الناس مش سايبه الناس فى حالها

[moon_tears]

الناس مش سايبة الناس


انا هنا بسال سؤال واحد بس.. عمرك ما حسيت ان فيه حد مراقبك في الشارع.. واللي مراقبك ده متعرفوش ولا يعرفك.. واكيد لاحظت ان الموضوع ده بيبقى في اوجه لما تكون لابس شيك.. او حاطط برفان زيادة شوية.. او لابس بدلة انيقة حبتين

*******

اذا كان اي حد راكب مترو او رايح في اي مكان الناس مش بتسيبه في حاله.. ايوة مش بتسيبه في حاله
يعني اذا رن موبايلك لازم اللي جنبك يحاول يسطنبط اي حاجة من الرنة اللي انت حاطتها على الموبايل.. يعني اذا كانت اجنبي فده واحد روش.. ولو كانت رنة لسامي يوسف يبقى ده واحد متديّن.. ولو كانت هيفاء وهبي يبقى ده شاب عازب.. ولو كانت اليسا يبقى ده انسان ضاعت منه حبيبته.. وهكذا ده غير ان اللي راكب جنبك ده لازم يعرف مين اللي بيكلمك دلوقتي زي ما يكون موبايله وحاطه معاك بالغلط
ولازم كمان يبص مكتوب ايه على الموبايل اثناء الرنة.. ماما؟ بابا؟ حبيبيتي.. وهكذا.. واذا ماعِرفش لازم يسمعك وانت بتكلم ياترى بتقول: ايوة يا بابا؟ ولاّ: ايوة يا روحي؟ ولاّ: نعم؟ ولا: ايوة يا احمد؟

*******

و يا ويلك يا سواد ليلك لو فتحت شنطتك لازم يبص على محتويات شنطتك كلها ويا سلام لو كان مكانك واحدة بنت فتحت شنطتها لازم يشوفوا هي حاطة مكياج في الشنطة ولا لأ؟
ولو انت واقف لازم يتفرجوا عليك وانت متشعبط ولايص وحالتك حالة وانت لازم تمسك في حاجة تسند عليها وفي نفس الوقت بتجيب اجرة السواق ويشوفوا يا ترى انت هتتصرف ازاي في الموقف ده؟ واول ما ترفع دراعك هوبا كل الاوتوبيس يستكشف.. معلش في الكلمة.. اذا كان فيه مية في القميص تحت دراعك
و طبعا اذا كانت بنت لازم عربة السيدات في المترو يفصصوها زي ما تكون عروسة ابنها ولازم تشوف طريقة لبسها... حجابها ... لابسة دبلة ولا لأ؟ وزي ما قلنا قبل كدة انها اول ما تحاول تعدل حجابها او تجيب حاجة من شنطتها او رباط الجزمة اتفك منها لازم المراقبة التامة لغاية ما الموقف يخلص

*******

انا عاوز اقول احنا مفيش فينا فايدة طول عمرنا هنفضل نبص على بعض ونتكلم على بعض وعمرنا ما هنعمل حاجة اجابية في حياتنا بدل ما نسبّح او نقرا قران او نتكلم في حاجة مفيدة
مستنيين لبعض غلطة وواقفين لبعض على الواحدة
وارجع اقول الناس مش سايبة الناس في حالها.. وده اللي مخلينا واقفين في مكاننا

منقول

[طيف عابر]

موضوع وكلام ولا اروع فعلا
الف شكررررررررررر لك

وهنا الخلاصة والفكرة الروعة

انا عاوز اقول احنا مفيش فينا فايدة طول عمرنا هنفضل نبص على بعض ونتكلم على بعض وعمرنا ما هنعمل حاجة اجابية في حياتنا بدل ما نسبّح او نقرا قران او نتكلم في حاجة مفيدة
مستنيين لبعض غلطة وواقفين لبعض على الواحدة
وارجع اقول الناس مش سايبة الناس في حالها.. وده اللي مخلينا واقفين في مك

[ملاك...ولكن]

الصراحة عندك حق في كل الي اولتة
انا لما بنزل مصر وكمان عشان جاية من الخليج فبيبقى شكلي مش مصري اوي فتلاقي واحدة مليش علاقة بيها تقعد تكلمني وتستفسر مني على حاجات غريبةيعني صراحة حاجة تزهق ولا مثلا لوكنت ابسة لبس خليجي زي العباية تلاقي كل الناس الي في الشارع عنيها عليا كاني عاملة عملة ولا قاتلة قتيل

[moon_tears]

الصراحة عندك حق في كل الي اولتة
انا لما بنزل مصر وكمان عشان جاية من الخليج فبيبقى شكلي مش مصري اوي فتلاقي واحدة مليش علاقة بيها تقعد تكلمني وتستفسر مني على حاجات غريبةيعني صراحة حاجة تزهق ولا مثلا لوكنت ابسة لبس خليجي زي العباية تلاقي كل الناس الي في الشارع عنيها عليا كاني عاملة عملة ولا قاتلة قتيل

بصراحه انا كمان هبص هههههههههههههههههههههههه

بصى هى ده بيبقى تعود وفعلا محدش بيسيب حد فى حاله
ولو بطلنا نبص على بعض هنكون احلى الناس

[moon_tears]

طييييييييييييييييييف عابر شكرا على مرورك الجميل واقتباسك للخلاصه فعلا

[ساندرا]

اى في ناس شغلها الغيرة والناس التانيه
ورضى الناس مستحيل ومنشان هيك رضا الله اهم
جزاك الله خيرا اخى موضوع متميز

[moon_tears]

اى في ناس شغلها الغيرة والناس التانيه
ورضى الناس مستحيل ومنشان هيك رضا الله اهم
جزاك الله خيرا اخى موضوع متميز

شكرا أختى لمرورك الجميل ده