تعليق على مطش صعيدي !! حاجه تشل

[xXx SHaDY xXx]

اعزائى المشاهدين والمستمعين فى كل مكااااااان



معكم المعلج الرياضى عتريس من استات السنبلافين فى متش واعر جوى وحساس
بين الفريجين السنبلافين &&&&&البنجلاديش

حدانا المتش بيجعد 3 تيام بليليهم بيشتاهم بجرفهم مش 90 دجيجه زى الخنافس

وكل سنه وانته طيب

حدانا اهنيه الملعب معمول من الخرسانيه مش من النجيله الترتر زى العيبه الفرفير يعنى اللى
هيجع مش هيجوم تانى

حدانا فرجتنا فيها 150 لاعب احتياطى جاعدين تحت الكبارى وعند المزلجان

حدانا اهنا 25000 الف متفرج ميفهموش حاجه واصل فى الكورة

حدانا فرجتنا بنعتمد عليها فى كل حاجه فى خناجات فى مسابقات سيجه فى بطولات طاوله فى كل حاجه

جايبين 3 حكام اجانب هريدى عبد الصبور من روسيا

يا متولى من اطاليه اهاه من اليابان

الاجوان مبنيه بالطوب الاحمر وفوج كل جون واجف غفير ببندجيه عشان ميحصلش تسلل

جيبين جفص ملييييييان غربان نطيروهم رمز المحبه بين الفرجتين

وانا شايف الوزير السيد ابو صدار اكبر تاجر شكاير اسمنت فاضيه هو والسيده حرمه بايتين من

امبارح بليل فى المجصورة علشان يدو البلاص للفريج اللى فايز من السنبلافين و البنجلاديش
يجابل اللى غالب من ابو نونوص وكفر الحمير والغالب من ابو نونوص وكفر الحمير يبجى

يجابلنى
وانا شايف فرجتنا نازله ارض الملعب بالجلالايب المخططه بالطول والعمم البنى

والجزمه البنفسجى المفتوحه من الجنب يعمى العيب يجرى واللجزمه تطلع دخان
بيمثل فرجتنا

جعيدى الحارز

بيمثل خط الخيط من وره شامنديرى ودلونجى وكراك وابو سلوان

خط الخيط من النص المصروعى و المضروعى والدمرانى والتنح (الدمرانى ده اصغر لاعب فى
الملعب عنده 45 سنه بيلعب تحت اشبال 50 رقم فننته 245 كان مسجون وهرب)

خط الهجوم المهدى ودياب

وانا شايف الحكم بيعمل الجرعه بغطاء حله

وبيضرب ايده فى جيبه ويطلع المنبه بتاعه علشان يزبط الوقت
ويزمر الحكم.؟

الكرة مع شامنديرى يديه لدلونجى للكراك لبوسلوان بيخده المصروعى للمضروعى للدمرانى

وانا شايف الدمرانى واجع على الارض لان التنح ضرب الدمرانى على جفاه

وشايف الحكم بيجرى ع التنح وبيديله 3 كرته حمر

وشايف الجهاز الطبى نازل ارض الملعب بجفته مليانه جطن و4 حجن بنسلين بيحطوه فى عينه مطرح الطعويره 5 حاجه ساجعه بس مش اسجع من التنح

وشايف الحكم بيجول اعملوا حايطه
حالا فرجتنه جابت الطوب والاسمنت والخرسانيه وعملت الحيطه الدمرانى داخل يشوطه لكن العيبه معترضه بيجولوا

الحيطه لسه طريه شويه..............وناسف للعطل الفنى وفى مباراه جريب

[m_hilal]

هههههههههههههههه
انا مش قادر امسسك نفسى م الضحك

تمام يا مان

[xXx SHaDY xXx]

ميرسي خالص يابرنس علي مرورك اللي اسعدني بجد

[بحر الحنان]

هو اه مضحك بس على فكرة ده كويتي مش صعيدي
الصعيدي بتتقال بالقاف مش ج
لكن بتوع مصر هما اللي بيقلبو القاف يخلوها ( أ )
فخمت خضرتك ياستاذ شادي
اوعى تزعل انا بضحك معاك نايس توبيك

[xXx SHaDY xXx]

عيب عليك ياااااااااااااااااااا
بصراحه انا مش عارف اسمك

وانا طبعا مش زعلان منك لاننا كلنا هنا اخوات

وميرسي خالص ع مرورك الجميل ه
بااااااااااااا

[بحر الحنان]

ايه ده انت كده زعلتني وانا اقول ياشادي ياشادي
يلا بقا اعمل ايه ماهو دايما الناس بتنسى اقرب الناس ليها يعني جت عليك
عالعموم ياسيدي انا نهى واتعرفنا على بعض قبل كده
يارب بقى ماننساش تاني

[طيف عابر]

روعه
بس برضه الصعايدة احسن واطيب ناس والله
وانا بحبهم كتير
لع لع ميصحش اللي انت بتجوله ده

[xXx SHaDY xXx]

ميرسي خالص ياطيف ع مرورك الجميل ده