السلام عليكم

أنا عضو جديد معاكم هنا و ان شاء الله أكون عند حسن ظنكم ، و أول موضوع ليا هنا هو موضوع أنا مهتم بيه بقالي سنين و حابب إني أنشره ألا و هو :
( هل انت مؤمن بمواقع الربح من الانترنت ؟ )

قبل ما ترد و تقول آه أو لأ ، تعالى معايا شوية و مش هاخد من وقتك 10 دقايق قراءة لكن في الآخر هتشوف بنفسك ان اجابتك هي الأصح ، و ان شاء الله يكون الشرح وافي


ايه هي مواقع الربح من الانترنت ؟ المواقع دي بتبقى عبارة عن مجموعة معينة من الاعلانات انت بتشوفها و بتروج لها بمجرد الضغطة الواحدة على الاعلان ده و في المقابل تاخد فلوس ، طيب هل كل المواقع الربحية دي بجد ؟ طبعاً لا فيه مواقع كتير نصابة ، و عشان كده انا هحاول اني أنزل هنا بس في المنتدى المواقع الربحية اللي عندها مصداقية + تقدر تشوف اثباتات دفع كتير جداً للأعضاء و تشوف انهم على حق

واحد هيقول لي : يا عم انت في مصر ، و الحاجات دي مش مؤمنين بيها

و ليه لأ ؟ فيه بنوك الكترونية كتير فتحت و البنك الاشهر على الشبكة العنكبوتية paypal السنة دي فتح فرع في مصر و بقى معترف من البنك المكزي المصري و الحكومة المصرية ، غير ان فيه بعض البنوك الخاصة اللي بتهتم بالموضوع ده ، زي البنك التجاري الدولي CIB و البنك القطري الأهلي QNB و بنوك كتير لكن دول اكتر اتنين بيتعاملوا مع البنوك دي بالذات

طيب انت فاكر انك في شهر او اتنين هتكسب دولارات و تبقى غني ؟ أكيد لا

الصبر لازم الصبر خصوصا اول شهرين تلاتة لحد ما العجلة تدور و تقدر ان انت تطور من نفسك ، و المواقع الربحية دي عبارة عن خطط و استراتيجيات مش مجرد انك بتشوف اعلانات و بتتوكل على الله ، ساعتين او تلاتة بالكتير من وقتك الفاضي كل يوم بدل مانت بتقعد 12 ساعة ع الفيس استثمرهم في حاجة ممكن تدر ليك دخل و انت قاعد في بيتك

طيب هل فيه طريقة سريعة ؟ اه فيه حاجتين : أولاً انك تخلي ناس تسجل عن طريقك في الموقع ده و بيبقى ليك نسبة و هنشرح بعدين ازاي ، و تاني حاجة انك تشحن ، يعني ايه تشحن ؟ يعني يبقى عندك عضوية ذهبية بتكسبك فلوس اكتر من العضوية العادية بس بتدفع فلوس من حسابك في البنك و مش كتير بتكون اقصى حاجة 50 او 60 دولار

طيب انت دلوقتي عاوز ايه ؟ انا عاوز تجربة المواقع الربحية دي تنتشر في مصر و يبقى الناس كلها عارفين بيها ، البنوك الخاصة بدأت تتعامل مع البنوك الالكترونية و عادي و مفيش حاجة اسمها نصب او احتيال غير من المواقع النصابة و دي احنا بعد كده هنعرف هي نصابة ازاي

انا ادامك اهو ، تجربة واقعية ، بكسب من المواقع دي لإني صبرت و فكرت و استغليت وقتي صح بدل منا مضيع وقتي ع الانستجرام و الفيس بوك و تويتر لا انا خصصت ساعة او اتنين في اليوم للمواقع دي و بقى دخلي دولارات في اليوم و ممكن تحولهم على حسابك في البنك ! سواء QNB او CIB لان دول اشهر اتنين

و دلوقتي ، ايه رأيك ؟ هل لسه مقتنع انها محتالة او نصابة ؟ ْ

هسيبك تفكر و ترد و انا مستعد للمناقشة ، و في المواضيع الجاية هشرح كل حاجة عن المواقع الربحية دي

أي استفسار تحت امركم ، و في الخاص بردو ، و تقدروا تتواصلوا معايا عبر الايميل او الفيس بوك في رسالة خاصة

بالتوفيق للجميع
محمد