قهوتنا على الانترنت
ابحث عن :  
النتائج 1 إلى 5 من 5
  1. افتراضي للكوسة في بلادي شؤون

    بتخلي المسنود فرعون ...... يتفرعن فين مهما يكون
    وتخلي الجاهل أستــــاذ ...... والأعرج لاعب جمبـاز
    وتخلي الأحــــول هداف ...... والكوره الآوت فـ الجون

    للكوسه ف بلادي شئون

    لو تعرف واحد ف الشرطه ...... راح تخرج من أجدع ورطه
    والراجل اللي انت ظلمتـــه ...... تلاقيه متلقـح مسجـــــون
    أو تعرف شخصيه كبيــــره ...... شغاله فـ البنــــــك مديره
    راح تاخد من غير ضمانات ...... كام قرض بمليون مليون
    وهروبك طبعا مضمون

    للكوسة في بلادي شؤون

    ويا عيني لو تعرف نايــب ...... فـ المجلس ومش بعيد
    راح تبني أبراج وهميـــه ...... أوراقها مظبوطه أكيد
    وفلوس الناس المهريـــه ...... حتجيلك م الجيب للإيد
    بعديها تروح المستشفــى ...... وتقيد نفسك مجنــــون
    أحكامك تسقط ف ساعتها ...... بعديها ترجع موزون
    ويا عيني لو تعرف شيخ ....... فجنابك طاهر علطول
    وصيامك طبعا مقبول

    للكوسة في بلادي شؤون

    وإذا فرضا حبيت تتجــــــوز ...... تتجوز من غير مأذون
    وإذا ساكن فـ عماره جديده ..... وحبيبك راجل مسئول
    فسيادتك من غير ما تقول ...... يركب لك فورا تليفون
    ولو انت عندك عربيـــــــه ....... ونمرها سوده بنسرين
    حتعدي من أجدعهــا كمين ...... وحتكسر أوضحها إشاره
    ماهو نمرك سوده جباره ...... ولا تعرف أيتها قانون
    ولو انت بتعـرف فـران ...... أو واحد بياع جرنان
    راح تاخد طلبك وحتمشي ...... من غير دوشه ولا دور
    والناس الغلبانه حتاخد ...... طلباتها بعدك وتغور
    ماهو كله غيرك بيهون
    ولو انت زميل الحلاق ...... راح تحلق اولها زبون
    وإذا كنت بتعرف دكتور ...... حتعيش متطمن مسرور
    وحتسلك ف لجان الشفوي ...... ومجال تعيينك موفور
    وحتطلع فالتليفزيـــون ...... بالبدله وفيها الببيــون
    تتكلم وبكل بساطه ...... عن شرف المهنه المدفون
    لكن لو شاعر غلبان ...... قال اللي ف نفسه علطول
    حيقولو مين قال لك قول ..... ويهاجمك مليون إنسان
    والتهمه أنك فنان ..... مش برضه كلامي يا جدعان
    حسيينـــــه ...... ولا أنا غلطــــان


  2. #2
    تاريخ التسجيل
    14 - 10 - 2008
    ساكن في
    بعيد عن عيون الناس
    المشاركات
    7,357
    النوع : ذكر Egypt

  3. افتراضي

    حلو اوي
    ميرسي

  4. #4

  5. MasrawyCafé

    اقتباس المشاركة الأصلية كتبت بواسطة Princess maya مشاهدة المشاركة

    لكن لو شاعر غلبان ...... قال اللي ف نفسه علطول
    حيقولو مين قال لك قول ..... ويهاجمك مليون إنسان
    والتهمه أنك فنان ..... مش برضه كلامي يا جدعان
    حسيينـــــه ...... ولا أنا غلطــــان

    كلامك اكثر من رائع
    وحاسين بيه فعلا
    لانك مش غلطان فيه

    لمــــــــلم اهاتـــــــك المتبعـــثرة.
    وانتمي الي من بكلامهم مزقوك
    وارحـــــــــل فـــــي صــــــــــمت
    فلســـــت ســـــوي ذكـــــــــــري
    وليتـــــــــــهم يتــــذكـــــــــروك



    البحث على جميع مواضيع العضو م.هاني كمال

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. الكوسة تطهر الأمعاء
    بواسطة jewel_lowis في المنتدى عيادة مصراوي كافيه
    مشاركات: 5
    آخر مشاركة: 6 - 12 - 2011, 07:12 PM
  2. محشي الكوسا باللبن
    بواسطة MaRiYoMa في المنتدى طبق اليوم
    مشاركات: 6
    آخر مشاركة: 27 - 8 - 2011, 05:57 PM
  3. كوسا
    بواسطة No TiMe في المنتدى خمسة فرفشة
    مشاركات: 2
    آخر مشاركة: 9 - 12 - 2009, 08:11 PM
  4. محشى كوسة فى الفرن
    بواسطة مسايا في المنتدى طبق اليوم
    مشاركات: 4
    آخر مشاركة: 22 - 5 - 2009, 02:11 AM
  5. مخشي الكوسا باللبن
    بواسطة طيف عابر في المنتدى طبق اليوم
    مشاركات: 10
    آخر مشاركة: 16 - 3 - 2009, 10:42 AM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©