من أجمل القصائد التي قيلت في حب مصر

[belladonna]

على اسم مصر

على اسم مصر التاريخ يقدر يقول ما شاء


أنا مصر عندي أحب وأجمل الأشياء


باحبها وهي مالكه الأرض شرقوغرب


وباحبها وهي مرميه جريحة حرب


باحبها بعنف وبرقة وعلىاستحياء


واكرهها وألعن أبوها بعشق زي الداء


واسيبها واطفش فيدرب وتبقى هي ف درب


وتلتفت تلقيني جنبها في الكرب


والنبضينفض عروقي بألف نغمة وضرب


على اسم مصر


النسيم في اللياليوبياعين الفل


ومرايه بهتانة ع القهوة .. أزورها .. واطل


القىالنديم طل من مطرح منا طليت


والقاها برواز معلق عندنا فيالبيت


فيه القمر مصطفى كامل حبيب الكل


المصري باشا بشواربهاللي ما عرفوا الذل


ومصر فوق في الفراندة واسمها جولييت


ولماجيت بعد روميو بربع قرن بكيت


ومسحت دموعي في كمي ومن ساعتهاوعيت

*****

مصر السما الفزدقي وعصافير معدية


والقلة مملية ع الشباك .. مندية


والجد قاعد مربع يقرا فيالجرنال


الكاتب المصري ذاته مندمج في مقال


ومصر قدامه اكتركلمة مقرية


قريتها من قبل ما اكتب اسمي بإيديا


ورسمتها فيالخيال على أبدع الأشكال


ونزلت أيام صبايا طفت كل مجال


زيالمنادي وفؤادي يرتجف بجلال

********

مصر .. التلات أحرفالساكنة اللي شاحنة ضجيج


زوم الهوا وطقش موج البحر لمايهيج


وعجيج حوافر خيول بتجر زغروطة


حزمة نغم صعب داخلةمسامعي مقروطة


في مسامي مضغوطه مع دمي لها تعاريج


ترع وقنواتسقت من جسمي كل نسيج


وجميع خيوط النسيج على نبرةمربوطة


اسمعها مهموسة والا اسمعها مشخوطه

شبكة رادار قلبي جوهضلوعي مضبوطة

****على اسم مصر****

[القبطان]

اول موضوع ليكى اطلع علية بس بأمانة اختيار رائع وبداية جميلة تسلمى

[MR.Mahmoud]

فعلا اختيار رائع
تسلم ايدك
وفى انتظار جديدك

[belladonna]

اول موضوع ليكى اطلع علية بس بأمانة اختيار رائع وبداية جميلة تسلمى

ده بس من ذوقك 00بصراحه ما لقيتش أنسب منها كبدايه 00 وعجبني جداً ان يكون في المنتدى ركن للكلام فقط عن مصراللي بقى الهجوم عليها شغلانة اللي مالوش شغلانه

[belladonna]

فعلا اختيار رائع
تسلم ايدك
وفى انتظار جديدك

شكراً جزيلاً

[طيف عابر]

الله يخلي مصر واهلها الطيبين
تسلمي
من اجمل الكلام لاجمل بلد واجمد ارض

[belladonna]

الله يخلي مصر واهلها الطيبين
تسلمي
من اجمل الكلام لاجمل بلد واجمد ارض

ميرسي لذوقك

[سارة المصرية]

ياعينى عليك يا عم صلاح يا جاهين
لو فيه سلام في الأرض وطمان و أمن
لو كان مفيش و لا فقر و لا خوف و جبن
لو فيه سلام في الأرض وطمان و أمن
لو كان مفيش و لا فقر و لا خوف و جبن
لو يملك الانسان مصير كل شئ
ده انا كنت اجيب للدنيا ميت ألف ابن
وعجبى

مشكوووووووووورة على القصيدة الحلوة دى

هى من اجمل ما كتب صلاح جاهين

[belladonna]

ياعينى عليك يا عم صلاح يا جاهين
لو فيه سلام في الأرض وطمان و أمن
لو كان مفيش و لا فقر و لا خوف و جبن
لو فيه سلام في الأرض وطمان و أمن
لو كان مفيش و لا فقر و لا خوف و جبن
لو يملك الانسان مصير كل شئ
ده انا كنت اجيب للدنيا ميت ألف ابن
وعجبى

مشكوووووووووورة على القصيدة الحلوة دى

هى من اجمل ما كتب صلاح جاهين

العفو يا جميله

[ساندرا]