قهوتنا على الانترنت
ابحث عن :  
صفحة 1 من 2 12 الأخيرةالأخيرة
النتائج 1 إلى 10 من 11
  1. افتراضي الحقونااااااااااااااااااا اااااااااا

    فيه حاجات كتير بتغيظك صح؟
    قول ماتنكسفش
    زى ايه؟
    زى مثلا لما تكون بتاكل اكلة حلوة و فجأة تحس ان فيه حاجة فى بقك لفة حوالين سنانك و بعدها جسمك يقشعر و تمد ايدك بسرعة تمسك الحاجة دى و تلاقيها شعرة وسط الاكل
    احساسك ايه ساعتها؟
    جسمك قشعر صح؟
    يععععععع

    لما تكون متشيك و رايح مقابلة مهمة و يا دوب تلحق معادك و فجأة تيجى عربية سريعة من جنبك تترطش علي هدومك شوية طينة مين الشارع هتعمل ايه؟
    او تتزحلق بسبب الطين اللى مالى الشوارع
    مجارى طافحة
    ماسورة مية مكسورة
    او واحد راشش بذمة شوية قدام دكانه او قهوته قال يعنى ناقصة

    و الا لما تكون ماشى و لابس هدوم العيد اللى انت لسة جايبها و دافع فيها فلوس كتير يجى عيل راكب عجلة يروح قاطعلك البنطلون و الا ينتشلك الجاكتة و يبصلك بكل برود و يمشى

    و لو نفدت من العربية و قدرت تلحق هدومك من الواد ده و تكون معدى تحت بلكونة فى نفس اللحظة اللى واحدة ست بترمى مية الغسيل منها والا واحد واقف فى البلكونة و كان لسة مخلص قروصة سجاير و صدره مليان بلغم و بيتف

    ممكن طبعا تلحق نفسك و تجرى من تحت البلكونة و تتلزق فى الحيطة علشان ماتجيش عليك حاجة و بترمى بعنيك كده لقيت يافطة مكتوب عليها بخط مش باين احترس من البوية
    او و انت بتسند على الحيطة لزقت فى ايدك حاجة لزجة و بتبص لقيتها كميه كبيرة من مخلفات مناخير واحد عنده زكام

    ولو انت عندك قوة ملاحظة و سرعة استجابة خرافية فى اللحظة اللى انت بتجرى من تحت البلكونة و تقفز بسرعة مدهشة و لمحت البوية و بواقى المناخير ع الحيطة فتميل جانبا ثم تدور دورة افقية بجسدك و تركل الحائط بقدميك و تدور حول نفسك بمهارة مذهلة يحسدك عليها ابطال الاوليمبياد و كل هذا يحدث فى اقل من الثانية و تطأ قدمك على الارض و ............ و يتزحلق رجل المستحيل و يقع على ضهره و لما يقوم يشوف ايه اللى زحلقه يكتشف ان رجله جت على حاجة مكلكعة لونها بنى فى الغالب ذات رائحة نفاذة كان صاحبها لسة واكل كرشة و محلى بشربة كوارع

    هتلحق نفسك بطريقة شيطانية من كل الحاجات دى و تجرى بعزم ما فيك علشان تخرج من الشارع المنيل ده و خرجت فعلا لقيت الدنيا ضلمت فجأة و الدنيا اتملت ريحة مألوفة عارفها كل واحد فى مصر كويس قوى
    الريحة هى ريحة المجارى اللى احنا متعودين عليها!!!!! و ده معناه ايه ده؟
    معناه ايه؟ انت لسة ما استوعبتش؟
    انت وقعت فى بلاعة مجارى هو انت مش من مصر و الا ايه؟
    بس هنفترض انك برضه سريع البديهة و قبل ما تبلعك المجارى زى ما بلعت غيرك قدرت تتشعبط فى حلق البلاعة و تطلع و الحمد لله بدون خساير هى بس كل الحكاية ان ريحة البارفان اتغيرت شوية و لون هدومك اتغير شويتين بس الحمد لله جت سليمة

