حد حس الاحساس ده قبل كده...اهداء الى M

**~~x×x 7o0odA x×x~~** · 25 - 12 - 2008, 12:09 PM

التوبكات هنا
خواطر
قصائد
وفضفضه

بالإحساس اللى عايشه دلوقتى
وحابب أكتبه هنا

ممكن أفضفض شويه ؟

كلنا بنخاف من الفشل فى الحب
كلنا بنخاف يجى يوم بعد قصة حب ونقول إنتهت
بنخاف الناس تشوفنا تفرح فينا
أو تقول أحسن
بنخاف وجعنا بعد الفراق
أنا حابب أكلمها بخيالى
حابب أقول لطيف جميل أوى مر بحياتى
حلم بجنه دخلتها
مالمستهاش
بس حبيتها

هقولها
عارفه ؟
عارفه إزاى حبيتك ؟
حبيتك زى أم نفسها تضم إبنها اللى بقاله سنين بعيد عنها ورجعلها فجأه لحضنها
حبيتك زى أب حب يبوس بنته يوم زفافها ويقولها إنتى هيبقالك حياتك بس هفضل أحبك
حبيتها زى حبيب شاف حبيبته بتموت وهبها عمره علشان تعيش بيه وهو مش مهم يموت

عارفه ؟
عارفه حبيتك ليه ؟
حبيتك علشان إنتى نقاء عايش فى صورة إنسان والكل بيظلم فيه وماحدش حاسس بقيمته
حبيتك علشان إنتى دوا لكل حزن فى الكون تقدرى تمحيه وجواكى أكبر حزن عايشه بيه
حبيتك علشان إنتى مش بشر ولا عمرك كنتى بشر إنتى حلم كبير على أى بشر

مش مصدقانى ؟
بعد عمر طويل أوى أوى أوى
ويارب يكون مليون سنه لعمرك
بس كلنا هنموت
دى حقيقه ثابته ماحدش ليه دخل فيها أبدا
هنموت
هنقابل ربنا

لما تقابلى ربنا إسأليه

مين أكتر حد حبنى
مين حبنى أكتر من روحه
مين حبنى بضمير وكان صادق أوى معايا

ربنا هيعرفك وقتها بإسم اللى حبك دا
مش هيكون أمك ولا أبوكى
هيكون أنا

لما تعرفى كدا
وتتأكدى
أوى

إسألى ربنا بقى
إسأليه ليه دا كان قدرى
؟
ليه مكتوب أعيش بحبك وساكت
مش قادر اتحرك

قولى لربنا إنى تعبت
قوليله إنه فاض بيا
قوليله كل باب مقفول ليه ؟
قوليله عن كل حاجه بحس بيها وبعيشها وبتزود عجزى
قوليله أنى مش بعترض على قدره
بس أنا يمكن صوتى أنا مش واصله بذنوبى
يمكن دعائى مش مسموع لمعصيه عملتها

أنا بشر وعاوزه يسمعنى ويرحمنى
أكيد ملاك زيك يقدر يوصله كلامى

وإسأليه يرحمنى لو عايش أو ميت
أنا مش هحتاج غير رحمته بس
لما مستحيل تكونى معايا
رحمة ربنا هتخفف عنى

اللى قولته دا أمانه
وإنتى مش هتنسيها
صح ؟
مش هتنسيها ؟

نفسى أقولك ربنا يحميكى يا M

هسيب الدعوه دى لحد يقولها وربنا يستجيب ليه
وسامحينى لو إتكلمت كتير
بس اللى جوايا صعب يتقفل عليه

وبجد انا اسف عن كل حاجه عملتها دايقتك