الولاد دول فعلا حاجه صعبه جدااا

[شيري العسولة]

حقيقـي.. الولاد دول حاجة صعبة مش ممكن أبداً.. ح تعرفـوا ليه ........دلوقتـي


لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة

لو اتناقشتي معاه هيقول عليكي عنيدة
ولو سكتّي هيقول عليكي مخك فاضي

لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي

لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك

لو قلتيله
على مشاكلك هيقول عليكي مزعجة
ولو مقولتيش هيقول انك مش بتثقي فيه

لو حاولتي تنصحيه
هيقول عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي

لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر

-لو انتي حليتي حلو فى الامتحانات يقولك ده حظ
اما هو لو حل حلو يقولك ذكـاء

لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟

فين ردكوا يابنات

[THE_GAME]

ده تاسع موضوع اخشه انهارده والاقيه بيتكلم عن الولاد

انا مش هرد هسيب البنت ترد

انا خايف اقول حاجه تقولى ده شايف نفسه ولا حاجه
بلاش احسن

[شيري العسولة]

ههههههههههههههههههههههههه هههههههههههه
لاياعم اقول ولا يهمك
تسلم لمرورك الجميل

[No TiMe]

لالالالالالالالالالالالال الالالالالالالالالالالالا لالالالا الكلام دا غير صحيح الولد ليه زي ما البنت ليها ولا نا غلطان الاتنين
زي بعض بالضبط ولا انا غلطان ولو البنت لبست حلو مش مشكله نقول تغير بس مش كلو صحيح واهدي شويا علي الاولاد احنا بني ادمين برضو هههههههههههه

[شيري العسولة]

ههههههههههههههههههههههههه ههههههههههههههههه
طيب خلاص شكلكوا هاتصعبوا علية وهاسكت
شكرا لمرورك

[saso164]

تسلم ايدك يا شيري
همه فعلا الاولاد كده الواحد احتار معاهم

[أسوو]

هههههههههههههههه
هتموتي يا سوسو
صح يابنتي كلامك هما يمكن اكتر من كدة كمان
دول عايزين.......... ولا بلاش
دايما يتأورنو فكل حاجه
كلواحد فيهم فاكرانو أور
وهما......... الله يسهلهم

[شيري العسولة]

طيب يعنى معايا ياساسو يالا ايدى في ايدك لما نزهقهم ماشي