عريــس مــن النـــت !!!

[dr_manoon]

متنزلهم الحلقه ياتيمور لازم اشخط يعنى الناس هتموت كده لازم العين الحمره يعنى ههههههههههههههههه

[TiMo0oR]

ماشى يا تيمور
مستنى بقية الحلقات
بس بسرعه علشان عندى امتحانات

تسلموووو يا جميل لمرورك

و حاضر هنزل النهارده الحلقه السادسه

[TiMo0oR]

ندخل فى المفيد على طول

حلقات روعة
بس شوقتنا أكتر وأكتر
نعرف بقية الحلقات

هاتها بسرعة ياتيمور

اوك يا قمر هنزل الحلقه دلوقتى

[TiMo0oR]

متنزلهم الحلقه ياتيمور لازم اشخط يعنى الناس هتموت كده لازم العين الحمره يعنى ههههههههههههههههه

براحه عليا يا دميل

خلاص هنزل الحلقه السادسه دلوقتى

[TiMo0oR]

امال انت فاكر ايه يا حاج

الام: ماهو طالب فى البتاعة دى


اللي بيشتغلوا فيها على الكبورر


العنتبلى: بقولك ايه خشي يا ولية نادي على عفاف


جاءت عفاف بسرعة و والدها ينظر اليها بغضب

بينما ابتسم حاتم وهو يقول:

اهلا يا انسة عفاف


عفاف: اهلا بيك يا أستاذ حاتم


العنتبلى: اقعدى يا عفاف وشوفى المصيبة دى...........!!


عفاف: مصيبة ايه بس يا بابا كفا الله الشر


العنتبلى:قال ايه البيه بيقولى انه طالب


عفاف: أيوة يا بابا منا عارفه ان هو طالب

وفي هندسة الحاسبات فى اخر سنة


العنتبلى: نعم يااااااااااااااختى ....؟؟؟
أنا كنت فاكره صحفى


حاتم: صحفى؟؟؟؟

بس أنا ياعمي عمرى ماكنت صحفى ولا هكون


عفاف: استنى بس يا حاتم لوسمحت

يظهر إن فيه سوء تفاهم حصل

وفاكرينك صحفى عشان أنا قلتلهم انك

بتكتب فى المنتديات


ثم إلتفتت إلى والدها وهى تقول :

يا بابا
الأستاذ حاتم بيكتب عالنت مش فى

الصحافة

وكتاباته مميزة جدا جدا


العنتبلى: منا عارف إنه بيكتب فى الجرنال

وبعدين يدخل الجرنال فى الشاشة عشان

الناس تشوفه عالنت

ااااااااااااايه انتوا فاكرينى

جاهل ولا إيه؟؟؟؟؟


حاتم: لا ياعمى العفو....!!!!


عفاف: يابابا هو فيه جرنال فى الدنيا

بيدخل فى الشاشة بردوا ؟

هو مين اللي قالك كدة؟


العنتبلى: واحد صاحبى متعلم كدا ومتنور

ومعاه تالتة إبتدائى

هو اللي قالي إن الأخبار اللي بتشوفوها

عالنت

عبارة عن جرايد بيدخلوها من فتحات

الشاشة الى ورا


عفاف: تالتة إبتدائى؟؟؟؟؟

يا بابا ....الكلام دة غلط ومافيش جرايد

بتدخل من الشاشة ولا حاجة

بالنسبة للأخبار دى عبارة عن كلام مطبوع

عالنت


العنتبلى: شوفى يا بنتى إنتى وهو من الاخر كدا

لو فضلتم سنة تتكلموا عن النت دة مش هفهم بردوا

المهم دلوقتى..............

بسلامته بقى والدك مش موافق ليه؟؟


هو احنا مش قد المقام يعني ولا ايه ؟؟


حاتم: لا ياعمى العفو دة شرف ليهم إنهم يناسبوا حضرتك انت وطنط


الأم: طنط؟؟؟؟؟؟؟؟
طنط مين يا ضنايا؟!؟؟؟؟؟؟؟


عفاف: اهدي بس يا ماما هو يقصد إنه يحترمك مش أكتر


حاتم: أيوة طبعا زى ما قالت عفاف كدة بالضبط


الأم: بس معلشى يابنى لا طنط ولا مدموذيل اقولك
قولي يا حاجة أحسن


حاتم: حاضر يا حاجة


العنتبلى: طيب لما هو شرف ليهم مش موافقين ليه بقىىىى؟؟؟؟


عفاف: هو يقصد يا بابا إنهم مش موافقين على الطريقة نفسها
يعنى الزواج عن طريق النت


العنتبلى: طب ليه يا بنتى مش دة جواز على سنة الله ورسوله؟


حاتم: أكيد يا عمي بس تقول اااااايه بقى ربنا يهديهم


((انتظرونا فى الحلقه القادمه))

[Young DeviL]

انا عايزه باقي الحلقات بقا يا تيمو فعلا موضوع مشوق جدا

[dr_manoon]

تيمور انت فيه حاجه مخبيها صح العنتبلى هيموت انا فليبى حاسس انا خايفه طمننى يادكتور

طيب طنط ام عفاف هتكمل معانا هههههههههههههه

[TiMo0oR]

انا عايزه باقي الحلقات بقا يا تيمو فعلا موضوع مشوق جدا

تسلمووو يا جميل لمرورك


اوك يا جميل هنزلك باقى الحلقات

بس واحده واحده

[TiMo0oR]

تيمور انت فيه حاجه مخبيها صح العنتبلى هيموت انا فليبى حاسس انا خايفه طمننى يادكتور

طيب طنط ام عفاف هتكمل معانا هههههههههههههه

متخفش على المعلم عنتبلى

باذن الله هنزل الحلقه السابعه كمان شويه

[S_A_R_E_E_7]

قصه جميله تسلم ايدك