مسلسل ست كوم الحلقه التانيه(البطيخه اتسرقت) بطوله اعضاء المنتدى

[m_hilal]

بسم الله الرحمن الرحيم

انهارده معايا الحلقه التانيه من مسلسل الست كوم (بطوله اعضاء المنتدى)



و اللى متابعش الحلقه الاولى ده الرابط بتاعها



و نفتكر اننا اقولنا ان الحلقات هتكون مختلفه تماما زى مسلسلات الست كووم كده

الحلقه التانيه بعنوان (مين اللى سرق البطيخه)


فكره الحلقه
ان منى رشدى هتكون اشترت اكل للبيت
و فيه من بين الاكل بطيخه و اتسرقت و شله من الشلتين اللى هتعرفوها تحت سرقتها

و اكيد طيعا البيت فيه شلتين


الشله الاولى(شله الشباب)رئيسها(حودا الجامد)


الشله التانيه(شله البنات)رئيستها(عاشقه الرومانسيه سندس هانم)

شله الشباب مكونه من

رئيسها و المعلم بتاعها(حودا الجامد)
و المساعد بتاعه(مودى)
و الطالب (محمود هلال)
و المش مهندس(مصرى ولو قتلونى)
و اللى الشله مش بتحبه بسبب صراحته (استاذ شوو)

وشله الانسات مكونه من اللى هى شله البنات

رئيستها و المعلمه بتاعتهم(سندس هانم)
و المساعده بتاعتها(القطه الرومانسيه)
و الطالبه(ميريت)
و المسلمه و الانسه المؤدبه اوى(بنت الاسلام)


و اكيد طبعا زعيمه العصابتين دول الاستاذه الكبيره(منى رشدى)

نخش فى الحلقه

المكان :-العماره الكبيره اللى عرفانها فى الحلقه الاولى اللى من دورين بس
الوقت:- يوم السبت اجازه الساعه 3.5 العصر

المشهد :- حودا و مودى قاعدين بيلعبوه بلايستشين و هلال و مصرى بيتفرجوه عليهم
و شوو قاعد لوحده فى الاوضه عشان قالهم ان لعب حوودا وحش
و زعله منه و سابهم و دخل
اما البنات
نزلوا كلهم يخده شوبنج

و منى رشدى راحت تشترى اكل للشلتين

حودا بيلعب بالمان يونايتد و مودى بيلعب بتشيلسى
النتيجه 2-1 لمودى

هلال لحودا:- انت يا حودا لازم تغيير طريقه لعبك
حوودا:- ازاى يعنى
هلال:- اولا كده طلع كريستيانو رونالدو و نزل رونى
حودا:- انت عبيط اذا كان رونى بيلعب و ازاى اصلا اطلع كريستيانو
هلال:- طيب غير طريقه لعبك من اربعه تلاته تلاته
حوودا:- و العب بطريقه ايه
هلال:- اربعه خمسه سته
حوودا:- الله عليك و على افكارك الجاامده اسكت بقه خلينى اركز
مصرى:- انا جعان اوى
مودى :- و انا كمان

و هبه و جووووون و النتيجه بقت 2-2

هلال لحودا:- هى النتيجه كام كام
حودا:- اتنين اتنين
هلال:- لمين
حودا: للحكم
مودى:- اسكت ياهلال انت مش عارف حاجه
مصرى لهلال:- تعالى معايا يا هلال
هلال:- فين
مصرى :- انزل اشوف اى حاجه اشتريها
هلال:- لا اصبر شويه منى زمنها جايه و معاها اكل

