قهوتنا على الانترنت
نجم مصراوي
برياني الربيان
اول شي انقشر الربيان ونشيل الخيط الأسود وانقعه بعصير الليمون وبهارات .
بعدين نكون طابخين ماي ونحط فيه بهارات عدله
(هيل-قرنفل(مسمار)+دارسين-فلفل أسود- ملعقه متوسطة بهارات مشكلة مطحونة).
ونحط الربيان ونخليه لما يستوي .
بعدها نسوي حمستنا وهي عبارة عن :
نحمس بصل صغار كمية كبيرة وبعد ما يذبل نحط معاه بهارات عدلة (هيل-دارسين-قرنفل-فلفل أسود)
وبعدها ما يتحمر نحط تندوري وبابريكا وثوم مدقوق وزنجبيل ونحمس بعدين نحط معجون الطماط ونحمس .
وبعد ما استوى الربيان نضيفه للحمسة .
ونضيف بعدها كزبرة مفرومة.
طبعا نكون مسوين عيش مشخول وهم حاطين بالماي بهارات عدلة
الحين نحط دهن اشويه بالجدر ونخليه يصير حااااااااار وبعدين نحط طبقة عيش
وفوقة اشوي من الحمسة وفوقة بصل شرايح مقليه وقطع زبدة ورشه من البقدونس
المفروم والنعناع>>
نرد نحط طبقة من العيش وفوقه حمسة الربيان والزبدة والبصل والبقدونس والنعناع.
طبعاً اخر شي يكون طبقة من العيش ونكون مزهبين الزعفران المنقع بماي الورد ونحطه فوق العيش مع قطع الزبدة ونخليه لما يتسكر
بعدها نقلبه بحذر وننجبه بالطبق ويزين بالبقدونس وقطع الليمون واذا تحبون بعد الصنوبر المحمص
بنت الاسلام
مشرف عام
نبض
حرفك وحديث
كلماتك
هو الرافد لاي
صفحه
كانه عيد الاعياد
يترك في المساحه
فرحه
فالياسمين تفتح بعطر بحروفك
تحيه
لك لروعه تواصلك ونقاء ودقه اسلوبك
وسحر قلمك وروعه
الفكره
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
