نصائح يا بنات ركزوا مهمة جداااااا

**cocopitt** · 8 - 1 - 2009, 02:36 PM

فترة التجهيزللفرح وترتيبات الجواز
(نهايات الخطوبة)

في الفترة دي تلاقيه يقولك
- كان نفسي نخرج لوحدنا يا حبيبتي(اهو لما نبقى اتنين المصاريف هاتكون اقل وبدل ما اجيب اربعه حاجة ساقعه يبقوا اتنين بس)

2- انا زهقت من ركوب التاكسيات دول بيتأمروا(انا عمري ما ركبت تاكسي الا معاكي .. وحشتني الشعبطة في الاوتوبيسات)

3- الاوضة اللي هناك احلى(ارخص طبعا)

4- ماما هاتخرج معانا عشان خايفة احسن باباكي يتضايق من خروجاتنا لوحدنا(ماما هاتيجي عشان تنقي العفش على ذوقها)

5- انا رأيي نوفر فلوس الفرح لحاجة تانية(انا مستخسراعملك فرح اصلا )

6- ممكن بفلوس الفرح نقضي شهر عسل في شرم(اهم حاجة مانعملش فرح وبعدها ابقى اتصرف )

7- حبيبتي معلش مالقيتش اماكن فاضية في شرم عشان شهر العسل(لقيت كتير بس هو انا عبيط عشان اروح شرم معاكي... اللي ماروحتوش لوحدي هاروحه معاكي عشان تكتمي على انفاسي هناك)

8- مع الاسف يا حبيبتي هانروح اسبوع عسل في راس البر(كده اوفر كتير ..واسبوع كفايا اوي .. انتي طماعة ليه)

9- انا محرج اوي عشان باباكي صمم يجيبلنا الشقة(صعبت عليه باين عليه طيب.... ايوة كده وفر عليا تمنها ... اماليعني هاتجوز واجيب شقة كمان)

بداية الزواج (شهرالعسل)
قال عسل قال

طبعا احنا عرفنا ان العريس قرر انهم يقضوا اسبوع العسل فيراس البر والعروسة وافقت(هاتعمل ايه يعني ... نصيبها كده ....راجل بخيل)

وفي اول ايام شهر العسل (قصدي اسبوع العسل)
فوجئت الزوجة بأن اسبوع العسل هو اسبوع للاسرة كلها ... طبعا اسرةالعريس
امه وابوه واخوه ومرات اخوه واخته وجوز اخته والعيال وهو وهي

حاولت تفهمه ازاي هايكونوا على راحتهم في الزحمة دي ..... رد عليها الردالمعتاد : لا يا حبيبتي ماحنا هانبقى لوحدنا وهما لوحدهم(قصده انهم مش هايفارقوهم طول الاسبوع )

وحدث ماكان في الحسبان والبيه قاعد طولالاسبوع مع امه واخواته ماهو تقريبا اسمه اسبوع العيلة مش اسبوع العسل

طبعا صعب اوصف حال الزوجة اللي مالحقتش تفرح

وفي اخر ايام الاسبوع لمت الزوجة هدومها وهدوم جوزها بسرعه عشان توفر ساعتين يقضوهم لوحدهم لحد ما اهله يرتبوا شنطهم
وقالتله : ماتيجي يا حبيبي نتمشى شوية على البحر نودعا لايام الجميلة اللي قضيناها هنا(الهي لا يعودها ايام )الزوج : طيب ثواني اقول لماما واخواتي عشان لو يحبوا يتمشوا معانا(هاخد اذن ماما)

الزوجة(اللهم طولك ياروح ): لا يا حبيبي هما لسه هايرتبوا شنطهم على ما احنا نتمشى شوية يكونوا خلصوا وجاهزين للسفر

الزوج : طيب بس نقولهم عشان مايدرورش علينا

وطبعا راح ياخد الاذن من مامته ومامته قالتله يالا بسرعه عشان عاوزين نمشي قبل الحر.....وكمان قالتله سيب الفلوس هنا ياحبيبي احسن مراتك ايدها سايبة وممكن تصرفهم في التمشية دي... ولو احتاجت هي حاجة تبقى تشتريها من فلوسها ماهي بتشتغل وبتقبض على قلبها ادكده

طبعاالزوج فرح جدا بمامته اللي نبهته للموضوع ده وراح يتمشى مع الزوجه ...... ربع ساعه ولقته بيتنفض ويقولها : يالا بسرعهاحنا اتأخرنا عليهم .... عشان نلحق نروح بدري قبل الحر(كلام مامته)
الزوجة (خلاص بقا لا شهر عسل ولا شهرابريل حتى ): يالا يا حبيبي

**m.chezoo** · 8 - 1 - 2009, 02:59 PM

ههههههههههههههه
كويس ان اسبوع العسل مكانش على حسابها
وبعدين هى ايه اللى رماها الرمية دى يعنى تستحمل بقى ههههههههه
وهو كمان عايز يطلع رحلة مع اهله كان فضل فى بيت امه وطلعهم ولاهى شحططه وخلاص

**cocopitt** · 8 - 1 - 2009, 03:07 PM

المشاركة الأصلية كتبت بواسطة m.chezoo

ههههههههههههههه
كويس ان اسبوع العسل مكانش على حسابها
وبعدين هى ايه اللى رماها الرمية دى يعنى تستحمل بقى ههههههههه
وهو كمان عايز يطلع رحلة مع اهله كان فضل فى بيت امه وطلعهم ولاهى شحططه وخلاص

ههههههههههههههههههههههههه هههههه
نورت
ووحشتنا تعليقاتك