فانتازيا مصريه 100%

[BA7IBAK YA BOY!]

فانتازيا مصريه 100%

فى يوم من ذات الايام
توجه حسين محمد حسنين الى الاداره التعليميه بحلوان
و ذلك بعد ان توفت الى رحمة الله عمته الحجه زينب حسنين
و كان المقصد من الذهاب الى الاداره التعليميه هو الاستفسار عن مكافئه نهاية الخدمه المصروفه للسيده زينب بعد وفاتها ........ و كان الاتى...
.
.
حسين: السلام عليكم ....... السلام عليكم .....السلاااااااااااام عليكم
موظفه: اييييييه انت بتزعق ليه يا سيد هو انا طرشا
حسين: سيد ؟؟ ....... حضرتك اولا انا اسمى حسين و جاى هنا عشان اسأل على
مكافئة نهاية الخدمه بتاعت عمتى ...
موظفه: عمتك ..... هى فين عمتك اللى هتاخد المكافئه
حسين: للاسف عمتى توفت من اربع ايام ..... و
موظفه: الله يرحمها يا ابنى ..... طب و ايه المطلوب منى يا سيد
حسين: سيد تانى..... حضرتك المطلوب انى اعرف المكافئه كااام و ايه التفاصيل اللى .....
موظفه: حيلك حيلك حيلك .... انت داخل طابونة عيش ... واحده واحده
اولا: معاك اللى يثبت انها ماتت بالفعل
ثانيا: معاك مايثبت لو هى ميته فعلا .... انك ابن اخوها
حسين: و بعدين بقى فى اليوم اللى مش هيعدى ده .... يا مدام
الموضوع كله ان عمتى ماتت و معايا شهاده الوفاه
و جاى اسأل على ....ال.....
موظفه: بقولك ايه ............. انا مش ناقصه على الصبح روح الشوباك اللى جنبى
هتلاقى موظفه هى المختصه بالمسائل دى.
حسين: اومال انتى عماله ترغى من الصبح معايا و تقوليلي اولا و ثانيا
و بعدين.. يا مدام الشباك مقفول !!
موظفه: و بعدين بقى يا سيد .... هو انت فاكرنى عاميه... ولا فاكرنى ما وراييش غيرك ... ما انا عارفه انه مقفول !
حسين: اومال بتقوليلي اروح للموظفه اللى فيه ليه هاااااااااااا
موظفه: انا عارفه .... هو لازم كل يوم كده ربنا يرزقنى بواحد زى حالاتك فهمه على قده ..... يا رب ارحمنى بقى .... يا رب مش باعترض بس يا تاخدو يا تاخودنى يا تاخد المدير .....عااااااااااااااااااااا� �اا
امشى دلوقتى و تعالا بكره تكون جاااااااااااااات
حسين: الوليه دى اتجننت و لا ايه ؟؟.... استغفر الله العظيم لما نشوف اخرتها
.
و بعد ضربه شمس قويه ... و النقاش مع موظفه مفتريه
توجه حسين اللى البيت بائس حزين و السبب ( الروتين )
اتجه صامتا الى غرفته دون كلام
و رااااااااح فى النوووم
.
و

