اقفـل يـا ابنـي المعبـر
مش ناقصيـن العـك ده كلـه
مش عـايزين تنطيـط وكـلام
اقفـل يا ابنـي المعبـر، سِـدّه
هات لنا طين معجـون بسخـام.
مـا تقوليش إخـوانَّا يجوعـوا
مش رايح اسمـع ليك تعليـق
ما تقوليش في صغار هيضيعـوا
أو جفِّ لْهـم مليـون ريـق.
والعيـان؟ ما يشوف له مصيبة
هو انا يعنـي طبيب لجنـابه؟
كارثة وحلِّت، واهي مكتـوبة
مش كان يعمـل هوَّ حسـابه؟
مش عايز اعـرف أيه حكايتهم
أنـا شغـال عبـد المأمـور
قالوا يميـن، تلاقيني سابقهـم
وِان أمروني .. راح اشهـد زور.
اللي يجـوع وعيـاله تتعـرى؟
طب وانا مـالي؟ الحق عليـه
واللي يروح ما يجيـش بالمـرة
مليون داهيـة يا ناس تتـاويه.
قالوا حصـار مضروب وسياسـة
أيش دخَّلنـي؟ ده شغـل كبيـر
كتبوا شكـاوي ف ميـة كراسة
صرخـوا وهات يا نهيـق ونعيـر.
أنا مش ناقـص وجـع الـراس
قالـوا عليهـم أوحـش نـاس
والمجتمـع الدولـي ما يكـذب
وآدي أمريكـا كلامهـا أسـاس.
بـلا أحـرار ثـوار بـلا نيلـة
داهيـة تشيلهم، خيبـة تقيلـة!
بكـرة تجيلهم شوطـة كبيـرة
وابقـوا تعالـوا اعملـوا هُلليلـة.
عايزين يا ابني نعيش ف سـلام
اقفـل يالـلا بسرعـة قـوام
يخـرب بيـت المعبـر واللـي
فتـح الفتحـة علينـا وهـام
اقفل ياللا عشان هننـام
اقفل ياللا عشان هننـام.
د.أحمد الليثى
تنبيــــه هـــــــــامعلى الأعضاء ذوي التواقيع ذات الصور النسائية العارية وكلام الحب عدم التواجد في القسم الإسلامي لأنه يسئ لهذا القسم
وحان الرحيلوأرحل في موكب الراحلينوحول الركاب الطيور تحوماستودعكم الله الذي لا تضيع ودائعهالبحث على جميع مواضيع العضو Ahmad Misk
الذين يشاهدون الموضوع الآن: 1 (0 من الأعضاء و 1 زائر)