حــــتـــه لـــبــــــان ..... !!!!!!

**Hooba** · 17 - 1 - 2009, 12:50 PM

فى يوم من الايام واحد من الشباب راح يخطب ...وبعد الموافقة

طلب العريس انه يخرج مع عروسته ايام الخطوبة ، سمحوله الجماعة ولكن معاهم اخوها الصغير‎.

قعدوا في الحديقة ، وتكلموا وعرفوا بعضهم اكثر‎.

لما رجعت العروسه البيت ، سألتها أمها : ها أيه أخبار فلان ؟‎

ردت العروسه: هو كويس ، بس في حاجة مش عجباني فيه .

الأم :أيه هى؟‎

العروسه : على طول بياكل لبان اربع وعشرين ساعة ، وده الى مش عاجبني فيه .

الأم : خليني اقول ده لأبوكى، وهو يتصرف معاه ويشوف صرفه معاه‎.

وبعد كام يوم ، سأل الأب العريس عن الموضوع.

يافلان أيه أخبار اللبانة الي أشوفك على طول بتاكل فيها..؟؟ ‎

قال العريس: أنا اصلا ماباكلش اللبان الا لما ادخن بس‎ ...

الأب: انت بتدخن ؟؟؟‎

العريس : ايوه بس لما اكون شارب خمره‎ ...

الأب : وبتشرب خمره. كمان !!!‎

العريس:اشرب بس لما بكون مع شلتي اللي تعرفت عليهم في السجن ..

الأب : وكمان كنت فى السجن !!!!!!!!!!!! عشان أيه..؟؟؟

العريس : أبدا ، قتلت راجل واحد بس‎ .....

الأب : وليه قتلته ؟‎

العريس : علشان كنت خاطب بنته ، ومعجبوش أنى كنت باكل اللبان.

ورجع الأب الى بنته، فسألته :هاااه أيه الأخبار؟ قلتله على موضوع اللبانة ؟‎

رد الأب : يا بنتي دى مجرد حتة لبانة