الامر Shutdown بالتفصيل الممل

**علي مدكور** · 13 - 12 - 2007, 05:49 AM

بسم الله الرحمن الرحيم
أخواني اعضاء المنتدى الكرام ...
أقدم لكم اليوم شرح كامل عن الامر shutdown الموجود داخل ويندوز اكس بي
أولاً .. ايه هوه الامر Shutdown ?
طبعاً .. الجواب باين من عنوانه .. كلمة shutdown تعني الإغلاق ..
يعني الامر ده يفيد بإغلاق الجهاز وما يشابه ذلك ..
مثلا LogOff و Restart .....
طريقة استخدام الامر...
الطريقة سهله جداً جداً .....
افتح Run وأكتب ....

shutdown

كما فى الصورة .....

وأضغط Enter
اللى هيحصل ان هتاجي شاشة سوداء ومن ثم تختفى بسرعة ... ومش هيحصل حاجة!!!
ليه محصلش حاجة ؟
لأن الامر Shutdown ليه صيغ في كتابته ....
وهذه هي الصيغ...
يكتب الامر Shutdown ...
الصيغة الاولي :
shutdown -s -t 00
تفسير الامر ... -s تعني انه يقوم بإغلاق الجهاز ... -t الوقت ... 00
لو كتبنا الامر ده فى Run ودوسنا Enter الجهاز هيفصل ... :mad:
طبعاً يمكنك تغيير الوقت 00 لأي ارقام ... بالميلى ثانية يعني مثلاً النصف ساعة تساوي 1800
الصيغة الثانية :
يكتب الامر
shutdown -r -t 00
الفرق واضح وهو فى حرف s تحول إلى r وهذا يعني ان الجهاز يعمل إعادة تشغيل
الصيغة الثالثة والاخيرة :
shutdown -l -t 00
واضح ايضاً الفرق .. ان كده الامر هيعمل LogOff تسجيل خروج ...
أضافات يمكن ان تكتب مع الامر shutdown
يمكنك مثلاً ترك رسالة بأنك ظابط الجهاز انه يطفي بعد نصف ســاعة
يكتب الامر
shutdown -s -t 1800 -c "فضلاً الجهاز سيغلق بعد نصف ساعة من ظهور هذه الشاشة "
لاحظ الجديد ؟!!
حرف -c وهو اختصار - comment
وبعد تطبيق آخر مثال ظهرت الشاشة التالية ::

وبكده احنا ماشيين صح !
واحد هقولى طيب انت كده دبستني الرسالة ظهرت والجهاز هيفصل بعد نصف ساعة وانا عامل شغل وحاجات ...
متخفش أكتب فى Run
shutdown -a
معناها يوقف عمل الامر ....
وواحد هقولي ما انا بدوس على Turn off وبقفل الجهاز وكل اللى انت بتقول عليه كله موجود فى الويندوز ...
هقوله ... فائدة الامر ده ليك انت .. لو هتنام مثلاً تظبط الجهاز ...
آما الامر للمبرمجين فيستخدموه كتير .....
وفى النهاية اتمنى ان ينال اعجاب الجميع ... تحياتي لكم ... علي مدكور