلاميذى




دمها راسم زهرة




راسم رايـة ثورة




راسم وجه مؤامرة




راسم خلق جبار




راسم نـار




راسم عار




ع الصهيونية والاستعمار




والدنيا اللى عليهم صابرة




وساكتة على فعل الأباليس




الدرس انتـهى




لموا الكراريس



**
**
**
**
**
**
**
**




ايه رأى رجـال الفكر الحر




في الفكرة دي المنقوشة بالدم




من طفل فقير مولود فى المر




لكن كان حلو ضحوك الفـم


**
**
**
**
**
**
**
**



دم الطـفل الفـلاح




راسم شمس الصباح




راسم شـجرة تفاح




في جناين الاصلاح




راسم تمساح




بألف جناح




في دنيا مليانة بالأشبـاح




لكنـها قلـبها مرتــاح




وساكتة على فعل الأباليس




الدرس انتـهى




لموا الكراريس


**
**
**
**
**
**
**
**








ايه رأيك يا شعب يا عربي ؟




ايه رأيك يا شعب الأحـرار ؟




دم الأطـفال جايلك يحـبى




يقول انتـقموا من الأشـرار




ويسيل ع الأوراق




يتهجى الأسـماء




ويطـالب الآبـاء




بالثـأر للأبـناء




ويرسم سيف




يهـــــــدّ الزيـف




ويلمع لمعة شمـس الصيف




في دنيا فيها النور بقى طيف




وساكتة على فعل الأباليـس




الدرس انتهى



لموا الكراريس

[MR.Mahmoud]

طرح ومجهود رائع
تسلم الايادى يا رب

[IMG]http://www.***********/up/giffiles/LHm83896.gif[/IMG]

[Young DeviL]

تسلم يا محمود ميرسي لمرورك ولردك

[طيف عابر]

انتقاء رائع وجهد مشكور ويا ريت لو عندك اي شيء ممكن تضيفيه هنا
كل قصيدة في مكانها المناسب
ادخلي الفعرس واختاري الشاعر وضيفي
حتى نزيد المكتبه ثراء ونجمع الاشعار في موضوع واحد

[Young DeviL]

اوك يا طيوف باذن الله تزيد المكتبه بايد اعضائها يوم بيوم ميرسي يا حبيبتي علي الفكره والتنفيذ نورتي