رد: نوادر حجا
رد مع اقتباس
_4_
تلاته من العلماء وصلو قصر السلطان
قالو له احنا جايين عندك لاصحاب الشان
عايزين تجيب علماء بلدك نسال ونشوف
مين الي يقدر يغلبنا ويكون معروف
قام قال لهم اهلا ومرحب شرفتو القصر
انا عندي عالم علامه ويفوق الحصر
جاب الوزير قال له اسعفني في الحال يا وزير
روح هات جحات بس كفايه من غير تاخير
وقول له البس واتهيا زي العلماء
هو الي يقدر يناقشهم بذكاء ودهاء
وصل جحا علي ضهر حماره ونزل في الحال
قال للتلاته هرد لكم علي اي سؤال
قام قال له واحد افتينا يا شيخ فين وسط الدنيا
قال مطرح حماري ما ربطته هناك بالعنيه
وان كان مش عاجبك قيسها يا باو عقل سليم
قال خلاص انا صدقتك والرأي سليم
التاني قال له يا سيدنا الشيخ انا عندي سؤال
كان نجمه فوقنا مبدوره جاوب في الحال
قال سؤالك شي عادي وحارد عليه
شعر الحمار لو عديته مظبوط تلاقيه
العالم سكت من رد الشيخ كان رد عجيب
شعر الحمار حا يعده ازاي ده عدده رهيب
الدور خلاص جه علي التالت له دقن تمام
قال له يا شيخ قولي الدقن دي كام
كام شعره فيها يا سيدنا جحا قاله جواب
ديل الحمار لو عديته تلقي الاسباب
كام شعره في الديل تلاقيهم دقنك مظبوط
كان الخليفه علي الكرسي فرحان مبسوط
قالو التلاته يا سيدنا الشيخ عقلك جبار
غلبتنا واحنا شهدنا انك مكار
قهوتنا على الانترنت