موظفه:انت جيت يا موكوس

حسين:موكوس ... دى بدل سيد ؟؟؟
موظفه: بلاش كتر كلام و ناولنى قفص الفراخ ده من جنبك
حسين: فراخ ؟؟؟؟... انتو اتجننتو ولا ايه و لا انا اللى شكلى لسعت
يا مدام خلصيني انا مستعجل الموظفه المختصه جت ؟؟
موظفه: اه ياخويا ماهى متلقحه هناك اهي
( توجه حسين الى شباك الموظفه المختصه )
موظفه2: أأمر
حسين: و الله انا جيت امبارح بخصوص....ال....
( و سمع حسين صوت ... وحدووووووووووووووه)
موظفه2: لا اله الا الله
حسين: هو فيه ايه جوه ؟؟؟
موظفه2: ما تاخدش فى بالك ... المهم كمل
حسين: انا عمتى توفت من يومين و جاى اسأل على المعاش و المكافئه و ازا كان فى حاجه لازم نعملها او نجيب ورق وكده
موظفه2: شووووف يا ابنى ركز معايا... ايه اللى يسبتلى ان عمتك ماتت
حسين: معايا شهادة وفاه مختومه و موثقه من مكتب الصحه
موظفه2: لااااااااااا ده كان زمان احنا بقينا فى عصر الانتر فت
و عشان ده لازم نتأكد بدليل قاطع ان عمتك ماتت لانك ممكن تكون مزور الشهاده
هع هع هع هع ... اما تامر حسنى زور شهادة التجنيد انت مش هتعرف تزور شهادة وفاه !
حسين: بس دى مختومه بختم مكتب الصحه ... و بعدين ايه هو الدليل القاطع اللى
هتصدقو بيه ان شاء الله؟؟
موظفه2: نشوف الجثه ..... وبعد كده نبقى نشوف ازا كان ليها فلوس ولا لا
اقصد يعنى بعد الدمغات و الضرايب و الحوجوزات و التبرعات... الخ
حسين: تشوفو الجثه ازاى انتو عايزين تجننونى يعنى اجيبلكم التابوت و آجى
موظفه2: ايون ... ده غير تحليل الدى ان آى و الدى ان واى و الدى ان اف
و معاك لحد دى ان زد عشان نعرف هل دى جثتها ولا لا.....
اومال ايه... دى اموال الدوله و لازم نحافظ عليها... والا نبقى شعب متخلف
حسين: انتى ايه اللى بتقوليه ده انا روحت مستشفى المجانين غلط و لا ايه؟
شخص: يا مدام ..... يا مدام .... انا جاهز جبت التابوت و الجثه
و.........
( وحدووووووووووووووووووه)
موظفه2: ايون كده .... شايف الناس اللى عايزه تحافظ على بلدها
وريني الجثه ..... ااااااه دى ميته فعلا ....جبت التحاليل
شخص: كلها يا مدام
موظفه2: عفارم عليك.... وريني .... اااااااااه تمام ... دلوقت بس اقدر اقولك
انت من الاحرار...
حسين: الاحرار ؟؟؟
موظفه2: انت اللى هتغنى يا منعم ...
حسين: منعم ؟؟؟..... خرجونى من هنا ...يا مجانيييين.... الحقووووونى
مش هجيب الجثه يا مجانين
.
و
.
- يا حسيـــن اوم يابنى ...جثه ايه و مجانين ايه ... انت بتكلم نفسك و انت نايم.... على العموم الغدا جاهز.....
حسين: اااااااه يا نافوخى كل ده كان حلم استغفر الله العظيم
ربنا يستر معانا يا رب..... يا رب ما نجيش لليوم اللى يقولولنا فيه
هاتو الجثه.....

(تمت)

[Serag Magdy]

انا مش ناقصه على الصبح روح الشوباك اللى جنبى

:-ده انت حتي مش طالع من كوعك تصلح الشوباك؟؟
:-كوعك؟؟بقولك هاتي........تقولي كوعك؟؟؟

اما تامر حسنى زور شهادة التجنيد انت مش هتعرف تزور شهادة وفاه !

وربنا انا حاسس اني مش ها اعرف اتجوز من تامر حسني
لما الموظفة عارفة تامر ومتابعة اخباره
امال البناتيت يعموا ايه؟؟
حاسبي الله ونعم الوكيل فيك يا تامر يا ابن ام تامر

نشوف الجثه

نعاين البضاعة تقصد؟؟

ده غير تحليل الدى ان آى و الدى ان واى و الدى ان اف
و معاك لحد دى ان زد عشان نعرف هل دى جثتها ولا لا.....

وL&M
و
F.M 100.6
و
WCبالمرة

انت من الاحرار...

انت من الاحرار يا هيثم

- يا حسيـــن اوم يابنى ...جثه ايه و مجانين ايه ... انت بتكلم نفسك و انت نايم.... على العموم الغدا جاهز.....

والله العظيم انا لحد ما قرأت الكلمة وانا في دماغي ان الموضوع ده حصل
عادي ممكن تحصل برده

لاتعليق ع الموضوع كله
تسلمي روللي

[BA7IBAK YA BOY!]

WCبالمرة

والله العظيم انا لحد ما قرأت الكلمة وانا في دماغي ان الموضوع ده حصل
عادي ممكن تحصل برده

ههههههههههههههههههههههههه ههههههه
تسلم يا جميل علي المرور المميز
وتسلم كمان علي ردودك الجميله دي ههههههه

[العوامى]

رائعة فعلاً ياريم
تسلم ايديك

[BA7IBAK YA BOY!]

رائعة فعلاً ياريم


تسلم ايديك

الاروع هو مرورك المميز

[BA7IBAK YA BOY!]

رائعة فعلاً ياريم

تسلم ايديك

الاروع هو مرورك المميز