هى دى البنات الى انت بتعاكسها وياريت البنات ماتزعلشى من الحقيقة

[شووو]

الســــلام عليكــــم ورحمــــة الله وبركــــاتـــه

مسا الخيرع الشباب اللذيذ

ها اخباركو ايه كله تمام ؟
انا جاى النهارده عشان ندردش شويه عن البنات
عارف انكوا بتموتوا وتتكلموا عن البنات


انا ياسيدى هوريك حقيقه البنات القمامير اللى بيغسلوا سنانهم و رجليهم بليل قبل ما يناموا


يلا يا جميل منك له له


معظم بنات مصر
انا بقول معظم(مش كلهم)
اما تيجي الاجازه تلاقيهم
ماسكين التليفون وهاتك يا رغي
ود ود ود ود ود
ويك ويك ويك ويك

وخد بقى يامعلم

شفتي الواد حمص كان لابس ايه النهارده
التيشرت كان جميل بس الشوز كان مقطوع

بيقولوا البت مره اتقدملها عريس كويس
اه فعلا ..بس رفسته ؟؟
شفتي فستان اليسا الجديد


هيا صحيح البت زعبله اتخطبت
لا.. اصل عريسها مكنش شبه تامر حسني
اما شفت حته واد النهارده
زي القمر وقعد يبصلي كتيــر
(دا على اساس انه عبرها أساسا انسى )


وبعد اما تقفل التليفون مع صحبتها او بعد ما تسبها
تقول البت دي كدابه كدب ؟ (شوفت الكهن)
دي اكيد بتفشر عليا في اللي قالتله
وهيا في وشها ازيك يا قمر .. ازيك يا روحي .. .ازيك يا حبيبتي
ويا دوبك تديها ضهرها
البت دي انا مبقبلهاش بس هيا اللي مصممه تكلمني

ال ايه ويقولك علاقه البنات ببعض اقوي من علاقه الشباب مع بعض (هموت واعرف مين اللى طلع الاشاعه دى )
والواحده من دول اما تتعارك مع صحبتها
يالهووووووووووووووووووووو وي
تلاقي الملايه اتفرشت واللسان الجميل تحول الى مجارى ضاربه

وعلي راي حبيبى عادل امام
فجاه لقيت النسر طار يا خال
والنور اللي في وشه انطفي
وقالي ملكـش فلـوس عنـدي

تخلص مع اصحابها تخش علي الام الغلبانه
ومفيش غير كلمه(لا) علي لسانها و(اشمعني انا)
متخلي فوزيه اختي هيا اللي تعمل
وياليله سودا لو اخوها قالها اعمليلي حاجه كدا يبقى لعب فى عداد عمره
واما تكون عايزه حاجه منه
اخويا حبيبي (اه يا كهينه)
فاكر لما قلتلي اعملك شاي من سنتين وعملتهولك
ويا سلام لو ماسكه عليه حاجه
اول ما يزعقلها تقوله مش فاكر لما خلتني
روحت كلمتلك البت اياها (اهلا هى بقت كدا )

هتنفذ الامر ولا اقول لبابا ولماما اخليهم يطينوا عيشتك
ونظرا للضغط الرهيب من الاخت بيرضخ(يا نهار اسمر ع الكلام هى وصلت ليرضخ )
الاخ البري.. الوديع..الحالم.. المطيع..الركيك. .لطلبات الاخت المفتريه
خلاص خلصت علي ماما واخوها واصحابها (ليكى يوم يا ظالمه)


تخش علي بابا عشان تنكد عليه
عايزة اجيب شنطه جديده
عايزه اغير الموبايل
عايزه واحد كشري بالكبده
المهم انها تقرفه وتقوله هات فلوس بأي طريقه
ويقولك البنات حنينين علي اباهتهم (طب ازاى ؟)

و طول اليوم بقى من المطبخ للنت للسرير ل melody لـ ستار اكاديمى لمسلسل (نور) اللى فى mbc4 (قال البت رومانسية)واما تلاقي نفسها اتخنقت من اللي عملته
تخش علي المطبخ وهات يا .....؟
كأنها مكلتش من ميت سنه وشويه
وهيا تلاقيها قدامك في الجامعه
منتهي الركه والطيبه (بس على مين)
وتقولها متاكلي تقولك انا ساندويتش واحد يشبعني
بالزمه فى كدا ركه (ركيكه ع الاخر)
مش مهم تاكل ايه
وتقولك انا بطلع زهقى في الاكل

حتي تلاقي الواحده من دول في سنك
وقدك 9 مرات..
بس يا سيدى هى دا بقى الى انت هتموت وتكلمها

ياريت البنات ما تزعلش من الحقيقة
هههههههههههههههههه

لكم منى احلى تحية

[cocopitt]

هههههههههههههههههههههههه
مش انا بنت اهوه بقولك ايوه بيحصل بس طبعا مش كل البنات
وخصوصا"انا" عمري مابعمل اي حاجه من دي لسبب بسيط اوي
ولا مخطوبه ولا عندي اخوات ولابعمل اي حاجه من الحاجات دي اساسا

[شووو]

انتى اساسا مينفعش تعملة حاجة انت تتحطى فى بترينة دهب والناس تبقى نفسها تلمسك او تقرب منك وانتى غالية اوووى عليهم





شكراااا لمرورك الكريم يابنت الاسكندرية ياكوكو

[cocopitt]

thanks alot

[هيام الشافعي]

الكلام دا بيحصل كتير بس عند البنات اللي متربيين علي الدلع انا الحمد لله صعيديه وعارفه اللي ليا واللي عليا

ع العموم شكرا اوي للنكته دي شوو

[BANOTADALO3A]

هههههههههههههههههههههه
بصراحة انا بكرة النوع دة من البنات

بش يسلموووووووووووووووو الايادى على الموضوع

thanks

[ابو تريكه]

ايه ياحج انت خربطت الدنيا كده ليه

قليل اوى اللى بيعمل كده

متزعلش البنات مننا يا كبير اصل دول نعمه واللى يزعلهم يعمى ولا انت شايف ايه ههههههههه

موضوع لذيذ جدا تسلم ايدك

بالتوفيق

[شووو]

كلهم كدة وربنا يقويهم على خلراب البيوت

[Princess maya]

بس على فكرة مش كل البنات كدة

[ابو تريكه]

اكيد مش كلهم كده

امال احنا هنتجوز مين

ههههههههههههههههه

بالتوفيق