نكت جامده ع الزمالك

[xXx SHaDY xXx]

واحد زملكاوى طلع له مصباح علاء الدين...دعكه فالعفريت طلع له وقال له "شبيك لبيك..تطلب ايه؟".........قال له "عايزك تبنى لى كوبرى من مصر لأمريكا".........قال له "لأ......صعبه قوى دى..شوف امنية غيرها".......قال له "خلاص...نفسى الزمالك يكسب الاهلى الماتش الجاى".........قال له "انت قلت لى عايز الكوبرى اتجاه واحد وللا اتجاهين؟؟؟؟؟




*مذيع بيسأل مانويل جوزيه "انت بتفطر لعيبة الاهلى ايه عشان يكسبوا كل الماتشات؟"........جوزيه قال له "بأفطرهم فول"........قال له "طيب بتغديهم ايه؟".....قال له "فول"..........قال له"طيب بتعشيهم ايه؟"........قال له "برضه فول".........فالمذيع قال له "يعنى بتفطرهم فول وبتغديهم فول وبتعشيهم فول...امال ايه الفرق بينكوا وبين البهايم؟؟".......قال له "11 نقطة""



*حسام حسن بعد ماتش ال 6 بيشاور لتاكسى....فقال للسواق " 6 اكتوبر"...السواق قال له "لأ 6/1 "



2-واحد زملكاوى ليلة زفافه فى غرفة النوم
العروسة للعريس : قبل ماتلمسنى احلف انك مش الراجل الاول فى حياتى
العريس الزملكاوى رفع ايديه للسما وقال
هو يارب المركز التانى ده ورايا ورايا



3-مره واحد زملكاوى راح إشترى بطيخه .. فطلعت حمرا.. راح مرجعها



4-مره واحد زملكاوى بيوقف تاكسى بيقوله 6 اكتوبر فقاله لا ستة واحد


5-مره واحد زملكاوى اشترى ساعه كل ماتيجى الساعه 6 تقول له بيبو بيبو بيبو



6-مره واحد زملكاوى حب يتجوز واحده اهلاويه جابوا المأذون من ايطاليا



7-واحد زملكاوى متعصب خطب واحدة بيسالها عن عيد ميلادها قالت له 6\1 فسخ الخطوبة



8-اهلاوى اتجوز زملكاوية ستتها ............ ..



9-مره واحد زملكاوي شاور لتاكسي قاله رايح ابوالعلا السائق قاله لا : رايح ابو تريكه



10-واحد زملكاوى بيوقف تاكسى فسواق التاكسى بيقوله رايح فين
قالو الزملكاوى ابو العلا سواق التاكسى قاله لا ابوتريكة...
11-مرة واحد اهلاوى....وواحد زملكاوى...كانوا الاتنين جيران ...سكنين فى بيت واحد....
الاهلاوى ساكن فى الدور الارضى....والزملكاوى فى الدور التانى............
فكل اما الزملكاوى ييجى طالع...الاهلاوى يقول مين اللى طالع......
الزملكاوى يقول انا الزملكاوى......يقوله الاهلاوى غلبناكم ستة واحد 6/1
الزملكاوى ييجى نازل.......يقول الاهلاوى مين اللى نازل......
الزملكاوى يقول انا الزملكاوى.....يقوله الاهلاوى غلبناكم ستة واحد6/1
مرة فى مرة فى مرة زهئ الزملكاوى وقال كدة مش هينفع لازم اشوف حل.........
راح لاتحاد الكورة............ .وحكلهم على الموضوع...المهم عمله اجتماع.....
واتفقوا .....ان الزملكاوىيسكن ارضى...والاهلاوى يسكن دور تانى.....فأتفقوا ووافقوا.....
وفى يوم الاهلاوى طالع.........قال الزملكاوى مين اللى طالع...
رد الاهلاوىوقال مين اللى بيتكلم........قاله انا الزملكاوى......
قالهه برده غلبناكم ستة واحد............ ......... ..
12-مره بيسألو سوق التاكسى ايه الفرق بين التاكسى والزمالك قال السواق التاكسى غلبان بيشل 4ركاب اما الزمالك بيشيل 6

13إية الفرق بين برت بلس والزمالك؟؟؟؟؟؟
برت بلس 3*1 لكن الزمالك 3 في عبدالواحد
14-اهلاوى دخل على زمالكاوى المستشفى لقى انه تعبان خالص قاله معلش ياصحبى سته وتزول
15-مرة واحد قابل واحد قالة كام بيروح فين .... قالة 6 بيروح ميت عقبة
16-مرة واحد زملكاوى سمع النكت اللى فوق جاتله ستة(سكته)قلبية
ههههههههههههههه






علي فكره انا مبحبش الكوره خالص ياجماعه

انا حبيت اجبلكم النكت دي للضحك بس

وياريت محدش يزعل مني

اخوكم شادي

ومنتظر منكم الردود ياحبايبي

[No TiMe]

ههههههههههههههههههههههههه ه جامده بص شوف الاهلي بيعمل ايه لا ميه ميه انت كدا

[moon_tears]

هى هى هى هى هى بايخين

[No TiMe]

هى هى هى هى هى بايخين

اكيد مش بايخين هههههههههههههههه انا بموت في الاهلي علي فكره

[moon_tears]

ياعم وانا مالى متموت زى مانت عاوز هو بيوكلنى ولا بيوكلك يعنى محدش بينفع حد دلوقتى يابمبو

بيقولك انا مبحبش الكوره وباعت نكت على الزملكاويه الله يخربيت الاعلام المصرى اللى بينفخ فى اى حاجه ادى جماهير الاهلى كلها كده

[No TiMe]

ياعم وانا مالى متموت زى مانت عاوز هو بيوكلنى ولا بيوكلك يعنى محدش بينفع حد دلوقتى يابمبو

بيقولك انا مبحبش الكوره وباعت نكت على الزملكاويه الله يخربيت الاعلام المصرى اللى بينفخ فى اى حاجه ادى جماهير الاهلى كلها كده

امال بتقول بايخين ليه اضحك وخلا كدا يعني ههههههههههههههههههههه صعبه دا مفيش اسهل منها