اتقوا الله فى الريس بحبك ياريس

[Princess maya]

كفاكم معارضة : لم يحكم احدكم عقله فيما يفعله الريس من اجلنا.,,
كان الله فى عونه
لماذا المعارضة عمال على بطال اشتكيتوا من قلة العيش :
قلة العيش مقصودة ولكن بدل من سب النظام وقلة الادب فكرو بفكر الريس
هو يقصد ان يقلل العيش بالله عليكم لو العيش متوافر كان هيزيد السكر عند المرضى كانت السمنة ارتفعت
ونرجع ندور على الرجيم
الريس خصخص الشركات ليه؟
لمصلحتنا لو حد له صاحب غالى وشاركته فى اى مشروع مش كنتوا اختلفتوا
الريس خصخصها علشان المصريين ما يختلفوش مع بعض
الدواء : اصبح غالى واحيانا غير متوافر ليه؟
علشان الريس يضع فى نفوسكم ان الشفاء من الله ليس من الدواء.
بتقولوا اننا جوعنا فى عصر الريس:
طيب ليه ماتقولوا انه بيعودنا على اننا نستحمل علشان لما نقابل المسيخ الدجال.
ليه دايما نفكر فى الريس بالسوء ليه مننظرش للريس بفكره هذا...
اتقوا الله فى الريس...

[m.chezoo]

ههههههههههههههههههههههه
على كده الريس تفكيره حكيم اهو وبيعمل للمستقبل والمصلحه العامه

[love-alex]

ايه بس الكلام الجامد دا احنا طلعنا ظالمين الريس اووووووووووووووووى

[zezo1]

بيعودنا على اننا نستحمل علشان لما نقابل المسيخ الدجال
قصدك جمال

[RoRoO]

[moon_tears]

لا يغير الله قوما حتى يغيروا مابأنفسهم طيب ميمكن احنا وحشين ربنا حكمنا فى حاكم كده لان احنا جوانا مش كويس ومفيش اخلاص

[boba_H]

ههههههههههههههه جامده برنسيس مايا
وانا اللي كنت ظالماه
بس انتوا عارفين بجد بجد
احنا كمان محتاجين نتغير للاحسن مش نستني حد يغيرنا
ويحسن عيشتنا
وشكرا

[emadshemy]

بحبك يا مصر