حكاية غزة وفلسطين

[فتاة الظلام]

شايفك يا قلبي حزين ومش لاقى حد رحيم

عمال تلف تدور وتسأل فين غزة وفلسطين

طب لم جيشك وحارب انت مادام العرب مش شايفين

هما الي ماتو مش زينا ولا احنا مختلفين

خلينا قاعدين مستنين ما الضفة جاية علينا ومش هنلاقي حد رحيم

دة حتا القدس مبقاش في ايدينا واحنا قاعدين متفرجين

خلوهم يبنوا البيت الابيض واحنا قاعدين مبسوطين

قاعدين نتكلم ونحكى ال اية متأثرين

طب مانقوم نعمل حاجة ولا هنفضل زى البط قاعدين

لية هما قططهم جمل واحنا بشرنا مش غالين

هنشيل ذنبهم وحيات الله لحنا متحسبين

وعلي النار حدف احنا داخلين

علشان سايبنهم يتعذبوا

واحنا لسة بنفكر في صندوق تحرير فلسطين

يا حسرتاة علي العرب مش احنا كنا ذى الاخوة متحدين

عاملين اجتماع عاجل قال يعني مستعجلين

ما هو اصل من فلسطين مفيش حاجة واخدين

لاكن لو امريكا ما هي الاساس المتين

[Princess maya]

يا حسرتاة علي العرب مش احنا كنا ذى الاخوة متحدين

[-Nona-]

يا حسرتاة علي العرب مش احنا كنا ذى الاخوة متحدين

بصراحه رد مايا منسب جدا بس مين يسمع

[فتاة الظلام]

شكرا لمروركم بس انا حزينة اوى

[ابو تريكه]

افيقى امه الاسلام

الاقصى نادى والندا غالى ويهون عشانه العمر لو غالى
رافض اشوف الغدر حر طليق رافض ادوء الزاد واخويا غريق
يارب نولنا الشهاده هناك يارب اوعدنا بنترجاك
بحلف يا قدس بربى وسماكى لتعودى زى ما ربى سماكى
ارض الطهاره وعيسى والرسالات
معراج محمد للسبع سموات

[فتاة الظلام]

شكرا لمرورك

[أسوو]

اللهم لا حول ولا قوة الا بك

اللهم نسالك ضميراً يقظاً

وقلباً خاشعاً

عجز القلم عن الرد لكن نأمل فى قدرة الخالق تغذية قلوب امة محمد بقلوب

ابن الخطاب وابو بكر الصديق والايوبى وغيرهم
تسلم ايدك

[فتاة الظلام]

شكرا ليكى يا اسو

[ساندرا]

بارك الله فيكى

لية هما قططهم جمل واحنا بشرنا مش غالين

هنشيل ذنبهم وحيات الله لحنا متحسبين

[فتاة الظلام]

ميرسي لمرورك يا بنت الاسلام