حبيبك مش بيعجبك تصرفاته هتغير منه ولا هتبعد عنه

[نور نور]

فى البداية الموضوع محتاج تفكير شويا وياريت تقولولى رأيكم وبجد وكل واحد هيقول رأيه الشخصى بس الرأى الواقعى اللى بتعيشه فى الحياة دلوقتى مش الكلام اللى بنشوفه ونقرأه ونكتبه وبس عاوزين رد وكمان حل واقعى... الموضوع بقا..؟ السؤال هو.؟ لو قبلت حد وحبيته أوى وبعد ماحبيته لقيت أن فيه حاجات كتير مش كويسة... هتعمل ايه هتبعد ولاهتحاول تغيره لانك بتحبه.؟ الحب أكيد موجود والأخلاص برده موجود طب ليه أحنا دايما نقول خدى اللى يحبك ومتخديش اللى تحبيه والعكس للولد........... أنا عارفة أنه بقا تقريبا الحب والاخلاص اللى بجد شبه معدوم بس الأكيد أنه موجود الانسان متخلقش وحش ولا أتخلق خاين ........ يعنى مش من طبع فى الانسان أنه يخون أو يكدب أو ميكونش مخلص بس الأكيد أن كل انسان جواه حاجة كويسة لو بصيت وفكرت فيها من الزاوية دى ............ مفيش انسان وحش كل الناس كويسين وجواهم حب ......... بس فى ظروف كتير بتمر فى حياة الانسان بتغيره يعنى ممكن نحب حد أوى وبعد كدا تلاقيه مش كويس ....... هتعمل ايه هتحاول تطلع الحلو اللى جواه ولا هتبعد عنه .. ولو بعدت عنه أنت ضامن أنك تحب غيره.؟ ولو غيرته أو حاولت تخرج الحد الكويس اللى جواه ....هتكون مبسوط ولا هتفضل شايف الوحش اللى هو عمله وبس ........ يعنى ممكن تسامح حبيبك على أى غلطة وتحاول تغير أى حاجة مش عجباك فيه لحد متوصل للحب اللى بجد معاه ...... وتعيشوا مع بعض ولا هتعملوا ايه.؟.
أنا عايزة ردكم بس الرد الواقعى يعنى ردود واقعية مش كلام . لو أنت بتحب فعلا وبجد وحبيبك شايف انه بيغلط كتير هتفضل جانبه لحد متغيره ويبقا كويس ولا هتقول أنا هتعب نفسى ليه وهوجع قلبى ليه ... أسيبه وأكمل مع حد تانى يكون بيحبنى طالما هو كدا .............

[نور نور]

[saso164]

بصى يا نور الواحد لما بيحب حد بجد بيسمحه على اى حاجه
و لو كان مش كويس هحاول اطلع الحلو اللى فيه و طبعا هنسى اى حاجه كانت وحشه فيه
بس فيه حاجات الواحد مبيقدرش يغيرها في حبيبه وصعب قوى انها تتغير!!!!
نايس توبيك تسلم ايدك

[m.chezoo]

شوفى يانور انا الانسانه اللى بحبها بعرفها على طباعى الوحشة قبل الحلوة وبعرفها على الحاجات اللى بتخنق منها ولو هى عملتها بقصد او بدون قصد بتبقى مساحة التسامح فى قلبى صعبه جدا وبيكون المصيرهو نهاية الحب حتى لو كنت بموت فيها
لان انا مهما كانت الانسانه دى مش هحبها اكتر من مصطفى وطباعه

[saso164]

شوفى يانور انا الانسانه اللى بحبها بعرفها على طباعى الوحشة قبل الحلوة وبعرفها على الحاجات اللى بتخنق منها ولو هى عملتها بقصد او بدون قصد بتبقى مساحة التسامح فى قلبى صعبه جدا وبيكون المصيرهو نهاية الحب حتى لو كنت بموت فيها
لان انا مهما كانت الانسانه دى مش هحبها اكتر من مصطفى وطباعه

انت يا مصطفى لو بتحبها بجد لازم تسامحها مش هقولك تسامحها على طول و لو ما سمحتهاش و لو حتى مره واحد يبقى انت من الاول مكنتش بتحبها

[m.chezoo]

انت يا مصطفى لو بتحبها بجد لازم تسامحها مش هقولك تسامحها على طول و لو ما سمحتهاش و لو حتى مره واحد يبقى انت من الاول مكنتش بتحبها

ماهى دى من طباعى اللى انا عارف انها وحشة ولاتتطاق انى مش بسامح
بس انا كنت بحبها فعلا بس للاسف مش هغير طبعى مهما كان

[لؤلؤة]

أنا شايفة ان الطباع مبتتغيرش

يعني عمري ماهقدر أغيره

يبقى يا اما أقبله على عيبه يا اما أرفضه م الأول

[نور نور]

[ابو تريكه]

اولا موضوع هايل ومهم جدا

ثانيا مش اى صفه ممكن نستحملها

انا ممكن اسامح كتير بس للصبر حدود ع راى الست

تسلم ايدك ومنتظرين المزيد والجديد

باتلتوفيق

[نور نور]