بم تفسر؟؟

**Young DeviL** · 16 - 12 - 2008, 04:01 PM

تـحـت " كــارت " الفقــر

بما ان الامتحانات قربت انا قلت اجيبلكم سؤال بم تفسر تفكروا فيه شويه بقي
من جريدة الدستور

السؤال:

بم تفســر: 20 % من العراقيين يعيشــون تحت خط الفقــر فى ظل الاحتــلال الامريكــي...و 44 % من المصريين يعيشــون تحت خــط الفقــر فى ظل.....ممممم....الاحتــلال اللي مــش امريكي

( السؤال معــدّل من عندى علشان مااروحــش فى داهيــة )

الاجــابات ( برضه معدلة ) كالتــالي:

1)
يا حقــدة يا جهلة خلى الشعب تحــت خط الفقــر علشان يبقى عنده دافــع يشتغل, والا انتم عايزينا نغتني وننام ونقعــد فى بيوتنا

2)
باذن الله كلها كام سنــة والبلد هتبقى خاليــة من الفقــر...والبركــة في العبارات والقطارات وانفلونــزا الطيور

3)
لان الفقر المصــري موديــل 81 والفقر العراقى موديــل 2003

4)
لان الفقر بيكفّــر السيئات وبكده احنا هندخــل الجنة ...لكن امريكا مش عايــزة للعراقيين الخير فكفاية عليهــم 20 % يدخلوا الجنــة

5)
خط الفقــر بتاع بغداد " بيزنس" يعنى مــش الكل قــادر يجيبه ويبقي فقيــر....اما خط فقر مصر فللأســف ما طلعــش خط ...طلــع نظام " كارت شحــن من أبو اتنين ونص".....يعنى احنا لا مؤاخذة تحــت " كــارت " الفقــر