    وانت بالمنظر ده ماشى مبلول ( مش من البلاعة من الخضة) حسيت ان فيه حد مسك فيك و من مسكته اكيد قلت انه صديق قديم وحشته عايز يخدك بالحضن
    احب اقلك ان الاحساس ده مش هيدوم اكتر من ثانية لأن اللى مسكك مش بنى ادم ده سلك عريان سلك كهربه عريان
    فيه فى البلد بن جميل قوى بينفع فى الحالات اللى زى كده
    مش ليك
    ده لناس لابسين اسود بس
    استنى شوية ده لحسن حظك ان الكهربه قاطعة من المنطقة انت متعرفش و الا ايه؟ ما هى كل يوم بتقطع فى بيتكو اشمعنى ده يعنى

    خرجت من الشارع ده و ..... برضه لقيت واحد مسكك من ورا
    ايوة المرة دى مش هنخدع دة مش واحد صاحبى عايز ياخدنى بالحضن ده اكيد سلك تانى عريان زى الاولانى و المرة دى فيه كهربا لانى سامع صوت التسجيل فى القهوة
    هوه فعلا مش واحد صاحبك وحشته و لا حتى بنى آدم المرة دى طلع كلب
    ايوة كلب
    كلب سعران هبرك من ورة و طلعت تجرى بس هتروح فين دى دماغه زى الجزمة مش هايسيبك مش كفاية حتة البنطلون اللى فى بقه

    بس الحمد لله انت سريع فى الجرى و الكلب اصلا جربان ومش لاقى ياكل مش هيقدر يحصلك
    بس هتعمل ايه يا حلو فى جيش الكلاب اللى جاى من اول الشارع يجرى ناحيتك وفى مقابلتك على طول
    يا عم ايه اللى نزلك اصلا ما كنت تقعد فى بيتك بدل ما تتبهدل كده
    يا سلام الحمد لله البيت اهه هطلع جرى اخد دش
    اى
    ايه ده
    دى السلمة المكسورة فى بيتكو مش عارفها؟
    خد بالك

    طلعت و دخلت و دخلت الحمام و قلعت هدوك و حطيت الصابون على وشك و جسمك و خلاص هتستحمى و تخلص من كل البلاوى اللى انا وقعتك فيها من اول الموضوع و انت بتفتح الدش ......ايه ده ده مفيش مية
    ايوة ما هى المية قاطعة انت مش عارف انها بتقطع كل يوم؟
    طب و العمل ؟ قول لامك تسخنلك مية على البوتاجاز علشان الدنيا برد
    و
    ماما سخنيلى مية
    الانبوبة فاضية و بتاع الانابيب لسة مجاش
    و الحل ؟؟
    استنى شوية فيه واحد جاى اهه فى اول الشارع هنندهله
    ندهته الست و طلع لغاية فوق و بتديله الخمسة جنيه قلها ايه ده يا ست الانابيب غليت بقت بعشرة جنيه؟
    بعشرة جنيه ليه؟ هى لحمة؟ هى خمسة جنيه مفيش غيرها
    يفتح الله يا ست فيه ناس كتير هتخودها
    يللا امشى غور جاتكه البلاوى
    يا مامااااااااااااااااااااا
    ما انت سامع بنفسك ازاى اديله عشرة جنيه استحمى بمية ساقعة بقى
    ------------------------------------------------

    يبقي انت اكيد اكيد في مصر




    MOHAMED AKHO SERAG
    التعديل الأخير تم بواسطة محمد اخو سراج ; 13 - 12 - 2007 الساعة 01:52 PM

  2. #2
    تاريخ التسجيل
    16 - 11 - 2007
    ساكن في
    دنيا فانية
    المشاركات
    24,705
    النوع : انثيJordan

    افتراضي رد: الحقونااااااااااااااااااا اااااااااا


    حرام عليك والله ما قدرت اكمل

    يععععععععععععععععععععع

    الله يسامحك بس


  3. #3
    تاريخ التسجيل
    8 - 11 - 2007
    ساكن في
    http://www.4quran.com/
    المشاركات
    4,853
    النوع : ذكر Egypt