شووو خارج من الاوضه
حوودا :- رايح فين يا شووو
شووو:- نازل
حووودا:- يعنى رايح فين
شووو:-هنزل اتمشى شويه
مصرى:- طيب هتلى معاك حاجه و انت طالع
شووو:- عايز ايه
مصرى:- هتلى سندوتش كبده من عند المحل اللى تحتينا
شوو:- انا من رأيى متكلش من بره عشان بيبقى الاكل وحش
هلال بصوت واطى لمصرى:- خليه ينزل بدل ما هيزهقك فى عيشتك
مصرى:- طيب انزل انت دلوقتى يا شوو
هلال :- كام كام يا مودى
مودى:- اتنين اتنين
هلال:- لمين
مودى:- للجماهير
هلال:-طيب
مصرى:- انا قايم ادخل انام شويه و لما الاكل يوصل صحوونى
هلال:-هتنام فين
مصرى:- فى الحمام
هلال:- طيب بس ابقى خد البطانيه معاك عشان الاض ساقعه
مصرى بنرفزه:- طيب اسكت انت
و هبه و جوووووووون و النتيجه بقت 3-2 لحوودا
هلال:- كام كام يا حودا
حودا:- تلاته اتنين ليه
هلال:-ليه ولا ممبار هخخخ
حودا:- يخرب بيت دمك اللى عامل زى العثل الاسود
هلال:-اى خدمه الخطه بتاعتى عملت شغل جاامد معاك

وشوووو ماشى فى الشارع يقابل البنات و هما راجعيين
سندس لشووو:- رايح فين يا شووو
شووو:- بتمشى شوييه فى الشارع
القطه لشووو:- ايه رأيك يا شوو فى الباروكه الحمره اللى انا اشترتها ده
شوووو:- وحشه اوى لو كانت برتقانى كانت تبقى احلى بكتير
القطه بزعل:- ماشى يا شوو انا غلطانه انى باخد رأيك فى حااجه
و سابهم و مشى
البنات روحه البيت و لقه الشقه فاضيه خااالص
ميريت :- هما العيال رااحت فين
بنت الاسلام:- تلاقيهم بيصلوه جوووه
سندس:- انتى بتقولى حاجه من رابع المستحيلات
بنت الاسلام:- انا تعبانه اوى و جعااانه اوى انا دخله اغيير هدومى
القطه و سندس و ميريت:- احنا كمان جايين معاكى

وصلت منى رشدى و معاها الاكل و البطيخه
هلال للشباب:- اصحه اصحه منى وصلت ومعاها بيطخه خضره
حوودا:- بجد لونها خضره انا كنت فاكرها زرقه
مصرى:- فين البطيخه ده
هلال:- بره فى المطبخ جنب التلاجه
مودى:- احنا عندنا تلاجه
هلال:-اه عندنا تلاحجه اللى هى بطلع نااار ده
حوودا:- انا قولت ان الواد هلال ده زكائه خارق
مصرى خرج و رجع و معاااه البطيخه
مودى:- ايه اللى فى أيدك ده
مصرى:- جووافه
هلال:- طيب هات اتنين
مصرى:- انت بتهرج
حوودا:- انت خدها ازاى
مصرى:- منى سابتها و دخلت التلاويت و انا خدها من ما حد يشوفنى

منى رجعت و ملاقتش البطيخه
دخلت لبنات
منى بغضب شديد:- مين فيكم اللى سرق البطيخه
سندس:- ايه اللى بتقوليه ده احنا نسرق
ميريت:- استنى بس يا سندس هو فيه ايه يا منى
منى:- انا كنت جايبه بطيخه و سبتها بره و دخلت التلاويت و رجعت ملاقتهاش
بنت الاسلام:- حسبى الله و نعم الوكيل انتى بتتهمينا بالسرقه يا منى
منى:- اه
القطه:- طيب انتى روحتى سألتى الولاد
منى:- لالالالالا

مصرى لهلال:- اطلع هتلنا يا هلال السكينه عشان ناكل البطيخه
و هلال خاارج يقابل منى
منى:- رايح فين يا هلال
هلال:- رايح اجيب السكينه
منى:- ليه
هلال:-مش هقولك طبعا انى عايزها عشان نكسر البطيخه و ناكلها
منى:-طيب قولى و النبى مين اللى قداك البطيخه
هلال:- مستحيل اقولك ان مصرى هو اللى سرقها منك
منى :- طيب روح هاات السكينه انت
و دخلت منى لمصرى:- فين يا مصرى البطيخه
مصرى:- بطيخه ايه
مودى بصوت واطى لحوودا:- اكييد هلال مقلهاش حااجه
حوودا:-ده حااجه اكيد
هلال داخل:- يلا يا مصرى انا جبت السكينه عشان ناكل البطيخه
مصرى:- اتفضلى ييا ابله منى البطيخه اهى


