الشارع

الريح
فى الشارع جبّارة

وقصيدتى
حزينة ومنهارة
بتشك للشارع
إتفووه
ساكنين
والقمره بينهشها
فى حماكم
سافل
معتوه
ماتغطوا عيونكم م العار
لا طريق يعصمكم ولا دار
هل بينكم ينصان العرض
أو يحلم بحصانة الجار ؟
خايفين
من سنجة
وكام مطوة
كان بينكو
وبين السماء خطوة
لو زحتوا المية على النار
مرعوبة الوردة الكتكوته
تخرج وتعاود فتفوته
من بعد ما
شافت فى عيونكم
هجّام
وحاميها مشلول
أيا خوفى
ما تطلعش تصلّى
وتعيش مرعوبة وتملّى
لو نادى عليها النور
تطلع
تشاور له:
الشارع مشبوه

----------------
عبدالرحمن محمد احمد


نجع حمادى – السباقات