    افتراضي رد: الحقونااااااااااااااااااا اااااااااا

    هههههههههههه
    ايه يابنى دا كان فعلا قعد ف البيت اهو كان ريح نفسه من دا كله
    عيد مبارك يا قمر
    لكم أن تعلموا غلاء ثمن الدقيقة في رمضان ، لا تضيعوا أوقاتكم في كلام لا يفيد ، وهموم لا تنقضي ، ومشاكل لا تنقطع ، وتفكير في مستقبل لم يأت بعد
    في الدقيقة الواحدة تسبح مائة تسبيحة، وتقرأ صفحةً من المصحف، وتطالع ثلاث صفحات من كتاب، وتكتب رسالة، وتتلو سورة الإخلاص ثلاثاً.
    هكذا زن الأمور ،
    الوقت رأس مالك فلا تخاطر .



    البحث على جميع مواضيع العضو أحمد عمر

  4. #4

    افتراضي رد: الحقونااااااااااااااااااا اااااااااا

    شكرا اخ سراج على الموضوع الجميل

  5. #5
    تاريخ التسجيل
    11 - 11 - 2007
    ساكن في
    انت مالك
    العمر
    30
    المشاركات
    3,362
    النوع : انثيEgypt الفريق المفضل  : الاهلي

    افتراضي رد: الحقونااااااااااااااااااا اااااااااا

    اقتباس المشاركة الأصلية كتبت بواسطة محمد اخو سراج مشاهدة المشاركة
    يبقي انت اكيد اكيد في مصر

    MOHAMED AKHO SERAG
    ايه يابني دا كله مصر مفيهاش الحاجات دي كلها انا عمري ماشفت الشارع الي انت بتقول عليه دا الا في الافلام القديمه كمان هيا فعلا مصر اتغيرت بس مش للدرجه دي

    أيا دمعه مقيده باغلال الكبرياء...
    افتقدتك ..
    ففقدت احساسى بكل الاشياء...
    يا صديقتــى فى لحظــات الحزن والشقــاء ...
    اشتقـت اليكـــى ..
    اشتقـت الى البكــــاء ...

    البحث على جميع مواضيع العضو Young DeviL

  6. #6
    تاريخ التسجيل
    8 - 11 - 2007
    ساكن في
    IlleGaL AreA
    العمر
    35
    المشاركات
    678
    النوع : ذكر Egypt الفريق المفضل  : الاهلي

    حوار رد: الحقونااااااااااااااااااا اااااااااا



    ايه ده يا عم؟

    حسبيا الله ونعم الوكيل

    والله موضوع جامد

    هو مقرف اه

    مقزز اه

    وعاوز ارجع اه

    بس موضوع شيق

    توشكر يا واد عمي

    .. كارثـــــه ..
    لأول مرة من 22 سنة .. أحس اني فخور لأني مصري

    البحث على جميع مواضيع العضو Mr.Karsa

  7. #7

    افتراضي رد: الحقونااااااااااااااااااا اااااااااا

    الله يسمحك بعد ما قراءت الموضوع بقالي 3ايام عند الدكتور من وجع بطني مش عاوز اقول لك الله يقرفك
    مرسي يا حبيبي علي الموضوع الحلو وعلي العموم بحبك برضو زي الملك سراج منتو من عيله وحده

  8. #8
    تاريخ التسجيل
    5 - 11 - 2007
    ساكن في
    جُحـــر التعبان ..
    العمر
    34
    المشاركات
    2,165
    النوع : ذكر Egypt

    افتراضي رد: الحقونااااااااااااااااااا اااااااااا

    الف شكر يا محمد بس على فكره انتا عذبتنا معاك
    بالطينه الكتير دى

    هههههههههههههههههههههه

  9. #9
    تاريخ التسجيل
    8 - 11 - 2007
    ساكن في
    العالم المفقود
    العمر
    35
    المشاركات
    427
    النوع : ذكر Egypt

    افتراضي رد: الحقونااااااااااااااااااا اااااااااا

    عثل والله انت عثل ياض

  10. افتراضي رد: الحقونااااااااااااااااااا اااااااااا

    مشكورين للمرور

 

 
صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©