عريــس مــن النـــت !!!

[TiMo0oR]

قصه جميله تسلم ايدك

تسلموووووووووو يا جميل لمرورك

و جاااااااااااااااااااارى تنزيل الحلقه السابعة

[Young DeviL]

ايه يا تيمو التحميل بطئ كدا ليه كل دا جاري التحميليلا كمل بقا

[TiMo0oR]

معلش ولله يا جميل كان عندى الايام اللى فاتت دروس و كانت النت عندى وحش اوى و الجهاز مهيس بس انا ظبط كل حاجه و باذن الله هكون على طول موجود

هنزلها النهارده

[TiMo0oR]

العنتبلي:

طيب ممكن بقي تقولى ازاي بنتي عجبتك من غير ما تشوفها حتى
يعنى انت أصلا جاي بناءا على ايه؟؟؟؟؟
نظر حاتم إلى عفاف وهو يقول............
حاتم:عجبتنى مشاركاتها يا عمي
مواضيعها وردودها يعني
العنتبلي:مواضيع ايه يابني دي اللي عمال تتكلم عليها أنا مش فاهم حاجه

حاتم : ياعمي اسمعني بس أنا هقول لحضرتك علي كل حاجه

العنتبلي :وادينا سامعين اهو لما نشوف اخرتها ايه

حاتم : بص ياعمي أنا قابلتها أول مرة فى موضوع كان عن السجاير
كلامها لفت نظري اوي
ولقيتها مرة واحدة مشاركة فى موضوع ليا عن الكورة
وأقنعتنى بكلامها إن الكورة دى للفاضيين
ومش ممكن واحد مسلم يكون بيحس بإخوانه فى العراق وفلسطين
يقعد يكتب موضوع عن الكورة ويشجع الأهلي
العنتبلى: اخص عليكي يا عفاف بقى كدا خلتيه يشجع الزمالك بدل الأهليى ؟
حاتم: لا ياعمى ماقصدش دا هيا خليتنى أسيب الكورة نهائي
واشجع الوحدة الإسلامية وبس
دا بعد ما اقتنعت بكلامها طلبت من الموديراتور إنه يقفل الموضوع
و ....!!!
قاطعه العنتبلى: طلبت من مين يا خويا؟؟؟؟
حاتم: الموديراتور
العنتبلى: ويطلع ايه الموتور دة كمان ؟؟؟؟
عفاف: يقصد المشرف يا بابا
يعني اللي بينظم المكان
العنتبلي : طيب
حاتم: المهم بقى ....
بدأت اعجب بيها وأتابع مشاركاتها ومشيت وراها فى كل موضوع تروحه
خرجت من ساحة الشباب للمنتدى السياسى
خرجت وراها لقيتها شاركت فى موضوع عن بوش وشارون قمت شاركت معاها
وشكرتها على مشاركتها ونسيت خالص اشكر صاحب الموضوع الأصلي
رغم انها أصلا كانت داخلة تشكره فشكلى كان نيلة اوووي ساعتها
ولقيتها سابت السياسة وراحت لمنتدي الأخوات فى موضوع تعارف
وأنا كنت ماشى وراها زي المسحور فشاركت بعد مشاركتها على طول
رغم إن الموضوع للأخوات فقط وماأخذتش بالى إلا لما المشرف وقفني
وعلى ما سجلت بإسم جديد مؤقتا لقيتها فى المنتدى العام
بتشارك فى موضوع للنكت فقلت اهو فرصة اكتبلها نكتتين كدا يضحكوها قبل ما تشارك هيا
وفعلا كتبت نكت جامدة اوي وقلت أكيد هتضحك
لقيتها كاتبة عتاب طوووويل عريض لصاحب الموضوع
بإن النكت دى ما يصحش تتقال فى منتدى اسلامى
وبتنصحه إنه يشيل الموضوع ويراجع نيته
لقيتها دخلت منتدى الألعاب ودخلت موضوع شمس وقمر قلت ايه
اهو فرصة نلعب سوا
فدخلت قلت شمس قبل ما هيا تقول قمر
واستنيتها كتيرررررررر تقول قمر بس مفيش فايدة
فقلت لنفسى معقولة دة كله بتكتب ثلاث حروف ؟؟؟؟
ولا يمكن بترسملهم القمر نفسه
المهم بعد 5 دقائق لقيتها رازعة صاحب الموضوع كلمتين
عن المشاركات الهادفة والجد ومراعاة ظروف المسلمين المعتقلين
والمعذبين والمقتولين لغاية ما نفسى غمت عليا
فسحبت كلمة شمس وكتبت بدالها تحيا الوحدة الإسلامية
وقلت البنت دى لازم تبقى من نصيبي
لأنها ايجابية جدااااااا ومحترمة جدااااااااااا
فطلبت ايميلها من المشرف قالي ممنوع
حاولت أقنعه وقلتله ياعم يرضيك ويرضيك ابداااااامافيش فايدة
طبعا الأب والأم قاعدين مسبهلين ومش فاهمين أي حاجة
ويستمعون لحاتم ويؤئمون برؤوسهم كأنهم فاهمين
ولكن عفاف كانت تبتسم وقالت:
امال عرفت ايميلى ازاى؟؟؟؟
حاتم: قدراااااااااا
لقيتك كاتباه لواحدة صحبتك قمت اخدته على طووول

[dr_manoon]

ياااااااااااااااااااااااه اخيرا كنت قربت انسى عمو العنتبلى والله
تيمور متتاخرش عنا كتير كده تسلم يا جميل

[Young DeviL]

ههههههههههههههههههههههههه ههههههههههههههههههههههههه ههههههههههههههدا ايه البت المعقده دي دي حتا مبتلعبش وايه الي عجبه فيها وماشي متشحطط وراها في الاقسام كدا وهيا جاراه وراها كدا ميصحش خالص يلا بقا يا تيمو عايزين الحلقه الجديده وياريت متتاخرش علينا تاني وفعلا ميرسي موضوع جامد موت

[العوامى]

ياريت ياتيمو
تنزل بقيت الحلقات

[TiMo0oR]

ياااااااااااااااااااااااه اخيرا كنت قربت انسى عمو العنتبلى والله
تيمور متتاخرش عنا كتير كده تسلم يا جميل

معلش يا جميل كان عندى ظروف

[TiMo0oR]

ههههههههههههههههههههههههه ههههههههههههههههههههههههه ههههههههههههههدا ايه البت المعقده دي دي حتا مبتلعبش وايه الي عجبه فيها وماشي متشحطط وراها في الاقسام كدا وهيا جاراه وراها كدا ميصحش خالص يلا بقا يا تيمو عايزين الحلقه الجديده وياريت متتاخرش علينا تاني وفعلا ميرسي موضوع جامد موت

اوك يا جميل

تسلموووووو لمرورك

و شكرا على تعليقك

[طيف عابر]

شكرا تيمور على متابعة تنزيل الحلقات لانها جميله وممتعه بالفعل

ننتظر البقيه