قهوتنا على الانترنت
ابحث عن :  
النتائج 1 إلى 8 من 8
  1. افتراضي مصرياااااااات .......................

    1- فحم التلاجه اللى بيوضع فى التلاجه علشان تمتص الرائحه الغريبه من التلاجه
    2- المغات للوالده
    3- غطاء علب السمنه القديمه اللى بيوضع تحت حلة الأرز علشان الرز ما يشيطش
    4- غطاء لأنبوبة البوتاجاز علشان يدارى الصدأ و البلاوى اللى فيها

    5- العصاية اللى كان بيتعمل بيها البامية الويكا
    6- خراطة الملوخية
    7- الطبليه
    8- كرسي الحمام
    9- طشت الغسيل
    10- علب السمنه القديمه اللى تتملى اسمنت و بينها عصايه و الشباب يلعبوا بيها رفع اثقال
    11- عضعضة البطاريات القلم علشان تشتغل لأخر نفس
    12- عجل العربيه نعمله عوامه فى البحر
    13- الكورة الشراب
    14- الأسانسير المانيوال - السبت-
    15- ساندوتشات المكرونه و الكشرى
    16- الليفه فى الأستحمام
    17- قفل التليفون
    18- الأستك و استخداماته المتعدده
    19- استخدام ورق الصحف فى عدة استخدامات: قراطيس للطعميه لأمتصاص الزيت و مسح الزجاج او لحشو الأحذيه و الشنط علشان ما تتكرمش و تصنع منها الزينه اللى بتتعلق فى رمضان او للف حبات المانجو حتى تنضج او فى علاج البرد حيث يتم دهن صدر المريض بزيت ساخن و يلف بالكامل بورق جرايد ثم يلبس تقيل وفى حالة وفاته يستخدم فى تغطية الجثه
    20- اختراع الموسيقى تم ترارارا تم تم بعد القاء اى نكته
    21-يتم دهن صدر المريض بزيت ساخن و يلف بالكامل بورق جرايد ثم يلبس تقيل وفى حالة وفاته يستخدم فى تغطية الجثه
    22- الصندرة اختراع مصرى للتخلص من الكراكيب و ضيق المساحات فى الشقق
    23- حرامى الدش و هو اختراع يتيح للى ماعندوش دش انه يتفرج عليه ب 20 جنيه شهريا
    24- ماسورة البلكونه لتصريف المياه -اللى مش نضيفه- المستخدمه فى المسح على الشارع
    25- القفه و تستخدم لنقل المواد التموينيه
    26- رش الملح فى الأفراح و المناسبات
    27- اختراع استخدام علب الحلاوة الفارغه لتفريغ الكوبايات من تفل الشاى تمهيدا لغسلها
    27- اختراع الوقود الحيوى الذى يقوم على استخدام روث البهائم فى اشعال الأفران
    28- اختراع طبق الفاكهه ذى الثمار البلاستيكيه اللى بيوضع فى الصالون للديكور

    29- إستخدام أرفف الشنط في قطارات الدرجة الثالثة كأماكن للنوم خاصة في المسافات الطويلة ..
    30-المصطبة
    31- إختراع فرش ملاية سرير على طقم الأنتريه عشان يفضل نضيف لما ييجي ضيوف ......
    32-الكيس البلاستيك أبو سوليتيب عليه علشان الريموت ما يهربش منه
    33-فى "مصر" فقط يسمّى سندوتش الفول و الطعميه "شقّه"
    34- إختراع طاسة الخضة
    35- إختراع النفخ في العين لمّا الواد عينه تنطرف
    36- إختراع دق الهون يوم السبوع و إسمع كلام امك و متسمعش كلام ابوك و ذلك لتنشيط حاسة السمع عند المولود
    37-لما واحد يكون عندك دور برد : إلبس فانلة خلف خلاف و غطي صدرك بجورنال
    38- (معلهش)

  2. #2
    تاريخ التسجيل
    16 - 12 - 2008
    ساكن في
    محافظة الجيزة
    العمر
    41
    المشاركات
    132
    النوع : ذكر Egypt

    افتراضي

    كل ده احنا متفردين بيه واضح اننا دولة عظيمة خصوصا موضوع العصاية بتاعة الباميه (واسمحى لى انى اضحك )هههههههههههههههههههههههه� �هههههههههههههههههههههههه� �ههههه

  3. #3

    افتراضي

    علشان يعرف الغرب اننا شعب مبتكر وعندناش حاجة ملهاش استعمال
    ومكنش عندنا اي مشكلة في النظافة والغاز ولا العيش وكانت الحياة قديما اجمل واحلي من النهاردة وكان الشعب راضي وسعيد

  4. #4

  5. #5

    افتراضي

    برافو عليكى يا قمر فعلا درر أحنا بس بننفرد بيها

    بس نسيتى طشة الملوخية والشهقة القوية
    والفسيخ فى شم النسيم والبصل
    والعروسة الورق اللى يخرموها بدبوس وتتحرق
    وركبة العروسة اللى بتتهرى قرص فى الفرح
    والبصلة اللى تندش عشان يفوقوا اللى حظه هباب وأغمى عليه
    واللى ما يعيشلهاش عيال وبعد كده ربنا يرزقها تتحفنا بأسامى عجب زربيح وخيشة وخلافه........

    وعمار يا أم الدنيا
    أفيقى أمة الأسلام عار رقودك فى سبات النائمين
    أفيقى من شتات النوم حتى نفوز ونرجع العهد القديم
    فأما الموت وأما بنصر ندخل القدس العظيم
    البحث على جميع مواضيع العضو princesscarina

  6. افتراضي

    كالعادة مايا متألقة فى مواضيعك

  7. #7
    تاريخ التسجيل
    16 - 11 - 2007
    ساكن في
    دنيا فانية
    المشاركات
    24,705
    النوع : انثيJordan

    افتراضي

    تسلمي مايا على الموضوع الثري
    يبارك في قلبك

  8. #8
    تاريخ التسجيل
    26 - 7 - 2008
    ساكن في
    مصر
    العمر
    54
    المشاركات
    100
    النوع : ذكر Egypt

    افتراضي

    عمااااااااااااااار يا مصر

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©