قهوتنا على الانترنت
ابحث عن :  
النتائج 1 إلى 1 من 1

الموضوع: بلاش تروح

  1. #1

    افتراضي بلاش تروح

    بلاش يإبنى تروح يلاش ابوس ايديك
    انت اللى ليا فى الدنيا وانا بتحامى فيك
    لحسن تيجينى فى كفن وتحرق قلبى عليك
    من كام سنه وانت شايف دم اخواتك قدام عينيك
    وبرضة عايز تروح انا يابنى بخاف عليك
    ماصدقش الكلام وراح وصحابه وراه
    وهو عنده امل متقاءل بالحياه
    راح يشجع ناديه لكنه راح لقضاة
    ع الارض كان الدم وصل لمنتهاه
    والشهدا مبتسمين مسلمين لله
    والام مستنية ومحصره العشا
    وبتقول ابنى فين عدى ادان العشا
    هروح اشوفه فين مش هبقى مطنشة
    راحت تسأل عليه كانت متغوغشة
    والخوف ويا القلق بينهش فى الحشا
    راحت والقلب اتمنى مايكونش جرى له شىء
    دعت قالت يارب نور ليا الطريق
    دابنى ونور عينيا وبالنسبالى صديق
    لاقت صحابه فى طريقها راجعين بكل ضيق
    مالكم ياولاد فى ايه حبيبى جراله شىء
    قالو لها متزعليش وقولى البقاء لله
    ابنك ياطنط شهيد والجنه مستنياه
    صرخت وبكت بدموعها وبحسرة قالت اه
    ده معاكوراح يشجع معقول هاخد عزاه
    ومش هشوفه تانى كان سندى فى الحياه
    وبدل ماازفة وافرح واشوفه احلى عريس
    هاروح له المشرحة بجد انا فى كابوس
    هو حياه الغلابة بجد تمنها رخيص؟
    علشان يروح يشجع الناس عليه تدوس
    وعلشان معاهوش تذاكر جوة القفص محبوس
    خلاص انا ابنى راح لما مات الضمير
    وربنايصبرنى وهيجازينى خير
    معقوله هودعه المثواه الاخير
    خلاص الفرحة غابت وقلبى صبح مكسور
    حق ابنى مش هيضيع املى فى ربنا كبير
    التعديل الأخير تم بواسطة Doaa Hegazy ; 10 - 2 - 2015 الساعة 04:18 PM

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©