بس القطط بتاكل وتنكر
تسلموووووووووو
فى بلادى .... تعيش القطط آمنة
لقد تم تصغير الصورة تلقائيا.. لمشاهدة الصورة بحجمها الحقيقي برجاء الضغط عليها.
من الغريب لهذا الكائن و لا اقول حيوان خوفا من خدش حقيقته بقول رتبته
على اساس انى لو قلت لواحد يا بنى ادم هيزعل يعنى و يقولك هو انا مليش اسم و الا ايه ؟؟
المهم ..
نرجع من اول و جديد الغريب ان اجد لهذا الكائن صدى واضح فى حياتى خلال الايام القليلة الماضية مما جعلنى افكر فيه كثيرا جداااااااااااااااااااا.. موقف او موقفان فجروا عندى اهمية بالغة توجب التفكير
الاول :
عاد مديرى السابق و الذى ترك العمل للسفر الى الامارات فى زيارة لمدة شهر لمصر
فمر علينا و بعد السلامات و التحيات و الكلام اللى من ده ....
- ازيك يا بشمهندس و ايه الاخبارات ؟؟مبسوط فى الامارات ؟؟
- يا بنتى الغربة مهما كانت فى جنة غربة برضه ...يعنى قرايبى و اهلى و اصحابى و زمايلى حياتى كلها هنا انتى بتتكلمى فى ايه ..
- طب لما رجعت مصر ايه اكثر حاجة لفتت نظرك ... ( اصل الغايب بتبقى عنيه عاملة زى الكاميرا بتلقط كل تفصيلة ) فجاءت اجابته مدوية ...
- - بصراحة اكتر حاجة لفتت نظرى ...القطط ؟؟ اه و الله القطط
تصدقى هناك متلاقيش قطة ماشية فى الشارع ....اه و لا حتى كلب تصدقى ...استغربت ان القطط هنا تمشى مطمئنة كده مش قلقانة ...على فكرة مصر دى فعلا بلد الامان ؟؟؟
- انا بمنتهى الذهول ...قطط تمشى مطمئنة ؟؟ هو ايه الموضوع بالظبط بالظبط ...و هيه القطط هناكنفسيتها مش مستريحة و الا ايه ؟؟؟ واخدة عقد مش عاجبها ههههى ؟
- يا بنتى القطط هناك كائن منقرض و مش فى الامارات بس ده فى الخليج كله كمان .
- و ايه اللى قرضه ؟؟
- اصل الدول الشرق اسيوية اللى مغرقة الخليج بيأكلوا القطط و الكلاب علشان كده متلاقيش قطة و لا كلب فى الشارع خااااااااااااااااااالص.. مساكين ؟؟
- اععع ايه ده ؟؟ و سايبنهم كده ؟؟
- انت جاية على ايه هي القطط بس اللى تخاف على نفسها .. فيك من يكتم السر ؟؟
- قول ؟؟
- مرة كان فيه ناطور اختفى و مش لاقيينه تعرفى الحكومة لقيته فين ؟؟
- فين ؟؟ بس الاول ايه الناطور ده ؟؟
- يييييى الناطور يعنى البواب بالعربى ...لاقوه فى تلاجة واحد صينى و العياذ بالله مش بقولك الواحد يخاف على نفسه منهم هما كمان و يخاف يزعلهم ليلاقى نفسه فى التلاجة .
فقلت فى عقل بالى الحمد لله ان فى بلادى تسير القطط آمنة ..
الثانى :
فى الليلة الخامسة من رمضان كنا نصلى و بينما نحن فى ركعة الوتر و الدعاء على اشده و مش عايزة اقولكوا فى هذا اليوم كان الدعاء من القلب و النداء يملأ الاجواء حتى وصلت القلوب الحناجر بالفعل ...اذ بنا نسمع صوت قطة ؟؟
اه قطة فين القطة دى داحنا مصليين اربع ركعات عشا و ثمانية قيام و اتين شفع و ووتر و ومكنش فيه اثر لقطة و لا فيه مكان يسع لقطة تدخل اساسا لان المكان من المغرب و هو مغلق بالبشر ؟؟؟
طبعا بما اننا فى الصلاة فلم نعر اهتماما الا ....و نحن جالسين فى التشهد ...وجدت شئ يسير بجوارى ارتعدت فاذا بها قطة تريد العبور بين الصفوف فتزيحنى لتمر بمنتهى البساطة و الجرأة رغم انها قطة بيضة صغيرة قووى .. ارتعبت ظنا انها فار بس الحمد لله عدت بسلام المشكلة لما جت تعدى جنب اللى فى الصف امامى قامت و انتفضت و صوتت و انهت الصلاة مرتعبة على انه فار ...مممم
قلت يا الهى ان القطط وصلوا من الحريات انهم يحضرون معنا الصلوات فى الجوامع ايضا ...و تذكرت تلك المقوله ( الخاصة بالعبدة لله ) انه الحمد لله يكفى ان القطط تسير فى بلادى آمنة ..
