كلام فى سيرك

[Essam Net]

احم احم

طبعا وجودي مزعج بس هما كلمتين شعر كده لابد منهم وخلاص






عنوان الشعر
(الكلام في سِرّك)


عايز أقــــــــــولك كلام .......... بس الكلام فـي ســرّك
معرفش ان كـــان كلام .......... يــحــزن وللا يـســرّك
عايز أقـــــــــولك كلام .......... جـمـيل أو مــش جميل
كـــل الـلــــــــي أعرفه .......... إنــه مــلـــــوش بـديل
وإن كــان عـنـدك كلام .......... كــــــــــل الكلام حقولو
ما انا ياما سمعت منك .......... وسهرت الـلـيـل بطولو
وإن عـنـدك أي كـــلمة .......... ياحـبـيـبـــــي خليهالك
حـنعـيد ونزيــد في إيه .......... ما انا قلبي كتير وفالك

************

عايز أقــــــــــولك بحبك .......... خــلاص ده كـان زمان
ولــو حــقـــول وحشني .......... يـبـقـى بـكــدب كـمــان
عايز أقولـــــــــك تعالي .......... تـعــالــى نبعــد خلاص
مقدرس أعـيــش حكاية .......... والحب مهوش أساس
ما تـيـجــي يـــللا نـبـدأ .......... نـنـهــي بإيدنا حكايتنا
ولـو حـتــقـــول وأقـول .......... يبقى أحسن لـو سكتنا
قصتنا حـتـبــقــى أحلى .......... واحنا عايشنهـا ذكرى
بدل مـا نـعــيــش سوى .......... كــــل واحــــد بـفـكرة
ما تـيـجـــي يللا نـبــدأ .......... نكتب سطــــــر النهاية
بدل ما انت فـي حياتي .......... معاية ومــــــش معاية
لــســة عــنـــــدك كلام .......... مـفـضــلش كلام تقولو
ما انا ياما سمعت منك .......... وسهرت الـلـيـل بطولو
وإن عـنـدك أي كـــلمة .......... ياحـبـيـبـــــي خليهالك
حـنعـيد ونزيــد في إيه .......... ما انا قلبي كتير وفالك
*ــــ*ــــ*ــــ*ــــ*ــــ*ــ ــ*ــــ*ــــ*ــــ*ــــ *

قولى رايك بقى ؟!!!

[طيف عابر]

يا سلالالالالالالالالالالالا لالالالالالالام بالفعل روعه جداااااااااا يا عصام ويا ريتك كنت كتبته بقسم الخواطر والاشعار لانه فعلا رائع

هو انت شاعر ونحنا ما بنعرف ؟؟؟
من غير مجامله رائع الكلام ومعبر جدااااااااا

[همسة ولاء]

زوووووووووووووووووئ جدا عصامووووووووووووووووووووو وو

[Essam Net]

يا سلالالالالالالالالالالالا لالالالالالالام بالفعل روعه جداااااااااا يا عصام ويا ريتك كنت كتبته بقسم الخواطر والاشعار لانه فعلا رائع

هو انت شاعر ونحنا ما بنعرف ؟؟؟
من غير مجامله رائع الكلام ومعبر جدااااااااا

شكراً جداً يا طيف ..
مش شاعر ولا حاجه ..
دول كلمتين على الماشى بس مش اكتر ..
البركه فى واحد كده هو عارف نفسه ..

وانا والله احترت احطه فى اى قسم بالضبط ..
وقلت فى الاخر اى قسم وخلاص ..

واشكرك طيف على الرد الجميل ...

زوووووووووووووووووئ جدا عصامووووووووووووووووووووو وو

والله انتى اللى زووووووووووووئ جداً والله يا همسه ..
وياريت تعجب الاعضاء

واشكرك جداً همسه على الرد الرائع بجد ...

[ساندرا]

ميرسى اخى عصام واللهى كلمات بتجنن عنجد

[Essam Net]

والله انتى يا ساندرا اللى ردودك بتجنن عنجد

[محمد أبراهيم]

بقلم ساحر
وعطر كلمه
ورقه مساحه
كان
لقلمك التالق
وحرفك
فيه علامه
بسحر الكلمات ونقاء السطر
لك تقديرى
لك كل الشكر