مسلسل ست كوم الحلقه التالته بطوله اعضاء المنتدى

[m_hilal]

بسم الله الرحمن الرحيم

انهارده معايا الحلقه التالته من مسلسل الست كوم (بطوله اعضاء المنتدى)


و اللى متباعش المسلسل من اوله ده روابط الحلقات الاولى






و نفتكر اننا قولنا ان الحلقات هتكون مختلفه تماما زى مسلسلات الست كووم كده

الحلقه التالته بعنوان (طيف هتتجوز)

فكره الحلقه

احنا طبعا قولنا ان اعضاء الكافيه كلهم قاعدين فى العماره الكبيره اللى من دورين بس

الحلقه بطوله

اكيد طبعا هنقول الممثله الشمهوره:- طيف عابر
و الممثل و رئيس الشله:- حوودا الجامد
و اللى على قد حاله:- محمود هلال
و الممثله الرائعه:-عاشقه الرومانسيه(سندس)
و طبعا مش هننسى:- القطه الرومانسيه
و الاكيد و المؤكد من ذلك:- بنت الاسلام

و الكبيره اللى فيهم كلهم :- منى رشدى

نخش فى الحلقه

المكان:- العماره الكبيره اللى من دورين
الوقت:-الساعه 12 الظهر

المشهد:- كلهم قاعدين بيتفرجه على مسلسل ست كوم مصراوى كافيه

و دخلت عليهم طيف راجعه من الجامعه

طيف:-هاى يجماعه
منى:-هاى يا طيف اخبار الجامعه ايه
طيف:-عايزاكى فى حاجه يا منى
منى:-خير يا طيف قولى
طيف:-لا تعالى فى الاوضه

و دخلو الاوضه

القطه لسندس:- هو فى ايه
سندس:- اكيد فى حاجه مهمه
القطه:-انا عارفه بس ايه هى الحاجه دى
سندس:- ده اللى هنعرفه دلوقتى
حووودا:- هو ايه اللى هنعرفه
هلال:- الحاجه اللى طيف بتتكلم مع منى فيها

و فى الاوضه

طيف لمنى:-منى فى واحد هيجى يتكلم عليه انهارده
منى:- مين الجبان اللى يقدر يتكلم عليكى
طيف:-لا هو هيجى عشان يخطبنى و بعد الامتحانات يبقى يحلها ربنا
منى:-و يجى ليه منروحله احنا
طيف:-انتى بتقولى ايه
منى:- خلاص خلاص هو هيجى الساعه كام
طيف:- على المغرب كده
منى:-يعنى الساعه 10
طيف:-بقولك المغرب
منى:-يعنى كااام انتى عارفه انى بتلخبط فى الوقت
طيف:- الساعه 12
منى:-طيب قولى كده

و خرجت منى من الاوضه

القطه لمنى:- هو فيه ايه يا منى
منى:- لا مفيش ده طيف هتفكر
القطه:- هتفكر فى ايه
هلال:-فى الامتحانات صح
منى:- لا يا ظريف فى الجوااز
حووودا:- ايه ده هى منى هتتجوز
سندس:- لا طبعا هتتخطب الاول بعد كده هتتجوز صح يامنى
منى:- اه هما هييجو انهارده الساعه 12 كده
حووودا:- 12 كده يعنى عالفطار
هلال:- لا يا عم مش عالفطار ده هيبقى مع متش الاهلى
حووودا:- ايه ده هو الاهلى هيلعب انهارده
هلال:-اه هيلعب الساعه 12
حووودا:- مع مين
هلال:- مع الزمالك
حوودا:- الساعه كااام
هلال:- ما قولتلك الساعه 12 باليل
حووودا:- انت متأكد
هلال:- انا عمرى قولتلك حاجه و طلعت صح
حوودا:- كتييييير
هلال:- طيب يبقى مفيش متش
حووودا لمنى:-هو اسمه ايه
منى:- معرفش لسه اى حاااجه

و يجى العريس الساعه 5 المغرب

منى:- ايه اللى جابه بدرى ده هو مش معاده الساعه 12
طيف:- خلاص يا منى مش مهم
سندس:- بقه ده اللى هتموتى عليه يا طيف ده يقرف
هلال:- ده يقرف خاالص
القطه:- لا والله ده جانتيه خااالص
طيف:- ايه اللى بتقولوه ده . ده جيلى انا


