يا جماعة خدوا بالكم من التحذيرات المنتشرة بخصوص ارتفاع درجة الحرارة ومخاطر ضربة الشمس ..حالات الوفاة في ازدياد والكلام فعلا يخوّف والتصريحات متضاربة ودكاترة كتير بيقولوا ان فعلا الموضوع كبير ...سواء اشاعات ولا مش اشاعات خدوا بالكم ماحدش يستهتر بالموضوع ...
* شُرب سوائل كتير جدا علي قد ما تقدروا " المياه اكيد اهم حاجة "
* وبلاش الزحمة والكتمة تفادوا التواجد في الاماكن اللي كده
* وبلاش التعرض للشمس مباشرة علي اد ما تقدروا
* بلاش الخروجات اللي مالهاش لزمة
- الاعراض ارتفاع حرارة جامد او غثيان او ضيق تنفس وازدياد ضربات القلب لا قدر الله وجفاف في الحلق
- لو حصل ده -لاقدر الله- لاي حد علي طول مياه كتير وتبريد للجسم سواء بانيو ولا ملاية مبلولة يتلف بها الجسم..اهم حاجة تبريد سريع جدا للجسم لان المخاطر بتزيد بسرعة بعد ساعات قليلة ..ضربة الشمس مش بتيجي من الشمس بس لا كمان من الكتمة في مكان حر بزيادة ...خدوا بالكم يا جماعة ونبّهوا علي اللي حواليكم ...التوعية والوقاية بتنقذ ارواح