و لكن المفاجاة ما اخبرتنى به احدى المصليات بعد الانتهاء من الصلاة ....
بتقولى :
- خفتى لما القطة عدت جنبك ؟؟
- يعنى.. اصلى اتخضيت فجأة كده بس الحمد لله
- على فكرة متعرفيش القطة دى ايه ؟؟
- يا الهى يعنى ايه هيه ايه؟؟؟ قطة عادية ؟؟ يا الهى انتى تقصدى ايه هيه مش الحاجات دى مبتبقاش موجودة فى رمضان و الا ايه يا حاجة ؟؟
- لا لا انتى فهمتينى غلط ؟؟
- ايه تقصدى جن يعنى ماهو الجن برضه اعتقد محبوس
- لالالا ايه اللى بتقوليه ده مخك راح لبعيد انا اقصد يمكن عبد من عباد الله موكل و الا حاجة ....ملاك يعنى ؟؟
- يا الهى ...ملاك برضه ..جايز ....ربنا يستر
- --------------------------------------
برضه ارجع اقول لا يهم ما نعانيه فى بلادنا لانها و الحمد لله لا زالت بخير رغم كل ما نعانيه و نعيش فيه من مشاكل و لكن يكفى يكفى عن حق ...
.ان فى بلادى تعيش القطط آمنة على نفسها و لحمها و عرضها
و لها كافة الحقوق التى ربما لا تكون مكفولة لغيرها
بس القطط بتاكل وتنكر
تسلموووووووووو
عِنْدَمَا لاٌَُِ تَدْري نَفْسٍ كَيْفَ تَرْتَوي مِنْنَفْسٍ سَكَنَتْ رُوحَهَــــا فَإِنَها تَشْتَاقْوَ لكِنْ بِصَمْتٍ مُؤْلِمْالبحث على جميع مواضيع العضو MoOoRa
موضوع جميل يا رولي
و بالنسبة بقي للقطط .. يعني هي بتأذي حد
طيب و بعيد الحمد لله ان فيه كائن في مصر في أمان
SomeTimes It's Hard To Keep On SomeThingThat's Life .. Nothing remains ForEver
But What Life can't change or ClearThe Great Moments We shared One Day
Life Can Separate Lovers, Friends even FamiliesBut In The Heart They will always Be in There
We Know People appreciate Them without Seeing ThemThough They Affected Us Deep What Make Us Thankful
WON' 4GET U .. WISH U THE BESTالبحث على جميع مواضيع العضو AhMeD El-Za3eEm
طبعاً الخروف اليومين دول بيدعي انه يبقي قطة
طب والله حلو انه فيه حد لسة حاسس بالامان حتي لو كان قطة
وبعدين القطط من احلي الكائنات-بعد البني ادم طبعاً-
تسلمي روللي ع القطة
قصدي ع الموضوع الجميل
(قل ربي ارحمهما كما ربياني صغيرا)
سأصبر حتى يعجز الصبر عن صبرى ... وسأصبر حتى يأذن الله فى أمرى ... وسأصبر حتى يعلم الصبر أننى صابر ... ولك الله يا مصرنا الحبيبة .البحث على جميع مواضيع العضو Serag Magdy
طب والنبي انا ممعيش فلوس للضحيه
ممكن قطه بتلو او اي قطه تقضي الغرض
كل سنه وانتي طيبه
عِنْدَمَا لاٌَُِ تَدْري نَفْسٍ كَيْفَ تَرْتَوي مِنْنَفْسٍ سَكَنَتْ رُوحَهَــــا فَإِنَها تَشْتَاقْوَ لكِنْ بِصَمْتٍ مُؤْلِمْالبحث على جميع مواضيع العضو MoOoRa
ههههههههههه
انت تامر يا جميل ولو عايز قطه بحالها وتتدبح بايدك انا معنيش مانع
وكل سنه وانت طيب يا جميل
الذين يشاهدون الموضوع الآن: 1 (0 من الأعضاء و 1 زائر)