منى و حوودا و هلال قاعدين مع العريس فى الصاله
هلال:- انته معاك ايه
حووودا:- اكييد طبعا معاه ربنا
هلال:-خلينا فى الجد يا حوودا دلوقتى
هلال:- انت معاك ايه
العريس :- معايه علبتين سجاااير
منى:- انت بدخن
العريس:- اه وفيها ايه
هلال:- ايه اللى فيها ايه
حوودا:- طيب خلاص
منى:- فين والدك او والدتك
العريس:- والدى فى السجن
هلال:- فى السجن ليه
العريس:-اصله قتل ماما
حووودا:-وقتلها ليه
العريس:-عشان كانت بتخوونه مع عم مسعود
منى:-مين عم مسعوود ده
العريس:- ده جدى الله يرحمه
هلال:-مات امته ده
العريس:-مات بضربه رصاص
حوودا:- و اضرب عليه رصاص ليه
العريس:- عشان كااان بيحاول يهرب من البوليس
هلال:-و يهرب من البوليس ليه
العريس:- عشان مسكه اخويه فى الاشاره
حووودا:-و اخوك كان بيعمل ايه فى الاشاره
العريس:- كان بيبع مناديل و قالهم ان جدى اللى مخليه كده
منى:- و فين اخوك دلوقتى
العريس:- معرفش كااان معايا اخر مره لما كنا بنحشش
منى:- انت بتحشش
العريس:- اه و بشرب بيره كمان
حووودا:- انت عاايز ايه دلوقتى
العريس:-انا مستعجل اوى
هلال:- ليه وراااك ايه
العريس:-مش عاييز اتأخر على لبلبه
منى:-مين لبلبه دى
العريس:- دى مراتى
هلال:-انت متجووز
العريس:-متجووز تلاته و طيف الرابعه
حووودا:- و مخلف
العريس:- اكيييد
منى:- كااام واحد
العريس:- 5
هلال:-و هما فين دلوقتى
العريس:- تلاته هربتهم
حوودا:- هربتهم؟؟؟؟ فين
العريس:- اصلهم مش متربيين عايزين يبقوا زى ستهم
هلال:- و مالها ستهم
العريس:- اصلها محترمه اوى
حوودا:- و ايه العيب فى كده
العريس:- لا اصلها كانت متجوزه قبل كده 7 مرات و مبتخلفش
منى:- 7 مراااات
العريس:- اه و فيها ايه

و تطلع طيف من الاوضه و معاها سكينه و دخله على العريس و هتقتله

و فجأه يطلع العريس من جيبه رشاش

هلال لحووودا:- و مسلح كماااان

منى للعريس:- اطلع بره احنا معندناش كلاب للجواز

العريس:-انتم الخسرانين
هلال:- فعلا احنا الخسرانين

و تطلع سندس و القطه من الاوضه

سندس للقطه:- اهو ده النسب اللى يشرف
القطه:- فعلا




اتمنى ان اكون قد وفقت فى هذه الحلقه



انتظرووونا ف الحلقه الرابعه ان شاء الله

[القطه الرومانسيه]

بجد تحفه ياهلال لابجد روعه لالا بجد خرافه ايه العبقريات الجامده ديه ربنا يوفقك ياجميل ومستنيه الرابعه ان شاء الله
أنا اسمي ريهام

[m_hilal]

بجد تحفه ياهلال لابجد روعه لالا بجد خرافه ايه العبقريات الجامده ديه ربنا يوفقك ياجميل ومستنيه الرابعه ان شاء الله
أنا اسمي ريهام

ايه كل ده برراحه عليه طيب اخد نفسى و شكرا للمرور الجميل ده


و اسمك جميل اوى والله يا ريهام

[طيف عابر]

ايه العريس ده

يعني اخرتي كده

طيب الحمدلله انكم تصرفتوا معاه وطردتوووووووووووه
احسن ما كنت ادبحه واروح فيه اعدام
و وواثق من نفسه كمان



شكرا محمود
متابعين معك

[m_hilal]

ايه العريس ده

يعني اخرتي كده

طيب الحمدلله انكم تصرفتوا معاه وطردتوووووووووووه
احسن ما كنت ادبحه واروح فيه اعدام
و وواثق من نفسه كمان



شكرا محمود
متابعين معك

هههه لا يا طيف د مش اخرتك انتى اخرتك ان شاء الله الجنه مع الصالحين و كلنا معاكى ان شاء الله ياريت كل اللى يرد يقول امين
و تسلمى على المرور الجمييل ده

[legendgirl]

اميييييييييييييييييين يا حودا بجد الحلقه جامده مووت تسلم ايدك ع المسلسل التحفه ومستنيه الباقي

[ساندرا]

[عاشقة الرومانسية]

ياعينى عليكى يا طيف وعلى جوازتك المهببه
معلش يا طيوفه اهو انطرد الحمد لله
ربنا يعوضك خير يارب

تسلم ايدك يا محمود بجد تحفه
متابعه معاك الباقى

[No TiMe]

ههههههههههههههههههههههههه الف مبروك طيف بتتجوزي واحد محترم ماشاء الله الله يبارك والله وعرفتي تنقي ههههههههههههههههههههههههه هههههه بجد حلقه تحفه تسلم يا محمود يا جامد مستني منك مصاب كتير ههههههههههههتسلم

[m_hilal]

اميييييييييييييييييين يا حودا بجد الحلقه جامده مووت تسلم ايدك يا قمر ع المسلسل التحفه ومستنيه الباقي

نورتى التوبيك يا ميريت و دائما كده يا رب تشرفينا