قال بيقولوا.. ظل راجل ولا ظل حيطة ، يا ختى بلا وكسة !

[Princess maya]

قال بيقولوا ضل راجل ولا ضل حيطة ... !
بذمتك عمرك سمعتى عن حيطة تقعد تشخر طول الليل وماتخلكيش تعرفي تنامي ؟
والا حيطة تدخل من باب البيت تجعر عايزة الغدا ؟!
وبعدين تطين عيشتك علشان الملح طلع زيادة في البامية !
والا ممكن ترجعي البيت في يوم تلاقي حيطة بتبوس الخدامة ؟
طيب شفتى حيطة تملا لك سقف البيت دخان ، وأرضيته سكن !
والا حيطة تقعد تنقد عليكي وتقولك انتي رايحة فين وجاية منين !
والا حيطة تصحيكي في نص الليل علشان معرفش إيه طلع في دماغها !
والا حيطة تدوخك وراها علشان تشوفي هيه بتكلم مين في التليفون بعد نص الليل !
طيب دي الحيطة معروف مكانها دايماً ، إنما المحروس يدوخك وراه علشان تعرفي هو سهران في أنهى داهية ... قال إيه ، عنده شغل ! ياسلام !
بذمتك فيه حيطة تحاول تطلعك غلطانة في كل كلمة تقوليها علشان تثبت للعيال إن الحيطة بتفهم أحسن منك .
والا حيطة تلوى بوزها وتقعد بالفانلة وروب النوم لما أمك تيجي تزورك
وتحبك معاها تحكي نكت عن الحموات !
والا حيطة تقعد تقولك ما تخرجيش بالفستان ده أحسن محزق عليكي ولما تقولي لها هاتى فلوس علشان تشتري فستان غيره تعمل ودن من طين وودن من عجين ، طيب دى حتى الحيطان لها ودان .
يا شيخة بلا قرف ... بلا نيلة ... الحيطة أجدع ، على الأقل مش حتتحبسى
لو فاض بيكى ونفذتي حلم كل الستات ... ودقيتي في الحيطة مسمار !!!!!

[طيف عابر]

تسلمي مايا
مش كل الرجال زي الحيطة
وفي منهم ممكن يحمل همك ويخفف حزنك ويساعدك تكوني احسن
وفي منهم يمكن الحيطة احسن منهم
بتوع السهر والرجوع المتاخر عالبيت والخمر ووووووووو

[بحر الحنان]

مايا انتي عندك حق في بعض الحاجات بس مش معنى كده اننا نقول عليهم كده
ومشكووووووورة اوي على موضوعك

[zezo1]

والا حيطة تقعد تنكد عليكي وتقولك انتي رايحة فين وجاية منين !

والا حيطة تقعد تقولك ما تخرجيش بالفستان ده أحسن محزق عليكي

إن ماعملش كدة
يبقى حيطة بصحيييييييييييح

[m_hilal]

براااحه شويه على الرجاله مش معنى كده انى بدافع عنهم هو اه انتى ممكن تدهنة الحيطه زى مانتى عايزه و مش ممكن تدهنى الراجلههههه صح

[شمس]

زي مبيقولوا يا مايا وراء كل رجل عظيم واحدة ست
وظل راجل وجوده ضروري ومحتاجينه دائما مهما كانت الظروف
ظله لبيته ولأولاده
ظله لمرااااااته
ظله لحبيبته
يعني ولا ينفع نستغنى عنه مهما كانت عيوبه
مشكوووووورة مايا

[ابو تريكه]

ايه يا مايا

مش كلهم وحشين اوى كده

تقدروا تستغنوا عنا؟؟؟؟؟؟؟؟؟؟؟؟؟؟؟؟؟؟؟؟

[xXx SHaDY xXx]

انا معاكي في الموضوع ده
بس مش كل الرجاله بالشكل ده
وحشين
فيهم اللي تقدري تتكلي عليه ويسعدك في حياتك وفي برضو اللي زي الحيطه