ازاى حواء تكون جميلة بدون مكياج.... تعالى وانتى تعرفى

[شيري العسولة]

بصوا بقي يابنات النهارده هانتكلم في موضوع مهم لكل بنت وخصوصا فصل الشتاء وصل استمعوا جيد

ازاى نحافظ على بشرتنا في فصل الشتاء ومع المكياج اللى كل البنات بتحطوا
اولا : لازم تستخدمى مزيل المكياج
ثانيا : تعالى نجرب المسكات دى وشفوا الفرق خلال اسبوع مش اكتر
الماسك الاول
ماسك الترتيب وطبعا لازم في فصل الشتاء بصي ياستى
هاتى 2 موزة + 3 معالق عسل ابيض وخليطيهم كويس وسبيهم على وشك ربع ساعة وبعد كده اشطفى وشك بماء دافىء ثم فاتر


الماسك التانى
ماسك للبشرة المرهقة نعمل اية بعد ماالبشرة تعبت من المكياج بصوا
نجيب 1 ملعقة خميرة + 1\2 فنجان عصير طماطم + 1 معلقة عسل ابيض
وسيبيهم على وشك 20 دقيقة واشطفى وشك بماء فاتر

الماسك التالت
وده مهم للناس اللى بتعانى من الحبوب بصى ياستى
نجيب 4 معالق طمى + 2 معلقة زبادى + 4 نقط زيت شجرة الشاى
ونسيبة 20 دقيقة على الوجة ثم يشطف

واهم حاجة اللى عايزة تجيب الحاجات دى تروع عند العطار بس يكون كبير علشان يكون فاهم مش يدكي اى حاجة خدوا بالكو

ثالثا : ازاى نحافظ على نظارة ايدينا بصوا اكيد الكل بياكل
(برتقال) في الشتاء بصوا بقي بدل ماترموا القشر لا نستفاد منة يعنى بعد ماتقشري البرتقالة تجيبى القشر وتعصرية على ايدك لحد ماينزل الزيت بتاعة وادعكى بية ايدك وسيبة على ايدك رنصف ساعة بس واشطفى ايدك بعد كده بالماء فقط

رابعأ : لشفايف اكثر نضارة نعمل اية
نجيب حبة كركادية بعد غلية طبعا وحبة فزلين ونخلطهم ببعض ونحط كل يوم لمده اسبوع والله وهتلاقوا شفايفكوا بالون الوردى لمده شهر كامل جربوا بس

لسة في عندى وصافات طبيعية كتيرة بس قولوا رائيكوا في دول الاول ماشي مستنية ولو حد عايز يسال عن حاجة في المكياج يقولى وانا هاقولكوا على طول انا بقول عن خبرة بجد ولو حد عايز يعرف الماركة الحلوة يسال وهاجوبوا على طول اوك مستنية

[Princess maya]

نايس توبيك شيرى

[شيري العسولة]

نايس توبيك شيرى

شكرا ليكى ياقمر ولو عايزة تعرفى حاجة قوليلي بس وشكرا لمرورك




التوقيع

[jewel_lowis]

[توته القطقوطه]

لو عايزه احط مكياج بطريقه صحيحه اعمل ايه وشكرا ليكى على الوصفات الجميله ديه

[شيري العسولة]

شكرا ليكى ياجميل واتمنى انة يكون عاجبك

[شيري العسولة]

لو عايزه احط مكياج بطريقه صحيحه اعمل ايه وشكرا ليكى على الوصفات الجميله ديه

اولا شكرا لمرورك
وثانيا : لازم تعرفى بشرتك نوعها اية ومن المنطق ده هاتقدري تحطى مكياج وانتى مرتاحة
ثالثأ : لو خارجة الصبح مش لازم تحطى مكياج واضح انتى ممكن تعملى حاجات بسيطة وتبانى انك طبيعى
رابعا : بصى ياستى انتى القاعدة الاساسية انك تحطى بودر مطغوط بدل الكريم اساس والبودر العادى حاجة واحده احسن ولو بتعانى من مشاكل تحت العين حطى كونسيلر ويعد كده ممكن تحطى اى لون ايشادو خفيف بس يكون لايق عليكى وكحل بس جوه العين وماسكرا وروجاجو حاولى تخطرى مقارب للون الايشادو وجلس ملمع بس
وبكد هاتكونى حاطيتى مكياج كامل بس بسيط وكانة طبيعى وسمبل
ولو عزتى اى حاجة انا تحت امرك ولو عايزة اسماء ماركات مكياج حلوة اسالى بس وانا تحت امرك ياجميل

[في صمتي كلام]

السلام عليكم مشكوره يا شيري علي ارائك وخبرتك الرائعه في حاجه تانيه زياده بيعملوها الكوافير فموضوع ماسك الموز الاولاني انا سألت عليها يوم فرحي وهي بتعملهالي قالتلي موز وعسل ابيض وماء ورد وفاكهه الكاكا واضربيهم مع بعض والله كانت تحفه بس لازم تسيبي الماسك لحد ما يبقي لون الموز مسود شويه ووانتي بتشيليه تشيليه وانتي بتفركي وشك

ده زياده مني لو فيها غلط والله انا سألت ومجرباها 3 ايام قبل الفرح بتنظف البشره

ممكن يا شيري سؤال انا عايزه اسأل علي انواع مكياج نظيفه لاني داخله علي جواز مش وياريت لو فيها رخامه افضل مكان اجيب منه
وكده يبقي تقلت عليكي كتير واعذريني انتي قولتي اطلبوا

[بحر الحنان]

بجد ياشيري موضوعك هايل وانا بجد استفدت منه اوي لان كنت محتاجة للماسكات دي كمان
بس انا بشرتي جافة مش عارفة تنفع ولا لا وقوليلي اعمل ايه عشان تبقى رطبه شوية

[البرنسيسة شوشو]

الموضوع هايل ونافعنى جدا ومستنية المزيد منك ياشيري وشكرا