ياجماعة اخو أنجى عمل حادثة ومحتاج دعاءكم

[MagMan]

عن النبي محمد صلى الله عليه واله وسلم

قال : مادعا عبد بهذه الكلمات لمريض الا
شفاه الله
وهو :

( اسأل الله العظيم رب العرش العظيم ان يشفيك
ويعافيك ) سبع مرات

وأيضا :

( بسم الله يشفيك من كل داء ولا يأتيك ومن شر النفاثات في العقد ومن شر حاسدا اذا حسد )

وأيضا :

( أذهب الوسواس والبأس رب الناس اشف انت الشافي لا شفاء الا شفاؤك)

اللهم انه عبدك , وبك املي فاجعل الشفاء في جسده , واليقين في قلبه , والنور في بصره , والشكر في صدره , وذكرك بالليل والنهار مابقيت على لسانه , وارزقه منك رزقا غير محظور ولا ممنع . يامسهل الشديد , وياملين الحديد , ويامنجز الوعيد , ويامن هو كل يوم في امر جديد , اخرجه من حلق المضيق الى اوسع طريق , بك ادفع ما لا اطيق , ولا حول ولا قوة الا بالله العلي العظيم

بأذن الله هيقوم بالسلامه

** الاستاذه مني رشدي **
ياريت تبلغي سلامنا للانسه انجي وتقوللها ربنا معاكي وبأذن الله ربنا هيعجل شفائه

[mona roshdi]

بارك الله فيك وسمع الله دعائك انابلغتها والله بالاسم كل اللى بيدعولأبراهيم اخوها ان يشفية ويعافية ويقوم بلسلامة لانها حادثة فظيعة يارب يتقبل منك اخى الغالى دعاءك فهو يمس القلب --مشكور كتييييير

[شووو]

يارب يارب يااااااااااااااارب

[Mr.Mo0ody]

هاا يا منى

الأخبار إيه دلوقتى ؟؟؟؟

[Young DeviL]

ايه دا؟ يارب استرها يارب وربنا يصبر اهله ويقومه بالسلامه واحسن من الاول وابقي طمنينا يا مني اول بأول اللي حصل

[mona roshdi]

آخر حاجة امبارح بليل وهى بتكلمن قالتى لازم انزل حالا المستشفى
ربنا يستر يارب
ويرجع ابراهيم احسن ماكان

[jewel_lowis]

السلام عليكم ورحمه الله وبركاته

اولا
انا بشكر بجد كل واحد دعا لاخويا من قلبه بصدق
وكل الناس الى شاركتنى حزنى وانا بعيد عنكم
فقط

وخصوصا ماما منى الله يكرمها الى كانت متابعه معايا دايما
وبتصلى طول الوقت وتدعيله
وطبعا انا لقيت ناس معرفش مين كاتبين كلام عجيب اول مره اشفهم فى الكافيه
بس مودى عطلهم كلمتين جامدين
مرسى اوى يامودى انك كنت بالنيابه عنى بترد
وطبعا الحمد لله ان الكلام اتحذف لانه كان بايخ جدا
ومرسى للاستاذ على طبعا لمشاركته الغاليه
وطيف حبيبتى
وماما شمس
وشكر خاص لوليد الاسلام الى كان متابع اوى وكلامه بلسم على الجرح بجد
وعامل كروت جميله جدا
فرحتنى اوى
وحسستنى ان لسه فى ناس قلبها كبير كده
وشكرا لكل الى شاركو حتى بدعاء ولو صغير او كبير
لاخويا


محمود هلال
محمود_90
monuy
كريزى جريل
ابو تريكه
مصطفى(تريكه)
شيكو
ابراهيم
ليله بكى فيها القمر
ميريت
سندس
مصطفى( شيزووووووووو)
همسه
يارا
مايا
شرين
احمد التيتى (طبعا)
هيام الشافعى
ملكه المنصوره
شوشو حبيب الكل
حودا
العوامى
سهر
مجمان
شووو
ساره

يارب مااكون نسيت حد
وكل الناس دى انا هاشيلها فى عنيا طول العمر على وقفتها جمبى وقت الشده بقلبها بجد


والحمد لله بفضل دعائكم ودعاء كل الى يعرفوه ويعرفونى
هو فاق من الغيبوبه
بس مع الاسف
هو مش سامع حاجه خالص حواليه غير بالعافيه اوى
والنزيف مستمر لسه
بس الدكاتره بيطمنونا وبيقولو دى ردود طبيعيه للحادثه
وباذن الله تنتهى بعد كام اسبوع والجروح السطحيه فى وشه تلتئم

اسالكم الدعاء من القلب حتى يتم شفاه على خير يارب..يارب
انا مش بعرف انام خالص
انا بكلمكم دلوقت وانا قاعده جمبه وهو نايم
ربنا يشفيه و يشفى جميع مرضى المسلمين
وينتقم من الحراميه الى سرقو كل حاجته
مش مهم الفلوس
مش مهم الموبايل
مش مهم الجذمه الى اتسرقت معرفش ليه
كان اهم حاجه البطاقه الى اتسرقت
ودخلوه المستشفى مجهول من غير اسم
واحنا دايرين فى الشوارع طول الليل مش عارفين هو فين
تخيلو لولا الصبح بعد ليله مريره
والدى يسال فى المستشفيات مش موجود
لولا انه رئيس قسم فى احدى المستشفيات
يناديه الراجل بتاع الامن يقوله
بص فى حاله جات بليل من غير اسم مجهوله بس داخله متاخره
تقريبا ميته
بابا يطلع يبص يلاقيه هو
تخيلو لولا ولاد الحلال
وخاصه سواق الاسعاف
الى جابه المستشفى
تخيلو المستشفى كانت رافضه تدخله بيقولوله دا مات
لولا السواق اتحايل عليهم
لولا واحد تانى جابلو دوا بليل على حسابه
كان ايه حصل
موقف صعب انك تلاقى واحد من اقرب الناس ليك فجاه كده
تدخل تلاقى هدومه مقطعه كلها دم
صعب
انك تقف ادام العنايه المركزه ليلتين
وكل الى انت شايفه حالات بتدخل تعد كام ساعه وتخرج ميته
موقف بشع جدا

سبحان الله
والحمد لله

اسفه انى طولت عليكم
بس انا بدعى ربنا ميحطش حد فى الموقف ده ابدا
واسال الله الصبر والسلوان
وان يرده الى عافيته يارب............
اللهم امييييييييييين

[mona roshdi]

حبيبتى وبنتى انجى انت مش
تشكرى ام حبيتك من قلبها دة واجب على
ويارب بدعيلة من كل قلبى
يشفية ويخرجة من اللى فيةدى محنة وامتحان من الرب وان شاء الله حتدى على خير حبايب ابراهيم كتييييير قوى
كل مصراوى كافية بيدعيلة وبيحبة لحبهم لأنجى الانسانة
تمنياتى بلشفاء العاجل

[ساندرا]

انا والله كنت مشغوله ومن يومين ما دخلت المنتدى وحتى اخى وليد استغرب وسأل عني والسبب امتحاناتى وطيف بتنوب عني وعن ماما
وكنا بنطمن منها
يا رب يشفيه يا رب امين
والحمدلله هيك مواقف بتخلينا نحب بعض اكتر ونقف مع بعض اكتر
( اسأل الله العظيم رب العرش العظيم ان يشفيك
ويعافيك )

[Young DeviL]

ربنا يصبركم يارب يا انجي وبجد ربنا معاه يارب ويقف جنبه ويقوملكم بالسلامه