كلهم قاعديين على السفره بيغده ما عدا الشباب
سندس:- عرفتى يا منى مين اللى سرق البطيخه
منى:- اه ده كان مصرى
بنت الاسلام:- حسبى الله و نعم الوكيل إن بعض الظن إثم

الشباب كلهم نزله عند بتاع الكبده اللى تحت البيت عشان ياكله كبده
ما عدا هلال مريضيوش يوقفوه معاهم و قالوله روح كل كباب

هلال صدق الموضوع وراح عند بتاع الكباب و قعد على الكرسى و كل كباب لما بطنه وجعته
و لما خلص لم بقيت الاكل فى ورقه و روووح
و هو ماشى
الراجل :- الحساب يا استاذ
هلال:- بص انت تروح العنوان ده و اسأل على واحد اسمه مصرى و هو هيدييك الحساب و لو مدفعلكش موته من الضرب
و فعلا راح الراجل
و خبط على الباب
و فتحتله القطه
الراجل:- ممكن الاستاذ مصرى
القطه:- نقوله مين
الراجل:- بتاع الكباب
جه مصرى
الراجل:- الحساب هو 150 جنيه من غير البقشيش
مصرى:- حساب ايه
الراجل:- الكباب
مصرى فى سره:- كباب؟؟؟ يبقى هلال صدق فعلا و راح كل كباب
مصرى:- طيب انا معييش فلوس دلوقتى
الراجل:- طيب

و دب بوكس فى وش مصراوى يا خده مصرى و يلف الشقه كلها و انضرب ضرب لما قال انا شبعت

و لما رجع هلال انضرب ضرب من حوودا و مصرى و موودى لما قال انا شبعت





اتمنى ان اكون قد وفقت فى هذه الحلقه

على فكره الحلقه التالته جاااهزه بس مستنى ردودكم فى الحلقه دى



انتظرووونا ف الحلقه التالته ان شاء الله

[x×x 7o0odA x×x]

طبعا استحاله انى اقولك ان الحلقه حلوه اوى
واكيد مش هقولك انها موتتنى من الضحك
بس بجد تسلم ايدك جامده اوى
فى انتظار الحلقه التالته

[طيف عابر]

تسلم الايادي محمود
متابعين اكيد

[m_hilal]

طبعا استحاله انى اقولك ان الحلقه حلوه اوى
واكيد مش هقولك انها موتتنى من الضحك
بس بجد تسلم ايدك جامده اوى
فى انتظار الحلقه التالته

هههههههههههههههه شكرا يا عم حوووووووووووووووووووووووو وووووووودا و تسلم على ردك الجمييييييييله ده

[m_hilal]

تسلم الايادي محمود
متابعين اكيد

شكرا يااااااا

طيف و على فكره الحلقه التالته بطولتك انتى بس

[MaRiYoMa]

حلقه جاااااااااااااااااااااااا ااااااااااااااامده جدا وعقبال ما ابقى انا والبت طيفو معاكم فى الحلقه

[عاشقة الرومانسية]

ههههههههههههههههههههه
بجد حلقه جامده جدا فطستنى من الضحك
وخصوصا العلقه فرحانه فيكوا اوى
تعيشوا وتاخدوا غيرها

تسلم ايدك وفى انتظار الحلقه الجايه
متابعه معاك يا محمود
نايس اوى

[m_hilal]

حلقه جاااااااااااااااااااااااا ااااااااااااااامده جدا وعقبال ما ابقى انا والبت طيفو معاكم فى الحلقه

شكرا يا مريوم على ردك الجمييل ده بس يا ريت ترشحى نفسك فى المسلسل عشان اعرف بس

[m_hilal]

ههههههههههههههههههههه
بجد حلقه جامده جدا فطستنى من الضحك
وخصوصا العلقه فرحانه فيكوا اوى
تعيشوا وتاخدوا غيرها

تسلم ايدك وفى انتظار الحلقه الجايه
متابعه معاك يا محمود
نايس اوى

فرحاانه فينا ماااااشى يا سندسه هااانم بس ابقى افتكريها و على فكره الحلقه التالته جاااهزه و هتنزل ان شاء الله

[عاشقة الرومانسية]

طبعا فرحانه حد يلاقى دليل ومايفرحش
ههههههههههههههههه
متابعه معاك