مفيش حاجه

[jewel_lowis]

مفيش حاجه
( للشاعره ايمان بكرى )

مانيش عايز خلاص حاجة

ولا محتاج أنا لحاجة

ولو عايز صحيح حاجة مخليتوليش ولا حاجة

عموماً بصوا فيه حاجة ...هقولها بس محتاج لعقول تفهم.. ولو حاجة

مهيش مفهومة او حاجة ....نفسرها بكام حاجة

نوضحها بكام حاجة وأهى حاجة مع حاجة هتظهر وتبان لنا حاجة

وانا ما بخفش من حاجة مانيش مسنودة ولا حاجة

لكن ما بخفش من حاجة

لكن فرضاً لو هقول حاجة هيحصل إيه ؟ ولا حاجة

هيعملوا إية ؟ ولا حاجة

ولو بعد الشر .. بعد الشر لو واحد من القاعدين من السامعين من الضالين فِهِم حاجة

هَيعملوا إيه ؟ اكيد برضُه ولا حاجة

فنتوكل على الستار لوجه الله نقول حاجة

فيه ناس بتعيش علشان حاجة و ناس بتموت علشان حاجة

و ناس بتموت على الحاجة

و ناس تديلك الحاجه وهى ليها محتاجه

و ناس تديلك الحاجه و تاخد قصادها ميت حاجه

و ناس تكبر تكون حاجه و ناس تصغر علشان حاجه

و ناس منظر ومش حاجة و تلقاه كبير حرس ونفير عليه منظر

وهو جبان وشيخ منصر ولا يبـنش عليه حاجة

كلامى يا خلق فيه حاجة .. لحد دلوقتى فيه حاجه

كلام عادى و بسيط جداً .. ولا فِهشِ ولا حاجة

ما انا ما أقدرش أقول حاجه صحيح نفسى أقول حاجه

وميت حاجه لكن مش قادرة اقول حاجة لأنى لو هقول حاجه

هييجى ناس بتوع حاجه وياخدونى ورا الحاجة

وهو لو سمع حاجه هيعملوهالى ميت حاجه

عموما ...
بصو لو حد من القاعدين عايزنى أبلغه بحاجة يقول مايخفش من حاجة

نعم .. فيه إيه؟ ...لالأ مافيش سرقه ولا تهليب ولا تهريب ولا حاجة

وبتقول إيه...مصمصوا إيه.... وخصخصوا إيه....ده كله كلام مفيش حاجه

قضية إيه ..ياشيخ روح خلاص مافيش حاجه

حرامى إيه ... و لكح إيه ... و هرب إيه؟ شــفـافـيـه مافيش حاجة

وبتقول إيه .. لالآلأ عـــيب لافيه تدليس ولاترقيص ولا تدبيس ولا حاجه

سمع مع هوووس انا حاسس انه فيه حاجة

دقيقة سكات لَتبقى حداد انا حاسس انه فيه حاجه

زمنكوا ياخلق فيه حاجه ولازموا كام و ميت حاجه

ده لو يعنى إذا كان فيه حاجة

انا عن نفسى مش حاسس ولا بحاجة ولا متضايق و لا حاجة

سعادتك برضه مش زَيـىِ مافيش حاجة

أهـه بيقول مافيش حاجة جنابك برضه مش زَيـىِ وعلشان زَيـىِ مافيش حاجة

أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانّا مافيه حاجة

و رحمة ابويا ويّا أبوك على إللّى جابوك ما فيه حاجه

وعهد الله . وعهد الله. وعهد الله ما خللولنا ولا حاجه

بقولك إيه خـــلاص خلّص وفركش

*******

[never back down]

وانا مافهمتش حاجه
لا بجد توبيك جميل تسلم ايديك

[hanen]

ولو بعد الشر .. بعد الشر لو واحد من القاعدين من السامعين من الضالين فِهِم حاجة

هَيعملوا إيه ؟ اكيد برضُه ولا حاجة

مش فهما ولا حــــــــــاجــــــــــــ ــــه
تسلم ايديك

[No TiMe]

يسلموو مضووع جميل تقبلي مروري

[jewel_lowis]

وانا مافهمتش حاجه
لا بجد توبيك جميل تسلم ايديك

شكرا للمشاركه

[jewel_lowis]

[/CENTER]

مش فهما ولا حــــــــــاجــــــــــــ ــــه

تسلم ايديك

تسلم الايادى على المشاركه

[jewel_lowis]

يسلموو مضووع جميل تقبلي مروري

نورت صفحتى

شكرا لك

[بسكوته رابح]

الله يكرمك يا ايمان بكري شعرك حلو اوي وانا فاهمه كل حاجه واحب اقول حييجى اليوم ونلاقى كل حاجه زي ما احنا محتاجين للحاجه وشكرااااااااااااااااااا

[محيى زقزوق]

انا شفت هنا كلام فيه الف حاجة
حاجات عايزة فعل مش حاجه
ولا انتو فيه حاجه ايللي خايف
يقول ولا مش مسئول ولاحاجه
احنا كده بره اسود وجو العش ولاحاجه
بكلمه حلوه ننسي او نفتكر كام حاجه
ويوم مانزعل نصالح بعض كأن مافي حاجه
قلب ابيض وعيش ابيض ونها ابيض ولا حاجه
خناقة بموقف في باص الكل خلقه باظ ولا حاجه
صغوط وفول علب وفول مضغوط ولا حاجه
لافيه سكن ولا حد اشتكي فارشين ارصفة
وطابور ارغفه ومحدش اكل حاجة
رابطين بطونا يمكن يجولنا ويقولوا حاجه
ولا احنا شوفنا ارغفه ونمنا ع الارصفه
ولا حد قال ليه وسأل علينا بيه ولاحاجه
هو فيه حاجه
تسلم الشاعرة وتسلم انجي علي كل حاجه
وتحياتي ليكو ولا مش محتاجه
يالاه بقي في حاجه
سلااااااااااااااااااااام
محيى

[hadede]

اروع
ما فى اشعار
امل بكرى
نقدها البناء
فقد قالت كل حاجة
رغم تأكيدها ان مفيش حاجة
كلام جميل
تسلم الايادى على النقل
ولا يفوتنى ان اذكر
ان طريقة القاء الشاعرة
يزيد روعة كلماتها
بس هنا قرأنا فقط واستمتعنا ايضا
دمتم بالف خير