ليه مبنعرفش قيمه حد الا لما ........؟, من قلبى

[شيري العسولة]

انا هاتكلم كلام من قلبى واتمنى يوصل قلب كل واحد او واحدة يقروه
والكلام اللى هاقوله هايكون عنوانه سؤال ..؟
لية مش بنعرف قيمة حد غير لم بيضيع او بنخسره؟
لازم كل واحد مننا عدى بشيء اسمه... الاسم نفسه لم بقراه او بسمعه قلبى يواجعنى وهو اسم الفراق
فى معظم الوقت بيكون الفراق دا مش بأيدينا... مش ساعات تسيب صاحبك عشان طريقكم مش واحد؟
مش ساعات بردوة تسيبى حبيبك؟ عشان كرامتك؟
ماحصلتش ان تليفونك رن حبيبتك قالتلك مش هاينفع نكمل؟
بس الفراق اللى بيوجع اكتر لم بيكون بأيديك انت يعنى مثلا؟
هديت صداقة حلوة او قصة حب كان بيحلف بيها كل اللى حواليك عشان غلطة !! ضيعت منك اغلى انسان او انسانه؟
وانت كنت ناوى تكمل معاه حياتك وبنيت كل احلامك عليه .. وفأجاة راح من بين ايديك
لية احنا بقينا كدا؟ بقينا نخسر كتير اوى... وبنهتم بحاجات اكتر من مشاعرنا وبنهتم بكلام دا ودا ومش بيهمنا احنا عاوزين اية؟ ومش بنفكر هانضحى بأيه عشان نرضى الناس؟
وياريت تيجى على التضحيه بماديات لكن ممكن نضحى بناس غالية علينا اوى... مش كلنا بنعمل كدا بس فى مننا غصب عنه بيعمل كدا ..
انا بجد عاوزه اقول اللى بيحب واحدة اوعى يضيعها من ايديه كفايه .. انه حلم يكون معاها وعمر مانفس الحلم هايتحقق طول ماهيا مش معاه .. فى حاجات كتير هاتنقصة يمكن روحه تروح معاها ويعيش على ذكريات .. طب وليه من الاول؟

واللى بتحب واحد ... مش هاقولك غير حاجة واحدة....
هو بقى قلبك؟ تفتكرى هاتقدرى تستغنى عن قلبك؟؟؟؟
الكرامة مطلوبه وشخصيتك مطلوبه بس مش على حساب الناس اللى بتحبك اوى... كفاية انك بتحس بأمان وسطيهم صدقنى غيرك يتمنى دا ومش لاقيه وبيقضى عمره بيدور عليه

واحب اقول جزء من الاغنية دى
حبيبى انا كل حاجة .. فى قلبى زى ماهى ليك مافيش جوايا ولا حاجة الا وبتحن ليك انا عايش على اللى كان كل اللى عشته معاك زمان انا لسة فاكروووه فى قلبى لسة ليك مكان بحلم كل يوم ترجع واعيش لو حتى يوم وياك فى حضنك وياك بس حسيت بالأمان
ياريتك لو معايا كان كفاية المس ايديك واقولك على اللى جوايا وشايله فى قلبى ليك ... مليش فى الدنيا غيريك قولى بعدك هاعيش لمين حبيبى تعبت من غيرك ملهاش طعم السنين

اتمنى يكون كلام زى ماقولت فى الاول وصل لقلبكم .. لأنه بجد طالع من جوايا ....

[نور نور]

عندك حق شيري
تعرفي ان نا كنت النهارده هضيع احلي حاجه في حياتي وبقول علشان كرامتي مع اني انا الي غلطانه بس انتي فوقتيني
رغم ان في اصحاب بيشجعوا دايما فكره انك تبعدي
يعني اي حاجه تحكيها يحرفوهااااا ويطلعوه في عينك وحش وعلي كده كل يوم مشاكل والصحاب بيزودوها
موضوع رئع تسلم ايدك

[شيري العسولة]

لا يانور حبيبتى في اصحاب بيغيروا من اصحابهم يعنى ماتساليش فيه واوعى تعملى حاجة وتندمى عليها الحب احلى حاجة لانة من الصعب تلاقية والله صدقنى وماتسمعيش لاحد انتى عارفة في ناس اصحابي بردو لية حراكات غريبة علشان يخلونى اتهور بس اوعى تسمعى ليهم وعايزة اقولك حاجة بلاش تحكى اسرارك انتى وحبيبك لحد علشان ماحدش يحور الكلام على مزاجة
وبعدين صدقينى لو فية زعل اى حد بيقول كلام وحش للتانى بس بعد الامور ماتهدى هتلاقى النفوس هديت وكل حاجة تمام اوعى تتسرعى

وشكرا لمرورك نور والله منورة ويارب تقرى كلامى ده

[ابو تريكه]

اكيد عندك حق ف كل كلامك

بس ده طبع الانسان ومش بالسهل يتغير

حبيتك رجعتلها نسيت قلبى ورحتلها اناديلك واعديلك وكل حياتى اديلك واغنيلك تغنلها اسيب الدنيا وارجعلك رجعتلها لتانى مره تعملها

فوق من وهمك فوق واسمعنى ما بقاش يفرق لو تخدعنى انا دلوقتى هسيبك وامشى ولا شئ ف الدنيا يرجعنى

[شيري العسولة]

شكرا ليك ولمرورك ابو تريكة وميرسي لرئيك

[dandana2000]

[ورده مصريه]

اكيد لازم نفكر كويس يعقلنا مش بعقل اي حد تاني ونقدر نميز ونعرف قدر الشيء اللي هنفقده او نبعد عنه ولازم نهدى عند اتخاذ القرار لان اوقات بناخد قرارات غلط ونندم بعدين عليها واحنا في وقت ضيق او نرفزه
تسلم اديكي على الموضوع وقي انتظار جديدك

[وصال]

الموضوع حلوة اوي عارفة انا ضيعت واحد كان بيحبني اوي وانا لغايت دلوقتي مش عارفة انسا ومش عارفة ارتبط والحاجة الغريبة اني مش عرافت اني بحبة غير لما سبتة

[شيري العسولة]

مهو كده الانسان مايحسش ان بيحب الانسان ده غير لما تفتقده بس معلش حاولى تتقالمى على الوضع والمرة الجاية فكرى بحرص شوية الواحد مش بيلاقى كل يوم واحد يحبة بالاخلاص

وشكرا لكم جميعا لمروركوا الجميل والله منورينى دايما