نوادر حجا (( متجدد )) مع منى رشدى و ساره

[Young DeviL]

انا اشتريت كتاب اسمه نوادر جحا عجبني قلت اخليكم تقروه معايا كتبت المقدمه اهي
وكل يوم هكتبلكم صفحه من الكتاب لحد ما نخلصه لو عجبكم هنكمل
هيا قصص علي شكل اشعار وفي نفس الوقت مضحكه معرفتش احطها في انهي ركن عموما لو هيا مكانها مش هنا انقلوها


مقدمه
====

شخصيه جحا نادره عجيبه عاشت في كل زمان ومكان
كان فليسوف بس بطيبه وبرده اهبل في الاحيان
سمعنا عنه وكان ياما كان وكل جيل يسمع نوادره
قرينا عنه كتير وكتير لسه الي جاي بكره هيقرا
مايهمناش كان عايش فين في مصر ولا في تركيا
عايزين بنكته نعيش راقيين بنكته الراقيه الشعبيه
شخصيه جحا مش خرافيه والبحث اثبات كان موجود
وانا قريت وتعبت شويه لاجل الاحبه بذلت جهود
يا مبوزين دي الدنيا بخير والضحك احسن شئ فيها
ماحناش حانفضل فوقها كتير ايام قليله بنقضيها
وهنسيبها وعلي طول ماشيين يبقي ليها ننكد فيها
===================================
اهي اول صفحه _1_

جحا في يوم قال لجيرانه لو جبتو الحلل عندي تخلف
قالو عليه الناس مجنون عبيط وجاهل بيخرف
فيه جاره قالت مش يمكن المعجزات من تاني تعود
ودت نحاس البيت كله وكل حله تجيب مولود
راحت له بعد ما فات شهرين تسأل بلهفه علي نحاسها
قام قال لها حللك واضعين وكل حله في نفاسها
بعد اسبوع ابقي تعالي تاخدي الصغار وتربيهم
فات الاسبوع دغري راحت له عايزه الحلل تطبخ فيهم
جحا اللئيم دغري اداها حبه حلل قد الفناجين
قال دول ولاد حللك ياختي صبرك شويه الصبر جميل
الجاره فرحت واتهنت بكنز جالها ما كان علي البال
دارت في وسط الحاره تقول جحا ملهوش في الدنيا مثيل
سمعو الجيران منها وراحو واخدين نحاسهم كله قوام
علي بيت جحا في الحال ودوه من غير مناقشه واي كلام
راحوله بعد الشهر ما فات مستنظرين ياخدو المواليد
جحا اللئيم دغري قابلهم وقال كفي الله الشر بعيد
حللكو ماتو لا حول الله ساعه الولاده وحعمل ايه
اعمار بيد الله فعلا والموت ما حد يعارض فيه
قالو هيه الحله تموت ما تقول كلام غير دا يا جاهل
قال اللي تولد برده تموت مفيش مكاسب بالساهل

[TiMo0oR]

هو فى حد ميعرفش نوادر جحا

تسلم ايدك يا جميل على التوبيك الجميل ده

((و تم التثبيت))

و منتظرين الصفحه الثانيه

[طيف عابر]

روعه شيطونة
وكل حلة وانتي بخير ولا عزاء للاغبياء
تسلمى يا قمر

[Young DeviL]

ميرسي لمرورك تيمو وتثبيتك للموضوع توشكر

البقاء لله بقي يا طيوفه بس اوعي تدي حللك لحد نورتي يا قمر
==========================================
واهي الصفحه التانيه _2_
================
في ليله كان الشيخ جحا نايم مكلفت في الغطا
كمشان ولابد في اللحاف بردان وخايف من الشتا
شاف اللصوص علي سطح البيت نده علي مراته وزعق
قال مصاغك دغري هاتيه اشيله قبل ما ينسرق
سمعو اللصوص راحو واقفين وسمعو شئ في البير خبط
قالو حقيقي دا شئ مضمون وجحا انسجم وساق العبط
قفل عليه الباب وارتاح لكن عيونه مفتوحه
نزلو اللصوص في البير قالعين والدنيا ساقعه موحوحه
جحا اخذ كل الهدوم وهما تحت بيبحثو
مالقوش خلاف حبه ازاز من البرد تعبو ورصرصو
الفجر شاشا والطريق بالناس خلاص راح يتملي
قالو مفيش غير الخروج في الضلمه قبل ما تنجلي
جحا اللئيم من جوه قال وحياه ابوكم تقفلوا
لاحد يدخل في الظلام يسرق حصاني ويقتله
قالو فشرك كان فظيع ضيع هدومنا ووقتنا
عامل عبيط بس حويط وعرفت تاكل عقلنا

[TiMo0oR]

ههههههههههههههههههههههههه هههههه

ههههههههههههههههههه

مش قادر امسك نفسى من كتر الضحك

تسلموووو يا جميل

منتظرين الصفحه 3

علشان نكمل ضحك

[Young DeviL]

بكره هكتبهالكم نورت يا دميل

[طيف عابر]

حلوة كتير تسلمى شيطونة
متابعين

[kokototy]

احنا متابعين يا شيطونه يا قمر
الموضوع حلو اوى يفطس من الضحك
نحن فى الانتظار

[Young DeviL]

نورتو الموضوع يا امامير كلكم حاتر حاتر اديني جبت الصفحه _3_
==============================================

جحا في يوم رايح مشوار راكب حمارته ومستعجل
وابنه ماشي بيجري وراه عايز كمان راخر يوصل
الناس شافوهم قالو خلاص مفيش في قلب الناس رحمه
راكب وسايب ابنه وراه يتعب ويعتر في الزحمه
جحا سمع قول المخاليق قام خد وراه ابنه الغالي
الناس شافوهم قالو حرام الاتنين كدا راكبيت عالي
نزل جحا علشان الناس وخلا ابنه خلاص راكب
الناس قالوله يا راجل عيب وضعك يا راجل مش عاجب
ازاي تسيب ابنك يركب وانت وراه ماشي بتجري
هيه الاصول ضاعت يعني ولا الادب راح من بدري
جحا زهق من قول الناس وقال لابنه خلاص انزل
فاتو الحماره ومشيو الاتنين ورا منها العقل اتبرجل
الناس قالو لا حول الله ماشين وسايبين حمارتهم
صحيح غباوه وشغل جنان الله يخيب حضرتهم
جحا في ايده عكاز مظبوط كتف حمارته المسكينه
شالوها بيتهم سوا الاتنين قالو الصقا فرض علينا
وقال لابنه كلام معقول عشان تراضي الناس نحتار
ياتشيل حمارتك علي كتفك يا يقولو عقلك عقل حمار

[hamdyth]

تسلم ايدك يا جميل على التوبيك الجميل ده