هل تعترف للآخر بالحب من طرف واحد؟

[jewel_lowis]

بصو يا جماعه

انا معاكم طبعا ان الكرامه شئ مهم جدا

بس أنتو ناظرين للموضوع من ناحيه واحده فقط

لأن الحب من طرف واحد له أنواع كتير قوى

يعنى أنا هسألكم سؤال والنبى

:::::::::::::::
لو انتى على وش جواز وجه واحد قريبكم أو حتى أول مرة تشوفيه ولقيته شخصيه متميزة ومتدين وكل حاجه

وحسيتى من ناحيته بأرتياح وأنه ممكن يكون زوج صالح ليكى
وأتمنيتى أنه يكون ليكي

مش هاتحاولى ولو تلمحيله ؟؟؟؟
أحنا باخد القرار وبعد كده بنندم

ولو شوفتيه بيتجوز واحده غيرك تقولى
(( ياريت اللى جرى ما كان ))

صح ولا لأ؟؟؟


أما بالنسبه للأولاد

فالأعتراف هو الحل الوحيد أيا ً كانت النهايه

راى جميل
بس فى احيان قليله اوى
لان ده مش بيكون حب بجد
تسلم مودى لمشاركتك

[jewel_lowis]

لا يامودى انا اختلف معاك
طب افرض مثلا الحب ده من طرف واحد لان الطرف التانى بيبحب اصلا وانت مش تعرف
يبقى انت استفدت ايه .... انا شايف ان الاول لازم تتقرب للطر فده ومش تبينله اى حاجة او ممكن تبدى اعجابك ببعض تصروفاته ... من الاخر يعنى تلمح
انما الاعتراف بالحب ده اخر حاجة بعد ماتبقى متاكد ان الطرف التانى هيبادلك نفس المشاعر دى

وبعدين الحب مش كلمه .. الحب تصروفات وافعال المفروض ان اللى بيحب هيحس بيها
يعنى من التعامل تقدر تفهم اذا كان بيحبك او لاء

رايك جميل بجد يامصطفى وانا معاك
تسلم لمشاركتك

[jewel_lowis]

تمام يا مصطفى
وده برضه اللى انا قصدى عليه
لكن مش نبعد خالص

تمام كده
نحاول بدون مانهين نفسنا
تسلم مودى للمتابعه والمشاركه

[عاشقة الرومانسية]

بدون شك موضوعك جامد جدا ولانه بيمسنى انا بوجه الخصوص عشان انا يا انجى بواجه الموضوع ده بقالى سنتين ولحد دلوقتى انا اللى بحب وهو مش عارف لكن بيبادلنى نفس الشعور من غير ما يتكلم لما بتقابل صدفه بس انا استحاله ابدأ غير لما هو اللى يبدأ
ثانكس فور يو انوج مواضيعك دايما هايله

[salama10]

انا من وجهة نظرى ما فيش حاجه اسمها حب من طرف واحد

بتحبيه صارحيه

بتحبها صارحها

ومن يخشى صعود الجبال يظل ابد الدهر بين الحفر

[jewel_lowis]

بدون شك موضوعك جامد جدا ولانه بيمسنى انا بوجه الخصوص عشان انا يا انجى بواجه الموضوع ده بقالى سنتين ولحد دلوقتى انا اللى بحب وهو مش عارف لكن بيبادلنى نفس الشعور من غير ما يتكلم لما بتقابل صدفه بس انا استحاله ابدأ غير لما هو اللى يبدأ


ثانكس فور يو انوج مواضيعك دايما هايله

انا معاكى ان هو الى لازم يبتدى طبعا
بس حاولى تلفتى نظره ليكى
وحسسيه انك مهتمه بيه وبتحبيه
اكيد لو هو كمان بيحبك هايتشجع ويقولك
ساعات الراجل وخصوصا لو كانت شخصيته قويه
بيخاف يصارح البنت الى بيحبها الا تصدمه فى مشاعره وماتكنش بتحبه
وربنا معاكى يارب
وشكرا للمشاركه الجميله

[jewel_lowis]

انا من وجهة نظرى ما فيش حاجه اسمها حب من طرف واحد

بتحبيه صارحيه

بتحبها صارحها

ومن يخشى صعود الجبال يظل ابد الدهر بين الحفر

طبعا فى حالات
مينفعش فيها المصارحه
لو اتنين اصحاب اوى
او زمايل فى الشغل هايخسرو بعض اكيد لو تمت المصارحه وطلع احد الطرفين الموضوع عنده عادى مش حب
واكيد لما يتاكدو الاتنين هايصارحو بعض
وفى مجتمعنا الشرقى الراجل لازم يبدا هو مهما حصل
وتسلم على المشاركه الجميله