مين فينا الحمار

[xXx SHaDY xXx]

من فينا الحمار

عجبي عليك يابن آدم
ياكبيرالدار
قومت الدنيا وماقعدت لما قالوا حمار ..
هوّ اسمي شتيمة ولا جنسي ده عار؟ ..
خلقني ربي وخلقك ولا حدش له خيار ..
وانا مهما زاد الحمل فوقي..صابر على المشوار ..
لا في يوم اقول إشمعنى اخويا وآخد منّه تار ..
ولا يوم ابص لرزق غيري واطق منّه واغار ..
ولا ارفع في يوم عيني على جارتي واخون الجار ..
ولا مهر ادفع لحمارتي وشبكة وسوار ..
ولا شقة اجمع في تمنها ولا اجهّز دار ..
ولا حرمي حامل تتوحم عايزة الكافيار ..
ولا بنتي تخرج عن طوعي وتجيب العار ..
ولا ابني يدمن ويهلوس ويقع ينهار
.. عايش في حالي متهنّي..وليه افكار
.. بآكل وباشرب وانهّق ومافيش أسرار ..
وعندي ابن آدم يخدمني ليل ونهار
.. إن جعت يشتري برسيمي بأغلى الاسعار ..
وفي مرضي يفضل يعالجني ويدعي الستّار ..
خادم امين من غير راتب ولا حتى ايجار ..
ودلوقتي عرفت يابن آدم..مين فينا الحمار؟





((منقول))

[cocopitt]

ههههههههههههههههههههههههه ه
علي فكره انا بحب الحمير اوي بجد ومعرفش ليه يمكن عشان بحس انهم غلابنين

[xXx SHaDY xXx]

ههههههههههههههههههههههههه هههههههههههههههه
مش كل الحمير غلبانين ياكوكو
في حمار العن من البنادمين
وميرسي خالص علي مرورك الجميل ده

[القطه الرومانسيه]

بجد انت دمااار المنتدى
تحفه بجد
ميرسي يابلشل للتوبيك الجنان ده

[احساس]

كلمات درر بجد ولا احلى منها000


بجد يابخت الحمير0000000مش شايلين هم لاى حاجه000بجد يابختهم

[xXx SHaDY xXx]

ميرسي خالص ياجماعه علي مروركم اللي شرفني واسعدني بجد ده
انا مش عارف اشكركم ازاي