بتصدق الكلام دة (انا شفت عفريت)

[شيري العسولة]

اية الجبن ده
بس وبعدين مش الحمد لله دلوقتى يعنى
وعلى العموم شكرا ياعم على الخضة دى

[~ man neO ~]

لا شكر على بتنجان
طب بدل كده ما تيجو نعمل قسم للارواح
بدل الهم ده يا جدعان لو عايزين تترعبوا نرعبكم
حلوه دى احكيلناا قصص
استهدوا بالله يا جدعان

[never back down]

هتصدقونى لو قلت انى انا واخويا غاويين الحاجات دى
.
بنقراء فيها وبنتفرج على فيديو ده غير اللى بنعمله فى اوديتنا
.
وفى حاجات بتحصل فى اوديتنا
.
ده فى مره كنا عاملين ندور على المسطره وقلبنا عليها الاوده ومش لئيناها فى المكان اللى احنا حطيناها فيه (على المكتب)
فى الاخر لئيناها مكانها وسئلنا قلونا هما بيخدو الحاجه ويرجعوها تانى

[never back down]

وفى حاجات تانيه بتحصل بس انا مش عاوز اطول عليكوا
.

.
على فكره والله انا بتكلم بجد

[شيري العسولة]

كمل وانا معاك حسام يالا
بس قو الحقيقة هاااااااااااااااااااااااا ااا

[never back down]

والله انا بتكلم بجد ودى حقيقه
.

[شيري العسولة]

طيب كمل وقول اللى بيحصلك

[احمد طنطاوي]

يا عم مصطفي .. ايه الرعب ده ..
أعتقد والله أعلم ان هذه المواضيع حقيقية ..
ولكن لا يشعر بها كل البشر .. ولكن القليل منهم فقط ..
وهذا الموضوع شغل الغرب كثيرا لما يحدث لبعض
الأشخاص لمثل هذه الحكايات ، فتدخل فيها العلم والعلماء ..
علماء في كل المجالات العلمية لبحث هذه الأمور ..
وآخر ما توصلوا اليه هو انه يوجد في بعض الأشخاص مادة
يفرزها الجسم البشري تختلف هذه النسب من شخص لآخر ..
هذه المادة تسبب لبعض الناس شفافية خاصة بهم فيروا ما
لا يراه غيرهم .. وكذلك الاحساس بالشيء مختلف عن غيرهم
لذلك نري احساس شخص بموقف معين مختلف من شخص لآخر

هذا الموضوع كبير .. محتاج لصفحات كثيرة .. لا يتسع المال لها .
شكرا - مصطفي - علي هذا الموضوع .

[الكتكوتة]

كانت امى بتحكيلى انها وهى صغيرة كانت نايمة عند ستها وكانت ستها ساكنة فى الدور الرابع وكان فى راجل ساكن فى الدور السادس وكان مش بيكلم حد وكان طخين المهم فى يوم بليل سمعوا رزعة فى البلكونة خرجوا يشوفوا فى اى لاقوا الراجل دة نايم على المنشر ومن تقله راح واخد المنشر ونازل على الارض ومات تانى يوم فى نفس الميعاد سمعوا نفس الرزعة فى البلكونة فا ماما بتسال ستها اى دة قالتلها دة عفريت الراجل راحت ستها جابت عدس ومايه سخنة ورامتها فى البلكونة ع مايطلعش تانى


اما بقى الحكاية دى حصلت معايا انا وانا لحد دلوقتى مش متخيلاها ولا نسياها كان فى ولد عندنا فى الشارع اسمه عبود كان بيلعب فى الشارع وكان فى عربية( ونش) كبيرة معدية راح هو اشعبط عليها وجى ينزل راح ياحرام وقع تحت العجل وبقى هو والارض واحد
والناس لمت الجثة بتاعتوا او بمعنى اصح الى تبقى منها وحطوها تحت البيت عندنا اليوم دة انا كنت خايفة جدا ونمت بدرى المهم معرفش اى الى حصل خلانى اصحى بليل واول اما صحيت لقيت النور قطع رحت دخلت البلكونة وما كنتش راضية ابص على مكان الجثة بس فضولى خلانى ابص لقيت واحد قاعد فى مكان الجثة ولابس ابيض انا طبعا المنظر خضنى ومارضيتش ابص تانى لقيت كلب جى فى الشارع قعد يهوهو ويعوى ودة زود الخوف عندى رحت دخلت صحيت اختى تقف معايا ومارضيتش اقولها ان فى حاجة عشان ما تخفش هى التانية بس كنت اما اجى ابص فى حتى الاقى نفس الشخص قاعد على الارض وانا ماكنتش شيفاة كويس عشان الشارع كان كحل بس الى كان بيخلينى اشوفه هو انه لابس ابيض بس اول اما الاذان الفجر قال الله اكبر راح النور وجيت ابص على الشخص الى كان قاعد على الارض مالقيتهوش تانى يوم بحكى لماما قالتلى انتى بيتهيالك بس انا متاكدة ان الحكاية دى حصلتلى وانى مش بيتهيالى
ياريت اى حد يعرف حكايات عفاريت يقول بس تكون حقيقة

[شيري العسولة]

طيب كملوا بقى انا معاكوا